Регион
Младото момче што се полеа со бензин во Србија се бори за животот, еден полицаец доби изгореници

Момчето Р.К. (20), кое синоќа се полеа со бензин и се запали, се бори за животот и ќе биде транспортирано на Клиниката за пластична хирургија во Белград, изјави за „Танјуг“ директорот на Општата болница во Чачак, д-р Радослав Милошевиќ.
Момчето Р. К., на возраст од 20 години, од Трбушани, во близина на Чачак, се обиде да изврши самоубиство полевајќи се со бензин минатата ноќ.
Според очевидци, пред влезот во приватна пекарска компанија во Чачак тој испил одредена количина бензин и потоа влегол во кругот на фабриката, каде што седнал на тротоарот пред влезот во гардеробата, се полеал со преостанатиот бензин додека држел запалка во раката.
Полициската патрола се обидела да го спречи во таа намера, а во меѓувреме пристигнале и родителите на момчето, кои го молеле да не прави такво нешто, но во еден момент тој се запалил.
Полицајците и собраните работници интервенирале бргу со противпожарни апарати и го изгасиле пламенот. Притоа полицаецот Борис Б. доби изгореници бидејќи за време на интервенцијата бил зафатен од пламенот.
Тимот за брза помош го превезе младото момче со сериозни повреди во болницата во Чачак.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.