Регион
Се огласија од „Кока-Кола“ за случајот со труење во Хрватска
На социјалните мрежи масовно се шират информации, кои ги предупредуваат хрватските граѓани дека некои газирани сокови и одредена пакувана вода се отровни.
Наставниот институт за јавно здравје на приморско-горската жупанија утрово потврди дека на анализа пристигнале првите примероци на сокови и минерална вода од кафулињата во Риека по дојавата дека некои лица пиеле минерална вода од еден производител и се затруле од киселина која им го испржила хранопроводот, пренесува „Вечерњи.хр“.
Конечно, како што пренесуваат хрватските медиуми, стигна одговор од „Кока-Кола Хрватска“ за случајот со труењето. Тие потврдија дека случајот со маж што бил хоспитализиран со хемиска повреда на хранопроводот е поврзан со шише минерална вода „ромеркуеле“. Тие тврдат дека се работи за изолиран случај.
„Свесни сме за изолиран случај поврзан со едно стаклено шише Romerquelle Emotion Blueberry Pomegranate 330 ml. Ги изразуваме нашата длабока загриженост и надеж за брзо и целосно закрепнување на личноста инволвирана во овој случај. Целосно сме отворени за соработка со сите надлежни органи“, изјавиле од „Кока-Кола Хрватска“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Драма во Белград: 23-годишен маж силувал старица и ѝ се заканил дека ќе ја убие
Белградската полиција уапсила 23-годишен маж со иницијали С. З. поради сомнение дека силувал старица во нејзината куќа.
По наредба на Обвинителството му била одредена мерка притвор до 30 дена.
Старицата случајот го пријавила во полиција на 7 мај годинава.
Полицијата набргу го идентификувала и го привела.
Според „Телеграф“, С. З. влегол во куќата на постара жена во една белградска населба. Потоа ѝ побарал пари, а бидејќи немала, ја принудил на секс.
„Жртвата рече дека младиот човек ѝ се заканил дека ќе ја убие доколку го пријави во полиција“, пренесува медиумот.
Несреќната жена добила полесни повреди, а била подложена и на здравствени прегледи, според написите.
Регион
Сопругата на Зеленски и шефот на украинската дипломатија во ненадејна посета на Србија
Министерот за надворешни работи на Украина, Дмитро Кулеба, заедно со првата дама на Украина, Олена Зеленска, во знак на затоплување на односите меѓу двете земји, беше во ненадејна посета на Србија, пишуваат медиумите во регионот.
Во својата прва посета на Србија од почетокот на руската агресија врз Украина во 2022 година Кулеба се состана со српскиот претседател Александар Вучиќ и новиот премиер, Милош Вучевиќ.
Во соопштението за печатот на кабинетот на премиерот по разговорите се наведува дека „Србија е посветена на почитување на меѓународното право и територијалниот интегритет на секоја земја членка на Обединетите нации, вклучително и Украина“.
Србија прогласи неутралност во однос на војната во Украина, а нејзините власти повторуваат дека Србија никому не му доставува оружје.
Посетата на Кулеба и Зеленска, кои заедно со првата дама на Србија, Тамара Вучиќ, го обиколија главниот град на Србија, наиде на критики во Москва. Рускиот медиум „РИА новости“ објави негативни коментари од читателите, кои посетата ја оценуваат „срамна“.
Регион
Вулин: Голема Албанија може да ја спречат само Србите и српскиот свет, но и Грците
Вицепремиерот на Република Србија, Александар Вулин, реагира на собирот на албанската имиграција одржан во Атина, на која говореше албанскиот премиер Еди Рама и покрај противењето на грчките власти, пренесуваат српските медиуми.
„Следниот пат кога владата на Грција ќе размислува за признавање на таканареченото Косово, нека се сетат како изгледа пречекот на Еди Рама среде Атина“, напиша Вулин.
Според него, она што Рама не можеше да го доживее во Тирана – го доживеа во Атина.
„Признавањето на таканареченото Косово од грчките власти, а исто така и приемот на Приштина во Советот на Европа, би бил немерлив придонес на владата на Грција и Дора Бакојани за создавање голема Албанија. Само Србите и српскиот свет може да ја запрат голема Албанија, но и Грците, драги наши Грци, мислете на тоа“, рече Вулин.