Регион
Можно е да се ограничи доаѓањето на работници од Западен Балкан во Германија
Германскиот медиум „Тагесцајтунг“ објави дека таканареченото правило за Западен Балкан, кое дозволува работници од неколку балкански земји да доаѓаат во Германија, може значително да се ограничи под новата влада.
„На Германија и требаат работници – најмалку 400.000 годишно, велат експертите. Една од можностите овие луѓе да дојдат во Германија е таканареченото правило за Западен Балкан. Меѓутоа, под новата влада на чело со Фридрих Мерц, тоа правило би можело да биде значително ограничено“, наведуваат тие.
Медиумите дополнително објаснуваат дека оваа посебна регулатива им овозможува на луѓето од Албанија, БиХ, Црна Гора, Северна Македонија и Србија без проблем да доаѓаат во Германија на работа. Како што пишува ТАЗ, за тоа не им треба стручно образование или квалификација – доволно е да имаат понуда за работа и одобрение од Федералната агенција за труд и вработување.
Правилото беше воведено во 2015 година за да се намали бројот на често безнадежните барања за азил од овие земји, овозможувајќи им на луѓето редовен пристап до пазарот на трудот.
Оттогаш, според ТАЗ, значително е намален бројот на барања за азил од земјите од Западен Балкан. Мигрантите од овој дел на Европа често работат во медицинскиот и градежниот сектор, рестораните и хотелите. Во 2024 година, владата „Семафорск“ на Олаф Шолц (СПД, Зелените и Либералите) не само што го продолжи правилото за Западен Балкан, туку и ја зголеми квотата за давање работни визи од 25.000 на 50.000 годишно.
Новата влада речиси сигурно ќе ја предводи Христијанско-демократската унија (ЦДУ) на Фридрих Мерц, додека во моментов се водат коалициски преговори меѓу ЦДУ, баварската ЦСУ и СПД, пренесува ДВ.
„Но, на изненадување на сите, во документот на работната група за труд и социјални прашања не се најде ниту еден збор за регулативата за Западен Балкан“, пишува ТАЗ.
„Во еден претходен преговарачки документ беше наведена намерата преку ова правило повторно да се „ограничи“ имиграцијата на првичните 25.000 лица годишно. Од ЦДУ не се изјаснија за тековните преговори, а од СПД не одговорија до завршувањето на ова издание на ПАЗ.
Економскиот експерт Херберт Брикер од Институтот за истражување на пазарот на труд и занимања (ИАБ), кој ги оценуваше ефектите од доаѓањето на работната сила од Западен Балкан, смета дека укинувањето на ова правило не би било добра идеја бидејќи тие „одат многу добро на пазарот на трудот“.
Подобри резултати од која било друга имигрантска група – и многу домашни работници
Три до четири години по пристигнувањето во Германија, околу 95 отсто од нив остануваат вработени, што е поврзано со фактот дека дозволата за престој е поврзана со статусот на вработување.
„Во однос на стапката на вработеност, тие постигнуваат подобри резултати од која било друга група имигранти на пазарот на трудот. Всушност, тие се многу поуспешни од многу домашни работници“, го цитира ТАЗ, Брикер.
Мигрантите речиси и не користат социјална помош, а „нивото на квалификации е повисоко од очекуваното“. Иако правилото за Западен Балкан не бара квалификации, повеќето имигранти работат квалификувана работа.
„Тука имаме редовни работни односи, што е добро за економијата, компаниите и даночните приходи“, истакнува Брикер.
Германија губи 400.000 работници секоја година поради демографските промени.
„Ако дополнително ги намалиме каналите кои добро функционираат, ќе имаме сериозен проблем“, додава Брикер, а пренесува ДВ.
„Треба повеќе да зборуваме за способностите на тие луѓе“
Политикологот Холгер Колб од Советодавниот совет за интеграција и миграција објасни дека работната сила од Западен Балкан имала значително помалку можности да дојде во Германија кога е воведена регулативата отколку што има денес.
