Регион
Мицотакис: Ципрас ги предаде граѓаните на Северна Грција
![](https://makfax.com.mk/wp-content/uploads/2019/04/Micotakis.jpg)
Лидерот на најголемата опозициска партија во Грција, Нова демократија, Киријакос Мицотакис, рече дека по повод утрешната посета на грчкиот премиер Алексис Ципрас на Северна Македонија ќе покаже солидарност со граѓаните на северна Грција кои се чувствуваат „изневерени” со потпишувањето на преспанскиот договор меѓу Атина и Скопје, според грчкиот весник „Катимерини“.
„Тие се чувствуваат понижени од грчката влада, која го потпиша преспанскиот договор против кој гласавме”, рече Мицотакис.
Тој додаде дека неговата партија се борела против потпишувањето и ратификацијата на преспанскиот договор во грчкиот парламент, оценувајќи дека договорот создал „големи проблеми” за производите од грчкиот регион Македонија.
„Владата на Нова демократија можеше да потпише сличен договор во 2008 година”, рече Мицотакис, наведувајќи дека тоа го одбиле и покрај „силниот притисок”.
Лидерот на Нова демократија вети дека ако партијата дојде на власт ќе ги спречи негативните последици што ги носи договорот од Преспа и најави „сеопфатен план за заштита на грчките македонски производи од каков било ризик од производите на северниот сосед”.
Тој, исто така, предвиде победа на Нова демократија на претстојните избори, изјавувајќи дека грчкиот народ „нема да му даде трета шанса на господин (премиер Алексис) Ципрас“, кого го обвини за раздор во грчкото општество.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Завршено сослушувањето на новите сведоци во истрагата за убиството на малата Данка
![](https://makfax.com.mk/wp-content/uploads/2024/03/devojche-1.jpg)
Денеска, заврши сослушувањето на новите сведоци во истрагата за убиството на двегодишното девојче Данка Илиќ кога на прашања пред Вишото јавно обвинителство во Заечар, покрај брачниот пар Трајковиќ од Бањско Поле, одговараше Далибор Јовиќ.
Пред обвинителот вкупно три часа зборуваа тројца сведоци, а цело време беа присутни осомничениот и родителите на убиеното девојче.
Имено, веднаш по излегувањето од рочиштето, Јовиќ на насобраните новинари им порача дека не смее да каже ништо за да не ја загрози истрагата.
„За целта на истрагата не смееме да кажеме што му кажавме на јавниот обвинител. Останувам на мојот исказ што го дадов во полиција“, нагласи Јовиќ пред медиумите пред зградата на Обвинителството во Заечар.
Јовиќ рече и дека првпат се среќава лице в лице со осомничените за убиството на Данка, Срѓан Јанковиќ и Дејан Драгијевиќ, но дека и претходно бил сослушан во полициска станица.
„Пред неколку месеци веќе бев сослушан во полициска станица, а сега го кажав истото како и тогаш, џогирав, но ништо конкретно не видов“, изјави овој сведок.
Покрај него, сослушана е и брачната двојка Трајковиќ, кои истакнаа дека сè уште стојат зад зборовите што ги кажале претходно кога станува збор за страшното злосторство.
Тие во еден глас, како што пренесуваат српските медиуми, кажале дека остануваат на првичните изјави – дека во тој момент биле зад куќата и дека ништо ниту виделе ниту слушнале.
Регион
Експлозија во Загреб, разбојници разнеле банкомат
![](https://makfax.com.mk/wp-content/uploads/2024/07/hgfh-1.jpg)
Непознати разбојници разнеле банкомат во загрепски Бузин. Полицијата го блокирала патот.
„Утрово, поминував покрај бензинската пумпа и видов дежурна полиција во близина на банкоматот. Некој го разнел во текот на ноќта“, изјавил жител на Загреб за „24 сата.хр“.
Станува збор за банкомат што се наоѓа во непосредна близина на бензинската пумпа на аголот на авенијата Вечеслава Хољевац и улицата Бани.
Полицијата веднаш излегла на терен со четири возила.
Отпадоци имало насекаде, а засега нема информации колку пари успеале да украдат.
Регион
Група туристи од Црна Гора заглавени на аеродромот на Сицилија: се активира вулканот Етна, издадено црвено ниво на предупредување
![](https://makfax.com.mk/wp-content/uploads/2024/07/gfgd.jpg)
Група туристи од Црна Гора не се вратија од Сицилија како што беше планирано бидејќи летовите беа прекинати во четвртокот поради активирање еден од најголемите кратери на вулканот Етна.
Граѓанин на Црна Гора, кој бил на краток одмор на Сицилија, се пријавил на подгоричкиот портал ЦдМ и пријавил дека спиеле на аеродром и чекаат информација кога повторно ќе бидат возможни летовите. За новиот лет, рече тој, ќе треба да купат нови билети.
Според него, „Рајанер“ нема летови до недела, а „Визер“ утре има лет за Тирана.
Италијанската цивилна заштита објави црвено ниво на предупредување и предалармна оперативна фаза за вулканот поради ерупцијата на Етна, пишува „Палермо Република“, пренесува порталот „Подгорица“.