Регион
Могерини: Балканот е во Европа, затоа не сакам да го користам изразот проширување, туку обединување

Кога ќе ја погледнете мапата, Балканот е во Европа, изјави високата претставничка на ЕУ, Федерика Могерини, на седницата на Комитетот за надворешни работи на ЕУ, наведувајќи дека не сака да го користи терминот „проширување”, туку„обединување”, објави порталот EWB.
„Кога ќе ја погледнете мапата на Европа, Балканот е во Европа, затоа не сакам да го користам изразот проширување, туку повторното обединување на Балканот со Европа”, рече Могерини, додавајќи дека ЕУ може максимално да го искористи своето влијание ако делува конзистентно.
Зборувајќи за достигнувањата на Европската служба за надворешни работи во изминатите пет години, таа ја искористи можноста да го пофали договорот постигнат меѓу Северна Македонија и Грција. Могерини очекува дека, според ветувањата, Северна Македонија и Албанија во јуни да ги почнат преговорите за членство во ЕУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.
Регион
Уапсена е мајката која го оставила бебето во Белград: било заврзано во кеса

По наредба на Вишото јавно обвинителство во Белград, полицијата ја уапси А.С. (2006), мајка за која постои сомнение дека го оставила своето седумдневно бебе покрај контејнер во Земун, пренесува „Блиц“.
Жената според медиумот е обвинета за обид за тешко убиство.
Бебето го пронашол случаен минувач околу 8:20 часот утрово. Било завиткано во крпи и врзано во кеса.
Според Маја Миладиновиќ, жената што го пронашла бебето, новороденчето тивко плачело, дека нејзиниот крик звучел како „мјаукање“.
– Го шетав кучето како секое утро по улицата Дунавска во Земун кога забележав дека нешто се движи зад контејнерот. Мислев дека лази, но кога се приближив видов дека е бебе. Бебето едвај дишеше и беше сино – вели таа.
Според неа, бебето било завиткано во пешкир.
Како што објави „Блиц“, детето било оставено зад контејнерот, меѓу грмушки и на куп ѓубре.
Екипата за итни случаи го транспортирала бебето во породилиштето во Земун, пишува Танјуг.
Фото: принтскрин
Регион
Министерството за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на владата на Република Србија е пронајден плик адресиран до вицепремиерот и министер за внатрешни работи, Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање пошта. Истрагата утврдила дека пликот бил предаден два дена претходно во филијалата на поштата на Србија во Пожаревац.
Полицијата го идентификувала и го пронашла лицето што го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејства со цел да се заштити безбедноста на граѓаните и на институциите.
Фото: принтскрин