„Во меѓувреме, пристапот до германскиот пазар на трудот е олеснет, денес има подобри законски рамки за имиграција на трудот“, објаснува Колб и го наведува примерот на „партнерската програма за признавање на квалификациите“.
„Програмата им овозможува на луѓето да дојдат во Германија да работат во одредена професија додека се обидуваат да добијат признание на нивните сертификати и дипломи. Откако ќе се признаат квалификациите, лицето станува професионална работна сила и може да добие дозвола за постојан престој по само три наместо пет години. Обединувањето на семејството е олеснето и за квалификуваните работници“, посочува Колб.
За разлика од Брикер, Колб го поддржува намалувањето на квотите за Западен Балкан бидејќи смета дека прашањето за потеклото не треба да биде важно во миграцијата на работна сила.
„Треба повеќе да зборуваме за способностите на тие луѓе“, рече Колб. „Правилото за Западен Балкан е спротивно на оваа основна идеја“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Приведени 77 лица по протестите, 48 полицајци повредени, Вучиќ вети дека нема помилување за насилство
Претседателот на Србија, Александар Вучиќ, денеска порача дека нема да потпише никакво помилување или аболиција за оние кои учествувале во насилствата по студентските протести во Белград. Тој најави дека ќе следуваат нови апсења, бидејќи, како што рече, сѐ уште се врши идентификација на осомничените.
„Ова не е крај, лицата се идентификуваат, на тоа работи БИА“, изјави Вучиќ, додавајќи дека Србија не може да се победи со насилство: „Неа не можете да ја победите со насилства, таа не запре и нема да застане“.
Тој оцени дека повиците на крајот од протестот, особено изјавата „имате зелено светло“, претставуваат директен повик за граѓански конфликти и напади врз полицијата.
„Ги повикувам надлежните обвинителства да си ја работат својата работа, да не се преправаат дека се неспособни и наивни. Доаѓа време на одговорност, почитувани граѓани“, додаде Вучиќ.
На заедничката прес-конференција, министерот за внатрешни работи Ивица Дачиќ информираше дека по протестот се приведени 77 лица, од кои 38 се задржани, а меѓу нив има и едно малолетно лице.
„Против 35 лица ќе бидат поднесени кривични пријави, а против 26 лица ќе се води прекршочна постапка“, изјави Дачиќ, додавајќи дека се повредени 48 полицајци, од кои еден со тешки повреди на главата, а уништена е и значителна количина заштитна опрема.
Премиерот на Србија, Ѓуро Мацут, остро го осуди насилството и побара сите страни да се воздржат од дополнително разгорување на тензиите.
„Србија е демократско општество во кое мислењата мора да се изразуваат на мирен и цивилизиран начин, без загрозување на безбедноста на граѓаните и јавниот ред и мир“, изјави Мацут.
Тој им се заблагодари на припадниците на полицијата и безбедносните служби за брзата и професионална интервенција.
Своја реакција имаше и претседателката на српското Собрание, Ана Брнабиќ, која обвини дека студентите на протестот упатиле повик за граѓанска војна.
„Блокаторите не го завршија својот митинг на Видовден со зборовите ‘Да живее Србија’, туку со морничав повик за убивање на Србија – монструозен и отворен повик за граѓанска војна. Памти Србијо“, напиша таа на мрежата Икс.
Блокадери свој скуп на Видовдан нису завршили речима – Живела Србија. Завршили су језивим позивом на убиство Србије, монструозним и отвореним позивом на грађански рат. Памти Србијо. pic.twitter.com/IiOiU3A0Kl
— Ana Brnabic (@anabrnabic) June 28, 2025
Регион
(Видео) Македонски камионџија уапсен во Грција по несреќата во која загинаа татко и дете
34-годишен возач на камион од Македонија е уапсен вчера попладне во Грција, откако учествувал во страшна сообраќајна несреќа во која животот го загубија татко и неговиот 13-годишен син. Трагедијата се случила на стариот магистрален пат Солун – Верија, околу 16 часот.
