Регион
Најбараниот криминалец на светот се криел во Белград, сосед му бил висок функционер на српското МВР
„Кралот на криптовалутите“ До Квон, кој на 23 март годинава беше уапсен во Црна Гора под обвиненија за измама тешка неверојатни 60 милијарди долари, извесно време живеел меѓу елитата на Белград, пишува српска „Нова“ цитирајќи го „Ди-ел њуз.“
До Квон, еден од најголемите измамници на сите времиња по кого трагаа властите на три земји – неговата родна Јужна Кореја, Сингапур и САД – се криел во Белград заедно со својот најблизок соработник Хан Чанг Џун пред да бидат уапсени кога сакале да побегнат во Дубаи со приватен авион од аеродромот во Подгорица.
Квон го бараат властите на неколку земји поради неговата улога во колапсот на „Тера“ во мај минатата година, што ги чинеше инвеститорите неверојатни 60 милијарди долари. Хан беше финансиски директор на негвата компанијата „Тераформ лабс“.
Како сопственик и извршен директор на „Тераборм лабс“, До Квон, мозокот зад криптовалутата TerraUSD и токенот Luna, го привлече вниманието на светската јавност откако колапсот на неговиот проект предизвика огромен пад на целиот пазар на криптовалути.
„TeraUSD и Luna пропаднаа во мај 2022 година, бришејќи ја пазарната капитализација од речиси 45 милијарди долари за една недела и предизвикувајќи загуби од стотици милијарди на глобалниот пазар на криптовалути.
Хан Чанг Џун во српската престолнина купил луксузен стан-дуплекс за 2 милиони евра и две паркинг места во комплексот „Амбасадор Парк“ во елитната населба Дедиње.
И додека по нив трагаа повеќе полициски служби, интересно е што нивен сосед во зградата до нив, во комплексот „Амбасадор парк“ во кој живеат дипломати и богаташи, бил висок функционер на српската полиција- началникот на белградската полиција Веселин Милиќ.
Фото: Руски бизнис клуб
Интересно е што и Амбасадата на Јужна Кореја, која го барала својот државјанин со распишана потерница за измама и за кршење на Законот за пазар на капитал, е на само шест минути возење од станот во кој се криел Квон.
За работите да бидат уште потрагикомични, јужнокорејската веб-страница „Диџитал асетс“ објави дека IP-адресите од кои се пристапувало до профилите на Квон на социјалните мрежи одговараат на адресата на станот во комплексот „Амбасадор Парк“ каде што живееле Квон и Хан.
Не се знае како Квон успеал толку долго да се крие и да ги избегнува српските власти иако Интерпол по него распиша меѓународна потерница во септември.
Иако баран од Интерпол, До Квон понекогаш се појавувал во подкасти и на социјалните мрежи, чувствувајќи се удобно во своето бегство од законот, па дури и дал изјава за „Њујорк тајмс“ на почетокот на март во која вели: „Очигледно знаат каде сум“.
Сега се поставува прашањето за темелноста на истрагата за престојот и движењето на До Квон и неговиот соработник спроведена од страна на српските власти. Како членка на Интерпол, Србија е обврзана да соработува со обвинителите и полицијата од другите земји-членки за лоцирање и апсење на бегалци.
„Ди-ел њуз“ веќе пишуваше дека До Квон го користел вистинското име кога основал нова компанија во Србија, неколку недели откако Интерпол го ставил на својата листа на најбарани бегалци, а Јужна Кореја издаде налог за негово апсење.
Квон и Хан исто така без проблем отпатувале во Црна Гора, каде што пограничната полиција ги открила нивните костарикански пасоши и се посомневала дека нешто не е во ред, по што ги уапсила.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Планинар паднал во бездна во Словенија и починал
Во неделата при искачување на планина 43-годишен хрватски планинар се лизнал и паднал во бездна. Поради тешките повреди, тој починал на местото на несреќата.
Полициската управа во Крањ соопшти дека во неделата околу 12 часот добиле пријава за несреќата.
Неколку планинари се искачиле на снежната планинска патека. Пешачејќи, 43-годишниот хрватски планинар се лизнал на висина од речиси 1.900 метри, а потоа паднал во бездната. И покрај соодветната опрема, тој добил тешки телесни повреди и починал на самото место.
