Регион
Најмалку 10 случаи на коронавирус на Света Гора

Во манастирите на Света Гора се потврдени најмалку 10 случаи на коронавирус, од кои осум случаи во манастирот Свети Павле и најмалку по еден во Хиландар и во манастирското село Лакоскити.
Манастирот Свети Павле, кој се наоѓа на западниот брег на Атос, е ставен во карантин, а еден свештеник во критична состојба е префрлен во болница во Солун, пренесува „Катимерини“.
На Атос е испратен тим на Националната организација за јавно здравје (ЕОДИ) за да открие колку вирусот навистина е распространет на Атос.
Како што е наведено, засега никој не може да гарантира дека вирусот не се проширил во други манастири, ќелии и простории.
Се додава дека Светата заедница на почеток ги затворила вратите на Света Гора за посетителите, но мерките се ублажени и на посетителите им е дозволено да ги посетуваат манастирите со мерење на температурата, како и свештениците кои доаѓаат и одат од островот.
Иако претходно биле предупредувани свештениците да ги почитуваат мерките, многумина од нив не го прават тоа, особено за време на верски собири и церемонии.
Порталот Грик репортер потсетува дека манастирот Свети Павле е основан кон крајот на 10 и почетокот на 11 век и дека во него живеат 31 свештеник.
Манастирската библиотека содржи 494 ракописи и повеќе од 12 000 печатени книги, а манастирот се смета за 14. во хиерархијата меѓу 20 манастири на Света Гора.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Тројца пациенти од Кочани се примени во болница во Варна

Тројца повредени во пожарот во Кочани вчера се примени на Клиниката за изгореници при ВМА-Варна, јави Бгнес.
Тие беа пренесени во Варна со воениот авион Спартан, кој првично слета во Софија, каде што пет пациенти беа сместени во болницата Пирогов.
Бугарија се обврза на лекување на 14 повредени во пожарот во Кочани.
Во пожарот што избувна во дискотека во Кочани животот го загубија 59 лица.
Регион
Авион на српската армија со 12 повредени во пожарот во Кочани пристигна во Белград

Дванаесет пациенти повредени во пожарот во дискотека во Кочани вчера вечер се пренесени од Македонија во Белград со авион CASA C-295 на српската армија, кои ќе бидат згрижени во Воената медицинска академија и во Клиничкиот центар на Србија, јави Танјуг.
Претходно, авион со четворица лекари и четворица медицински техничари полета за Македонија за медицинска евакуација на повредените во несреќата. Двајца пациенти кои претходно биле пренесени од Македонија со воени амбулантни возила се на лекување во Воената болница Ниш и Клиничкиот центар Ниш. За да им се пружи помош на повредените, планирано е двајца лекари од ВМА (пластичен хирург и анестезиолог) и еден медицински техничар – инструмент-оператор да останат во Македонија, пренесе српски Телеграф.
Најмалку 59 лица загинаа во пожарот што избувна ноќта меѓу саботата и неделата во дискотеката „Пулс“ во Кочани.
Регион
Новак Ѓоковиќ го објави македонското знаме со црна панделка

По големата трагедија се случи во Кочани, Македонија, каде што најмалку 59 лица го загубија животот по пожар во дискотека се огласи и српскиот тенисер Новак Ѓоковиќ.
Тој на социјалните мрежи го објави знамето на Македонија со црна позадина, испраќајќи поддршка до семејствата на загинатите и повредените.