Регион
(Видео) Москва: Белград има право да врати ограничен број полицајци и војници во Косово
Белград има право да врати ограничен број свои полицајци и војници во Косово, изјави денеска рускиот амбасадор во меѓународните организации во Виена, Михаил Уљанов, пренесува „РТ Балкан“.
„Со оглед на актуелната ситуација во Косово и Метохија, би било корисно да се потсети дека во согласност со Резолуцијата 1244 на Советот за безбедност на ОН, Белград го задржува правото да врати ограничен број свои полицајци и војници во тој регион“, напиша Уљанов на „Телеграм“.
Во исто време се огласи и Пекинг со поддршка за Србија во нејзините напори да ги заштити својот суверенитет и територијален интегритет.
„Кина посветува големо внимание на релевантните настани и ги поддржува напорите на Србија за заштита на својот суверенитет и територијален интегритет“, изјави официјалниот претставник на кинеското Министерство за надворешни работи, Мао Нинг, коментирајќи ја ескалацијата на Косово.
Пекинг го повика НАТО искрено да ги почитува суверенитетот и територијалниот интегритет на Србија и да преземе активности што ќе придонесат за мирот, нагласи таа, и додаде дека Кина се противи на едностраното дејствување на косовските власти.
Претседателот на Србија, Александар Вучиќ, денеска се сретна со рускиот, а подоцна ќе се сретне и со кинескиот амбасадор во поглед на влошената ситуација на Косово, соопштија од администрацијата на Вучиќ. Во зградата на Претседателството на Србија во тек е средба на претседателот Александар Вучиќ и рускиот амбасадор во Србија, Александар Боцан-Харченко.
„Го информирав амбасадорот Харченко за ескалацијата на насилството и бруталната дискриминација врз Србите во Косово и Метохија. И покрај најбруталното кршење на сите меѓународни договори, Србија ќе работи на зачувување на мирот и стабилноста барајќи итно усвојување и спроведување мерки што ќе ја гарантираат безбедноста на Србите во Косово и Метохија, што е предуслов за каква било понатамошна дискусија со претставниците на привремените институции во Приштина“, рече Вучиќ.
View this post on Instagram
Србите и денеска се собраа пред трите општини со мнозинско српско население на северот од Косово за да влезат на работа во зградите, но ниту КФОР ниту косовските специјалци не им дозволиле да поминат.
Припадниците на косовската полиција сè уште се во зградите на општините на северот од Косово, а припадниците на КФОР формираа кордони пред нив.
Претставникот на привремената управа на општина Звечан, Драган Недељковиќ, изјави дека Србите, кои вчера беа приведени во Звечан, сè уште не се ослободени.
Недељковиќ синоќа ги информира претставниците на Српската листа дека повторно разговарале со командантот на КФОР, кој им рекол дека чекаат документи за ослободување на приведените Срби.
„Според информациите што ги имам, тие сè уште не се ослободени. Факт е дека КФОР веднаш им ги предал на Албанците“, рече Недељковиќ.
Тој додаде дека од КФОР ветиле оти сите припадници на специјалните косовски единици треба да се повлечат денеска до 15 часот.
„Дојдовме да почекаме, чекаме да дојде 15 часот и сите да си заминат“, изјави Недељковиќ.
View this post on Instagram
Во меѓувреме, на зградата на Општина Зубин Поток веќе го нема знамето на Косово, кое, наместо на јарболот, беше поставен на терасата на вториот кат за да не може да се отстрани. Србите го закачија знамето на Република Србија на столб пред Општината.
На кружниот тек во Грачаница, пак, кај споменикот на Милош Обилиќ, поставено е ново знаме на Србија откога старото било запалено во текот на ноќта.
Директорот на Канцеларијата за Косово и Метохија, Петар Петковиќ, денеска соопшти дека палењето на српската тробојка во Грачаница е налудничава забава од омраза.
„Ноќеска албански екстремист во Грачаница ја запалил српската тробојка во својата налудничава забава од омраза инспирирана од нападот на терористите на Курти врз српскиот голорак народ на северот во Косово и Метохија. Србите веднаш го заменија знамето со ново бидејќи омразата никогаш нема да биде посилна“, напиша Петковиќ на „Твитер“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дете се удави во базен во Загреб
Вчера во објект за изнајмување со базен, се удави дете, соопшти загрепската полиција.
Надлежните соопштија дека на детето му била укажана медицинска помош на местото на настанот а потоа и во Клиничкиот болнички центар во Загреб, каде што починало.