Спасувачите од Регионалната управа за катастрофи и вонредни ситуации (ГРД) Крањ и дежурната екипа на Здружението за спасување на планина на Словенија (ГРЗС) пристигнаа на местото на несреќата со полициски хеликоптер, кој потоа го пренесе телото на планинарот во долината.
Полицискиот службеник од полициската единица „Планина“ изврши увид и продолжува со собирање информации за сите околности на несреќата. Сите досегашни сознанија укажуваат на трагична планинска несреќа. Полицијата за сите информации ќе го извести надлежното државно правобранителство, соопштија од Полициската управа во Крањ.
Регион
Татко во Србија возел со голема брзина и излетал од патот, загина бебе
Тримесечно бебе загина во тешка сообраќајна несреќа што се случи во саботата на патот Зрењанин – Лазарево во Србија.
Несреќата се случила околу 14.15 часот кога автомобил со шест лица, меѓу кои и две бебиња, излетал од патот во нива.
Според информациите од истрагата, до несреќата најверојатно дошло кога возачот на автомобилот, таткото на загинатото бебе, кој има само пробна возачка дозвола, се обидел да го заобиколи возилото пред себе по што изгубил контрола над автомобилот и излетал од патот во блиската нива.
Неофицијални извори тврдат дека возачот во моментот на несреќата возел со брзина од околу 140 km/h, што е значително над дозволената брзина на тој дел од патот.
„При превртувањето, кое се случи повеќепати, од возилото испаднаа жени, кои седеа на задното седиште со бебиња во рацете“, изјави извор близок до истрагата, пренесува „Блиц“.
На фотографиите од местото на несреќата објавени од страна на „Инстаграм 192_rs“ се гледа целосно уништено возило.
Според последните информации, полицијата го привела возачот Ј. К., татко на починатото бебе, кој е осомничен дека ја предизвикал сообраќајната несреќа.
Регион
(Видео) Илјадници учесници на масовниот протест во Ниш
Илјадници учесници на масовниот протест „Студентски едикт“ синоќа во 23 часот и 52 минути молчеа на централниот плоштад во Ниш, оддавајќи им почит со 15-минутно молчење на 15-те лица кои загинаа при уривање на настрешница на железничката станица во Нови Сад на 1 ноември минатата година.
Студентите и граѓаните стоеја во тишина, со вклучени батериски ламби на мобилните телефони, до седум минути по полноќ, на петтиот масовен митинг што се одржа во Србија во бранот повеќемесечни протести предизвикани од трагедијата во Нови Сад.
Со ова и формално заврши протестот кој започна во саботата во 9 часот, предводен од студенти од сите четири универзитетски центри во Србија. Студентите најавија дека до три часот наутро ќе го чистат плоштадот и околните улици каде се одржува митингот, а на ова им се придружија и жителите на Ниш.
Жителите на Ниш во петокот вечерта со овации ги пречекаа илјадниците студенти од десетици српски градови, кои пристигнаа на собирот по неколкудневно пешачење, возење велосипед и штафетен маратон. Десетици илјади луѓе се собраа на 18-часовниот митинг, а главната протестна програма во саботата вечерта го вклучи и прогласувањето на „Студентски едикт“.
Протестот беше организиран на денот кога се одбележаа четири месеци од уривањето на настрешница на неодамна реновираната железничка станица во Нови Сад, кога на 1 ноември загинаа 15 лица, главно млади луѓе, а уште двајца беа повредени со трајни последици.
Оттогаш, студентите и граѓаните бараат одговорност и правда за жртвите на плоштадите и улиците низ Србија, додека владата на протестите гледа како на „обоена револуција“. Студентите го најавија следниот голем протест за 15 март во Белград и ги поканија сите нивни колеги и граѓани на Србија да им се придружат.
Protest "Studentski edikt" snimljen dronom. pic.twitter.com/l1c1Djpmhp
— TV N1 Beograd (@n1srbija) March 1, 2025
Средба Муцунски-Сијарто: Унгарија е меѓу десетте најголеми трговски партнери и инвеститори во Македонија
Во рамките на Втората меѓувладина седница со Унгарија, министерот за надворешни работи и надворешна трговија, Тимчо Муцунски, денеска во Будимпешта...
Апелација му ја намали казната на Боки 13 за „Рекет“, од девет на пет години
Апелациониот суд ја преиначи пресудата за случајот „Рекет“ во кој е обвинет Бојан Јовановски – Боки 13. Боки 13 во...
