Регион
Шверц на кокаин од Колумбија, со раствор од дрогата биле натопени чаршафи
Полицијата во Загреб објави соопштение за кокаин што го нашле во чаршафи.
„Полициски службеници на полициската управа во Загреб ја завршија кривичната истрага против 43-годишен маж и 42-годишна жена поради сомнение дека сториле кривично дело „Неовластено производство и тргување со дрога“ – пишува полицијата.
Се сомневаат дека 43-годишниот маж од засега неутврдени лица и на неутврден начин од територијата на Колумбија купил поголема количина од дрога кокаин, која потоа била скриена во форма на раствор од кокаин и натопена во платнени покривки за маса.
Дрогата, вака скриена во две пакувања, преку редовна курирска служба била прошверцувана на територијата на Хрватска, по што 43-годишен маж ја подигнал во четвртокот.
Своите сомнежи полициските службеници ги потврдиле со претрес на споменатите пакувања во кои биле пронајдени вкупно 26 парчиња платнени чаршафи натопени во раствор од дрогата кокаин.
„Потоа е спроведена натамошна кривична истрага при што е утврдено дека 43-годишниот осомничен и 42-годишната жена спротивно на одредбите од член 3 од Законот за сузбивање на злоупотреба на дрога со цел на препродажба, набавил смола од коноп од типот на дрога и дрогата кокаин и ја измерил, препакувал и мешал со филер за да ја зголеми количината и ја скрил во стан во Загреб, се со цел производство и препродавање на дрогата“, пишува полицијата.
„Исто така, со употреба на уреди за емитување светлина, осомничените создале услови за вештачко одгледување на растенија во кои засадиле коноп од типот на дрога и го сушеле, го измериле и на крајот го препродавале“, се додава во соопштението.
Полицијата информира дека „Вво наведената лабораторија од страна на полициски службеници пронајдени се засадени и 38 парчиња стебленца коноп од типот дрога, 1.723 грама коноп од типот дрога, 831,1 грама смола од истата дрога, како и осум грама кокаин, 42,8 грама филер, и две дигитални ваги со траги од дрога и вакуум уред“, пренесе Индекс.хр.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.
Регион
Дачиќ и Весиќ: Човечки фактор е причина за судирот на возовите
Министерот за внатрешни работи Ивица Дачиќ изјави дека причина за судирот на возовите во тунелот, во кој нема жртви, е човечки фактор, а министерот за транспорт Горан Весиќ изјави дека се повредени 13 патници, од кои четворица се однесена во ургентен центар.
– Возот помина низ безбедносното светло и удри во товарен воз кој чекаше дозвола да оди до станицата Овча – изјави Весиќ.
Дачиќ за новинарите изјави дека често има жртви во несреќи како оваа и дека е вистинска среќа што во денешниот судир нема жртви и што сите патници излегле од возот.
„Најважно е да нема жртви“, изјави Дачиќ за новинарите.
Началникот на Секторот за вонредни состојби на МВР, Лука Чаушиќ, кој излезе на местото на настанот заедно со министрите Дачиќ, Весиќ и директорката на претпријатието „Инфраструктура железнице Србија“ Јелена Танасковиќ, изјави дека во 18 часот и 42 минути добиена е дојава за судирот, по што на терен излегле вкупно 25 пожарникари.
– Пристигнувајќи на местото на настанот во 18 часот и 48 минути, констатирано е дека возот за итни случаи се судрил со патнички воз во тунелот на длабочина од 400 метри од влезот – изјави Чаушиќ.
Тој додаде дека четири лица биле извлечени низ тунелот за евакуација. Дачиќ рече дека најважна улога имаат пожарникарите, бидејќи лекарите од итната помош не можеле да дојдат до патниците.
Министерот за транспорт Горан Весиќ изјави дека деталите за несреќата ќе се знаат кога Комисијата „Железничка инфраструктура на Србија“ ќе објави официјален извештај, кој се очекува во текот на утрешниот ден.
Регион
Дачиќ: Припадниците на полицијата евакуираа девет лица од возовите
Веднаш по добиената дојава дека во тунел дошло до судир меѓу патнички и товарен воз, на местото на настанот пристигнале бројни полициски сили и 25 пожарникари-спасувачи со седум возила, со оглед дека екипите на итната медицинска помош нене можеле да се приближат до местото на судирот, изјави вечерва министерот за внатрешни работи Ивица Дачиќ.
Пожарникарите-спасувачи успеале, како што додаде, да стигнат до местото и евакуирале девет повредени лица и ги предале на екипите на итната помош за понатамошно лекување.
„Припадниците на српската полиција се уште се на терен и ги преземаат сите мерки и дејствија од нивна надлежност“, изјави Дачиќ.