Според информациите на грчкиот портал protothema.gr, до несреќата дошло на делницата меѓу Халкидони и Лудија, каде под сè уште неразјаснети околности дошло до жесток фронтален судир меѓу камионот и патничко возило во кое патувало четиричлено семејство.
Во судирот, 44-годишниот возач на автомобилот починал на самото место, а неговиот 13-годишен син им подлегнал на повредите кратко потоа. 43-годишна сопруга и нивниот 9-годишен син се здобиле со тешки повреди и биле веднаш пренесени со возило на итната медицинска служба ЕКАБ во болницата „Гениматас“ во Солун.
Според близок роднина на семејството, трагедијата се случила додека се враќале од патување и шопинг во Солун кон нивниот дом во едно село во регионот Пела. Роднината вели дека семејството е во целосен шок, а точните причини за несреќата засега остануваат непознати.
Фотографиите од местото на трагедијата, објавени од protothema.gr, прикажуваат целосно деформирано возило, што сведочи за силата на ударот. Грчката полиција продолжува со истрагата за да ги утврди причините за фаталната несреќа.
Регион
(Видео) Протестот заврши, хаосот почна! Еве што се случуваше откако студентите се повлекоа од белградските улици
Синоќа во Белград се одржа масовен протест во организација на студентите под слоганот „Се гледаме на Видовден“, на кој, според проценките, учествуваа десетици илјади граѓани.
MUP kaže da je na Slaviji 36.000 ljudi, a vi pogledajte snimak iz drona N1 i prosudite sami. pic.twitter.com/oidIEKlDJ7
— TV N1 Beograd (@n1srbija) June 28, 2025
Протестот помина мирно сè додека не беше прогласен крајот од страна на организаторите, по што студентите се повлекоа.
“Uništavaju sve čega se dohvate – Kosovo i Metohiju, vodu, zemlju, vazduh, univerzitet” – akademik Slobodan Vukosavić pic.twitter.com/zwn5JdqoTY
— TV N1 Beograd (@n1srbija) June 28, 2025
Ситуацијата ескалираше веднаш потоа, кога група маскирани лица влегоа во судир со припадниците на полицијата. Безбедносните сили употребија солзавец за да ги растераат присутните, а улиците останаа преполни со граѓани. Полицијата потоа започна со насилно растерување на толпата, што дополнително ја вжешти атмосферата во центарот на српската престолнина.
U Ulici Kneza Miloša došlo je do intervencije Policijske brigade koja je u jednom trenutku počela da potiskuje građane. Nakon potiskivanja, policija je počela jače da odguruje građane okupljene kod Londona, ljudi idu niz Ulicu kneza Miloša. Čuju se topovski uidari i upotrebljen… pic.twitter.com/GYbAOw4a48
— TV N1 Beograd (@n1srbija) June 28, 2025
23.40h žestoka intervencija u kralja aleksandra pic.twitter.com/yiirFEROuj
— zarko bogosavljevic (@zarkobns) June 28, 2025
Истовремено, пред зградата на Владата на Србија се одржа контра-настан во форма на „литературна вечер“, организиран од поддржувачите на власта.
Incidenti kod turske ambasade, bačeno je nekoliko topovskih udara i petardi, javlja naš reporter. pic.twitter.com/FGauiM6xIA
— TV N1 Beograd (@n1srbija) June 28, 2025
Протестите на студентите траат уште од ноември минатата година, кога на Железничката станица во Нови Сад се случи трагична несреќа во која животот го загубија 16 лица, меѓу кои и еден македонски професор.
Токму таа несреќа беше иницијална каписла за студентското движење кое со месеци бара отчетност, реформи и оставки.
Зголемена фреквенција на возила на граничните премини Табановце и Богородица
Сообраќајот на државните патишта се одвива непречено, по суви коловози, извести АМСМ. Интензитетот на сообраќај на патните правци надвор од...
Мицкоски ја доби тужбата против Славјанка Петровска за клевета
Граѓанскиот суд во Скопје донел правосилна пресуда во корист на премиерот Христијан Мицкоски, утврдувајќи дека пратеничката од СДСМ и поранешна...