Онака сложно како што ги зачуваа патните трошоци, пратениците да изгласаат дополнително покачување на минималната плата од 6.000 денари, побара Трендафилов
Сојузот на синдикатите на Македонија (ССМ), денес, до Владата, до Собранието и до работодавците достави предлог во кој бара дополнително...
Вработените во Филхармонијата до Мицкоски и Љутков: За директор треба да се избере најквалификуваниот, а не партиски договорениот кандидат
Пред неколку дена, министерот за култура и туризам, Зоран Љутков во изјава за еден медиум рече дека одлуката кој ќе...
Трамп: „Зеленски нема да има друга опција, освен да се предаде“
Американскиот претседател Доналд Трамп синоќа на својата социјална мрежа Truth Social сподели објава во која тврди дека украинскиот претседател Володимир...
Платите да се исплаќаат до петти место до петнаесетти во месецот, предлага Левицата
На денешната прес-конференција, пратеникот од Левица и портпаролот на партијата, Амар Мециновиќ, обзнани дека пратениците од Левица поднеле предлог во...
За електронски индекс ќе треба една и пол година, месецов почнува дигитализацијата на студентските сервиси на УКИМ, вели ректорката Ангелова
Универзитетот „Св. Кирил и Методиј“ (УКИМ) месецов почнува со дигитална трансформација. Ректорката Билјана Ангелова најави дека првин ќе се дигитализираат...
ДУИ подготвува бојкот на локалните избори за да го избегне поразот, велат од „Влен“
За да го избегне поразот ДУИ планира да ги бојкотира изборите и да провоцира тензии на денот на гласањето, веалт...
Возел под дејство на алкохол, со голема брзина и тешко повредил пешак: истрага за сообраќајна несреќа во Скопје
Мерки на претпазливост, кои вклучуваат привремено одземање возачка дозвола и забрана за нејзино издавање, забрана за напуштање на живеалиштето или...
Лавров: Зеленски се претвори во чист нацист и предавник на Евреите
Украинскиот лидер Володимир Зеленски по доаѓањето на власт се претвори во „чист нацист“ и предавник на Евреите, изјави рускиот министер...
(Видео) Зеленски: Подготвен сум да заминам во замена за членство во НАТО
Володомир Зеленски рече дека ќе биде подготвен да замине во замена за членството на Украина во НАТО, навестувајќи дека ќе...
Макрон: Предлагаме едномесечен прекин на огнот во Украина
Франција и Велика Британија предлагаат едномесечен прекин на огнот во Украина „во воздух, во море и во енергетската инфраструктура“, изјави...
(Видео) Почина Австралиецот чија крв спаси повеќе од два милиона бебиња
Џејмс Харисон починал во сон во дом за стари лица во Нов Јужен Велс, Австралија, на 17 февруари, соопшти неговото...
Макрон предупреди дека откажувањето на САД од пружање поддршка на Украина би имало катастрофални последници
Францускиот претседател Емануел Макрон предупреди дека откажувањето на Соединетите американски држави од пружање поддршка на Украина би имало катастрофални последници,...
Во тек е клучниот состанок во Лондон, момент кој се случува еднаш во генерација
Стотици луѓе се собраа пред канцеларијата на британскиот премиер Кир Стармер и собирот за поддршка на Украина го почнаа со...
Полицаец пријавил дека му го украле службениот пиштол со рамка и 13 куршуми
Вчера во осум часот во ОВР – Крушево, М.Х., на возраст од 38 години од овој град, вработен како полициски...
Ватикан соопшти дека папата Франциско е во стабилна здравствена состојба и имал мирна ноќ
Папата Франциско е во стабилна здравствена состојба и имаше мирна ноќ, соопшти денеска Ватикан. „Ноќта беше мирна, папата се уште...
Пијан возач удри и тешко повреди 25-годишна битолчанка во Скопје, полицијата го приведе
Во СВР Скопје синоќа било пријавено дека на улицата „Св. Кирил и Методиј“ во Скопје патничко моторно возило „мерцедес“ со...
Саша Поповиќ пред да почине се лекувал во Париз, случајно открил дека е болен кога скршил нога
Саша Поповиќ почина вчера на 70-годишна возраст по тешко боледување. Нецела година Поповиќ се борел со тешката болест, неговото лекување...
Почина Саша Поповиќ, основач и креативен директор на „Гранд продукција“
По кратко и тешко боледување денес почина Саша Поповиќ, основач и креативен директор на „Гранд продукција“, еден од највлијателните луѓе...