„За да се избегнат трагични настани и да се зголеми безбедноста на пливачите, ги потсетуваме граѓаните да користат добро одржувани места за пливање кои се под надзор на професионални служби.
Сакаме да ги предупредиме пливачите за потенцијалните опасности и да дадеме совети за тоа како да се однесуваат во местата за пливање. Затоа, за да избегнеме трагични сценарија, советуваме и предупредуваме:
не пливајте најмалку еден час по оброк – една од најчестите грешки што многумина од нас ги прават е влегувањето во вода по оброк,
не пливајте ако сте консумирале алкохол – консумирањето алкохол е еден од главните фактори на ризик за давење, како кај младите, така и кај возрасните,
една од вообичаените грешки што многумина од нас ги прават е тоа што по долг престој на сонце, влегуваме во водата за да се освежиме и разладиме. Секогаш треба постепено да влегувате во водата, давајќи му шанса на вашето тело да се подготви и да се адаптира, без разлика колку е топло морето или друга водена површина. Во спротивно, телото ќе доживее шок,
не скокајте во вода со непозната длабочина – можни се сериозни повреди,
ако не сте целосно здрави, не пливајте на затскриени места, а доколку страдате од некои хронични и сериозни болести, избегнувајте пливање на затскриени и небезбедни места; бидете во близина на луѓе, за да можат да ви помогнат доколку е потребно,
ако имате деца, постојано внимавајте на нив – родителите никогаш не треба целосно да се опуштат, дури ни кога пливаат; децата треба да бидат под постојан надзор и да се осигурат за нивната безбедност; меѓу луѓе и во толпи, децата лесно се губат, исто како што лесно можат да се удават во плитка вода; исто така, никогаш не сметајте на постаро дете само да се грижи за помлад брат или сестра; безбедноста на детето е ваша одговорност, надгледувајте ги вашите деца, дури и ако знаат да пливаат,
запомнете дека пливањето во свежа вода е понапорно од пливањето во море (грижете се за ова) и водата често може да биде поматна, па затоа децата потешко ја перцепираат длабочината,
непливачите или послабите пливачи дефинитивно треба да користат помагала за пливање,
избегнувајте пливање сами,
пливајте во близина на спасувачи и следете ги упатствата и знаците на спасувачите
доколку се појават проблеми, останете смирени, доколку забележите некого во неволја во водата, веднаш пружете или побарајте помош и јавете се на надлежните служби.
Реките се најопасни бидејќи течат, често имаат вртлози, потоа се сечат и често го менуваат текот.
Езерото има ненадејни промени во длабочината и температурата, односно температурата во езерото е потопла на површината и постудена на длабочина. Голем проблем за пливачите понекогаш е вегетацијата во која се заплеткуваат, а поради паниката што може да се појави, можат да се удават“, објави полицијата.
Регион
Борисов: Бугарија ќе се вклучи во процесот на обнова на Украина
Бугарија ќе се приклучи на процесот на обнова на Украина. Ова го изјави лидерот на ГЕРБ, Бојко Борисов, на средба со амбасадорот на Украина во Бугарија, Олесја Илашчук.
Лидерот на ГЕРБ ја прогласи способноста на Бугарија да придонесе во сектори, како што се енергетиката, трговијата и инфраструктурата.
„Разговаравме и за развојот на воените операции на територијата на Украина. Украина има категорична поддршка од Бугарија за нејзината европска перспектива“, изјави Бојко Борисов.
Регион
(Видео) Таксист се залета со возилото во демонстранти во Смедерево
Додека граѓаните мирно преминувале пешачки премин во Смедерево, возач на такси налетал на луѓе.
Smederevo, taksi nosi coveka na haubi. Tablice: Sd 0814 tx pic.twitter.com/8rAciLoxVe
— Petar Petrovic (@tombomn) July 4, 2025
Притоа еден граѓанин бил собран од возилото и се возел на хаубата околу 200 метри, јавува репортер на Н1.
Од утрово продолжуваат блокадите низ цела Србија, а неколку студенти беа уапсени на ливада пред Факултетот за драмски уметности во Белград.
Исто така беше приведен и граѓанин во Крагуевац кој одбил да даде документи за идентификација на српската полиција.
„Ова не е буцни прачка, пиј вино“ – Тошковски уверува дека се постапува за дивоградбите во Чаир
Министерството за внатрешни работи постапува по наредба од јавен обвинител во врска со случаите на дивоградби на подрачјето на скопската...
Куќен притвор за возачот што го усмрти Југослав на кеј, претходно бил осудуван за насилство и непочитување на ковид мерки
Судот му определи куќен притвор на 25-годишниот скопјанец кој со мотор без дозвола го усмрти Југослав Николовски (68) на пешачка...