Приведени 77 лица по протестите, 48 полицајци повредени, Вучиќ вети дека нема помилување за насилство
Претседателот на Србија, Александар Вучиќ, денеска порача дека нема да потпише никакво помилување или аболиција за оние кои учествувале во...
Димитриевски по реизборот: Ќе градиме нови лидери за нова Македонија
На вториот Конгрес на партијата Движење ЗНАМ за наша Македонија, Максим Димитриевски денеска едногласно повторно ја доби довербата од делегатите...
Јаневска: Учебници на 1 септември, повисоки плати, 7 нови училишта и обнова на студентските домови
Во првата година од мандатот на министерката за образование и наука, Весна Јаневска, се испорачани значајни резултати – учебници на...
Избоден 15-годишник на Бит Пазар, 13-годишниот напаѓач е негов роднина
15-годишно момче било повредено со остар предмет синоќа во регионот на Бит Пазар, а според пријавата, нападот го извршил негов...
Скандалозен тендер за возачки испити, СДСМ бара истрага и одговорност од Тошковски
СДСМ алармира за нов скандал во Министерството за внатрешни работи, овој пат поврзан со сомнителен тендер вреден милиони денари за...
Девојка (27) пронајдена мртва во Дебарско Езеро, Обвинителството истражува
Телото на 27-годишната С.А. од Дебар вчера беше пронајдено во водите на Дебарското Езеро. Како што информираше ОВР Дебар, околу...
(Видео) Најмасовниот руски напад досега, кон Украина полетаа 537 крстосувачки, балистички и хиперсонични ракети и дронови
Украински пилот загина, а неговиот борбен авион Ф-16 е соборен во голем руски ракетен и беспилотен авион напад во текот...
Ѓоковиќ од Вимблдон преку Макфакс порачува: Ветувам, многу бргу се гледаме во Македонија!
Пред почетокот на годинешниов трет гренд слем турнир во Вимблдон, на воведната прес конференција, најдобриот тенисер на сите времиња, Новак...
(Видео) Македонски камионџија уапсен во Грција по несреќата во која загинаа татко и дете
34-годишен возач на камион од Македонија е уапсен вчера попладне во Грција, откако учествувал во страшна сообраќајна несреќа во која...
Земјотрес рано утринава ги разбуди граѓаните на Валандово и на околината
Утрово во 5:54 часот, земјотрес со јачина од 3,3 степени според Рихтеровата скала го стресе регионот околу Валандово, информира Сеизмолошката...
(Видео) Протестот заврши, хаосот почна! Еве што се случуваше откако студентите се повлекоа од белградските улици
Синоќа во Белград се одржа масовен протест во организација на студентите под слоганот „Се гледаме на Видовден“, на кој, според...
Нова крвава ноќ во Газа, најмалку 56 загинати во израелските напади
Најмалку 56 лица се убиени во последниот бран израелски воздушни напади врз Појасот Газа што започнаа вчера изутрина, соопштија палестински...
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата
Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни...
(Видео) Студентите на протестот во Белград ќе развеат знаме „какво што не се очекува“
Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва...
Плоштадот Славија во Белград се преполни, реки луѓе доаѓаат од сите страни на видовденски протест
Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки...
(Видео) Забраната од Орбан не ја спречи Парадата на гордоста во Будимпешта, огромен број луѓе се собраа во главниот град на Унгарија
И покрај забраната на Владата на Виктор Орбан, огромен број луѓе денес почнаа да се собираат во главниот град на...
Скенирањето сметки на апликацијата „МојДДВ“ е со прекини, УЈП извести за технички проблеми
Управата за јавни приходи извести дека мобилната апликација „МојДДВ“ во моментов работи со прекини. Тимот на УЈП интензивно работи на...
„Од 15 до 9 до 15 до 10 очекувајте почеток на насилство“, рече српскиот претседател Вучиќ во пресрет на протестот на студентите
Претседателот на Србија Александар Вучиќ очекува насилство на вечерашниот протест на студентите во Белград, објавуваат српските медиуми. По свеченоста на...
