Регион
Можни се нови тужби за убиството на словачкиот новинар

Уште неколку лица би можеле да биде обвинети за убиството на словачкиот новинар Јана Куцијак и неговата свршеница, изјави јавниот обвинител на Словачка.
Словачкиот суд вчера издаде наредба за притвор до почетокот на судењето за четири лица осомничени за нивното убиство, според државниот обвинител.
Убиството на Куцијак и неговата свршеница, кое се случи во февруари, предизвика протести низ Словачка и ја потресе владата на тогашниот премиер Роберт Фицо.
Како што е соопшти „Ројтерс“, за време на полициската операција што беше спроведена во четвртокот уапсени биле три лица против кои во петокот е покренато обвинение за убиство.
Четвртиот осомничен е жена која беше ставена во притвор во петокот, во одвоена постапка од останатите тројца осомничени, а против неа е покренато обвинение за соучество во убиството, што вклучува помагање, планирање, управување и организирање на убиството, наведува агенцијата „Ројтерс“, повикувајќи се на информации од адвокатот на семејството Куцијак.
Властите, како што се наведува, не објавија повеќе информации за осомничените и сé уште не е познато кога ќе почне судењето. Словачкиот обвинител претходно овој месец изјави дека убиството на Куцијак најверојатно било наредено и поврзано со неговата истражувачка работа.
Во неговата последна статија, која беше објавена, се зборуваше за Италијанец кој живее во Словачка и кој во минатото соработувал со двајца Словаци кои подоцна биле вработени во владата на тогашниот премиер Фицо.
По објавувањето, и двајцата Словаци поднесоа оставка, но ја негира поврзаноста со убиството на Куцијак. Нивниот поранешен бизнис-партнер од Италија, исто така, негираше каква било вмешаност во убиството и врски со мафијата, но во март тој беше уапсен и екстрадиран во Италија под сомнение за вмешаност во трговија со дрога.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучевиќ: Време е оние што повикуваат на насилство да одговораaт

Претседателот на Српската напредна партија и советник на претседателот, Милош Вучевиќ, денес изјави дека верува оти Обвинителството ќе си ја заврши работата и дека оние што јавно се залагаат и промовираат насилство ќе бидат повикани на одговорност. „Пет до дванаесет е, а можеби и дванаесет и пет за оние што повикуваат на насилство да одговорат“, рече Вучевиќ за „Танјуг“.
Тој исто така оцени дека протестите пред семејните домови се чист фашизам. „Она што го гледаме сега, дека одат по куќи, станови, ги напаѓаат нашите семејства и соседи, сè најлошо и најодвратно, покажува немоќ и отсуство на каква било политичка смисла. Тие покажуваат кукавичлак, безгрижност“, рече Вучевиќ.
Според него, последниот чин од оваа претстава сè уште треба да се одигра. „Тие беа трипати пред мојот стан, ние веќе сме навикнати на таква ситуација, колку и да е непријатна. И тие само ни даваат уште поголема сила да се бориме против нивните политики, а не да молчиме. Како што видовте, никој не се повлече ниту се засолни“, рече тој. ж
Оние што го организираат тоа, изјави, се вистинските цели на оние пред чии станови протестираат.
„Тие нè прават вистински цели, ако сме убијци и криминалци, тие се одговорни ако нешто им се случи на нашите семејства. Сакам она што им се случува на нашите семејства никогаш да не им се случи ним. Првото нешто што би го направил е да ги заштитам нивните семејства ако нешто се случи.
Се боревме против фашизмот во Втората светска војна, ќе се бориме и сега“, рече Вучевиќ, според „Танјуг“.
Регион
Трагедија во Грција: бебе се задави со сувлаки – итно било префрлено во болница, но немало начин да се спаси

Трагедијата се случи синоќа во Ираклион, Крит, кога 20-месечно девојче се задави додека јадеше сувлаки.
Девојчето зело парче месо додека семејството вечерало. Детето се задавило и веднаш било однесено во болницата „Венизелио“.
Според информациите доставени до Cretalive од директорот на болницата, лекарите успеале да извадат парче сувлаки од неговите дишни патишта и вршеле кардиопулмонална реанимација повеќе од еден час, но не можеле да го одржат во живот, објавува „Прототема“.
Во истиот град во средата попладне се удави 11-годишно дете. Пливачите се обидуваа да му помогнат сè додека не пристигна брзата помош. Малото дете беше однесено во болница, но и покрај напорите на лекарите, почина.
Фото: принтскрин
Регион
Земјотрес ја погоди Лефкада: „Многу се тресеше“

Земјотрес со јачина од 3,1 степени според Рихтеровата скала е регистриран денеска, 25 јули 2025 година, во 7:31 часот наутро во Грција.
Според достапните податоци, епицентарот на земјотресот се наоѓал во близина на Лефкада.
„Столот се тресеше многу“, „Беше краток, но силен“, се само дел од коментарите на луѓето кои го почувствувале земјотресот.
Досега нема извештаи за материјална штета или повредени, а надлежните служби ја следат ситуацијата.