Не молчевме за корупцијата, а чистевме и во сопствениот двор – Тошковски за сработеното во досегашниот мандат
Министерот за внатрешни работи, Панче Тошковски, на денешната конференција за новинари посветена на сработеното во досегашниот мандат потенцира дека со...
17-годишник загина во сообраќајка во Кичево – возел мотор и се судрил со „ауди“
Несреќа со смртни последици се случи вчера во Кичево, пришто животот го загуби 17-годишно момче од овој град, кое управувало...
Трамп го потпиша својот „голем, прекрасен“ закон: „Никогаш не сум видел толку среќни луѓе“
Претседателот на САД, Доналд Трамп, вчера во Белата куќа потпиша голем пакет даночни олеснувања и намалувања на јавните трошоци, на...
Пеколни горештини во Македонија, температурата денес ќе достигне 41 степен
Македонија е под топлотен бран. Според метеоролозите, времето денес ќе биде сончево и многу топло со мала до умерена локална...
Маргини: Луѓето не заминуваат оти се откажале од формирање семејства, туку зашто државата се откажала од нив
Коалицијата Маргини ја осудува изјавата на премиерот Христијан Мицкоски дека „време е за држава каде што ќе се раѓаат повеќе...
Тенис на Вимблдон или трки на коњи во Аскот
Танталови маки за англиската аристократија Од специјалниот известувач од Вимблдон Во Велика Британија временските прилики се најчесто неприлики доколку планирате...
Османи: Владата направи огромна грешка што го постави јазикот како алатка за популистичка егзибиција, време е да се престане со националистичко родео
Владата направи огромна грешка што го постави јазикот како алатка за дневна политика и популистичка егзибиција. Со тоа тие ја...
Претходно осудувано лице: скопјанецот кој го усмрти пешакот со мотоцикл, немал возачка дозвола
Основното јавно обвинителство Скопје донесе Наредба за спроведување истражна постапка против 25-годишен скопјанец, осомничен за -Тешки дела против безбедноста на...
МНР со детали за несреќата во Србија: загинатиот Македонец има 39 години, тешко повреден е уште еден македонски државјанин
МНР соопшти дека до Амбасадата на Република Северна Македонија во Белград е доставена информација за сообраќајна незгода. Според соопштението несреќата...
МВР со апел до граѓаните: да не отвораат линкови од СМС пораки, можат да бидат цел на криминални групи
Секторот за компјутерски криминал при Министерството за внатрешни работи, ги информира граѓаните дека во изминатиот период се забележани зголемен број...
Јаневска: Во изминатите седум години имаме 17.000 ученици и 7.000 студенти помалку, се празнат училниците
Во седум изминати години имаме 17.000 ученици и 7.000 студенти помалку. Училниците и амфитеатрите се празнат. Ако тоа не се...
Предлогот на Мицкоски за даночење на самците кореспондира со идеите од авторитарни режими, реагира Мрежата за заштита од дискриминација
За време на настанот „Демографски трендови, предизвици и можни решенија – Развој на стратешки документи за демографска отпорност“, претседателот на...
Драма во Шуто Оризари – насилници со палки, боксови и со клоци претепале вработен во „Водовод“
Тројца насилници со железни и дрвени палки, клоци и боксови претепале вработен во „Водовод“ пред пунктот на претпријатието во Шуто...
Поднесено обвинение против директорот на болницата за геријатрија за примање поткуп од 20.000 евра
Обвинителството поднесе обвинение против директорот на ЈЗУ Специјализирана болница за геријатриска и палијативна медицина во Скопје, Мухсин Арифи, и уште за...
Владата размислува да ги даночи немажените и неженетите, рече Мицкоски
Владата размислува за дополнителни даноци за немажени и за неженети, соопшти премиерот Христијан Мицкоски говорејќи дека е време за држава во...
Од денеска до вторник топлотен бран во Македонија, се активираат препораките за заштита на населението
Министерството за здравство ја информира јавноста дека во согласност со прогнозите од УХМР и врз основа на акцискиот план за...
Уапсен 42-годишник од Радовишко, силувал 77-годишна жена
На втори јули, во 17 часот полициски службеници од СВР Струмица- ОВР Радовиш го лишиле од слобода 42-годишниот А.С. од...
39-годишен Македонец е загинатиот во несреќата во Србија
Во сообраќајна несреќа што се случи рано утрово на автопатот Нови Сад – Суботица загина македонски државјанин, додека друг се...
