Регион
Мицотакис го одби повикот на Ципрас за ТВ-дуел

Најголемата опозициска партија во Грција, Нова демократија, го одби повикот на премиерот на Грција, Алексис Ципрас, упатен до лидерот на опозициската партија, Киријакос Мицотакис, за телевизиско соочување.
На дебатата требаше да стане збор за преспанскиот договор, пренесе АНА-МПА.
Во соопштението на Нова демократија се наведува дека во грчкиот парламент се расправа за меѓународните договори, со учество на сите партии и пратеници кои мора да ја преземат својата историска одговорност, особено кога е во прашање договор клучен во решавањето на спорот со поранешната југословенска Република Македонија.
Нова демократија го повика Ципрас да објасни во парламентот зошто планира да го ратификува штетниот договор од Преспа и да ги предаде, како што вели, таканаречената македонска припадност и јазикот, што ниту една претходна грчка влада не можела ни да го замисли.
Ако премиерот брза да одржи дебата, се додава во соопштението, тој би требало да распише предвремени избори и да им дозволи на граѓаните самите да одлучат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Силен земјотрес во близина на Крит: ги вознемири жителите на островот

Силен земјотрес денес го погоди подрачјето во близина на брегот на Крит.
Епицентарот на земјотресот се наоѓа 31 километар источно-североисточно од Закрос на овој остров, објавува грчкиот „Прототема“.
Земјотресот се случил во 20:46 часот по грчко време, а сеизмичкиот потрес имал јачина од 5 степени според Рихтеровата скала, според Геодинамичкиот институт.
Длабочината на која се наоѓал епицентарот на земјотресот била 7,8 километри, објавуваат медиумите.
Регион
(Видео) Невреме во Србија: превртен камион, откорнати дрвја, поплавени улици

Силно невреме, проследено со јак ветер и дожд, денес зафати делови од Србија.
Само во Белград, ветерот собори дрвја и гранки на повеќе од 50 локации.
На социјалните мрежи беа објавени бројни видеа од паднати дрвја и скршени гранки.
Силниот ветер што дуваше во Нови Сад собори дрво.
Силен ветер дуваше и во Белград, а повремено имаше врнежи проследени со грмотевици.
Силна бура го погоди и Зрењанин.
Ветрот кршеше гранки од дрвјата, а поради дождот, водата остана на патиштата.
Налети на ветер превртеа камион кај Зрењанин, според написите во медиумите од регионот.
Регион
(Видео) Големо невреме во Загреб, ветерот крши ролетни, урива дрвја

Голема промена на времето пристигна во Хрватска. Бура го погоди Загреб околу 10 часот наутро. Како што известуваат хрватските медиуми, ветерот дува силно и ги кине ролетните на куќите. Грми, врне и дува силно во целиот град.
Портокалова тревога е во сила за регионите Славонија, Истра, Кварнер и во Далмација, а жолта тревога е во сила за остатокот од Хрватска.
Температурите во делови од земјата ќе паднат за повеќе од 10 степени во споредба со вчера.