Регион
На две плажи во Црна Гора лежалките ќе чинат 120 евра

Црна Гора најави дека капалиштата ќе бидат отворени од 18 мај. Туристите ќе имаат многу поголема удобност затоа што плажите нема да бидат пренатрупани бидејќи мора да се почитува задолжителното растојание помеѓу плажниот мобилијар.
Дефинирано е дека на 16 квадратни метри плажа може да бидат поставени само еден чадор и две лежалки.
Она што мачи многу туристи се цените. Но, сè уште нема официјален одговор на тоа прашање.
Во спомен на кралицата Марија Караѓорѓевиќ, која, како што велат, таму го поминувала времето, плажата кај островот Свети Стефан се вика Краличина.
Таа плажа ќе биде особено привлечна за туристите затоа што социјалното растојание е веќе применето таму и удобноста на оваа плажа е навистина на високо ниво. Но, изнајмувањето лежалки и чадори на оваа плажа чини 120 евра.
Во непосредна близина на Краличината плажа, се наоѓа и Краловата. Тоа е релативно мала плажа, долга само 200 метри.
Летната резиденција на кралот Никола, по кого е именувана, се наоѓа во близина на оваа прекрасна плажа.
И овде правилото на физичко дистанцирање важи веќе долго време. Мал број лежалки за плажа е достапен за изнајмување, а цената е речиси иста како и на Краличината плажа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Претседателката на Хашкиот трибунал: Ратко Младиќ добива медицинска нега на високо ниво

Претседателката на Меѓународниот кривичен трибунал во Хаг, Грасиела Гати Сантана, денес пред Советот за безбедност на ОН во Њујорк изјави дека генералот Ратко Младиќ добива медицинска нега на „високо ниво“ во притвор.
Младиќ отслужува доживотна казна затвор за геноцидот во Сребреница и воените злосторства против муслиманите и Хрватите за време на војната во Босна и Херцеговина од 1992 до 1995 година.
Поднесувајќи го својот редовен извештај за работата на Трибуналот, Сантана ги информираше земјите-членки на Советот за безбедност дека одбраната на Младиќ неодамна побарала тој да биде ослободен од хуманитарни причини поради неговата неизлечива болест.
Регион
Син до смрт ја претепал мајка си во Никшиќ: ја удирал жената по главата, нозете и рацете

Службеници на Одделот за безбедност во Никшиќ го уапсиле С.Г. (59) поради сомнение дека ѝ нанел тешки телесни повреди на својата мајка М.Г. во семејниот стан во Никшиќ. (85), како резултат на што таа починала.
– На 10 јуни 2025 година, дежурната полициска служба била известена од персоналот на Општата болница во Никшиќ дека кај нив е донесена жена со повреди на главата. М.Г. веднаш била префрлена во Клиничкиот центар на Црна Гора, каде што починала денес, пренесува Рина“изјава од полицијата.
За случајот веднаш бил известен државниот обвинител на Вишото државно обвинителство во Подгорица, кој наредил да се спроведе истрага во станот каде што живееле заедно мајката и синот.
Полицијата утврдила дека С.Г. ѝ нанел повеќекратни повреди на рацете, нозете и главата на мајката. Лекарите ги окарактеризираа повредите како тешки, опасни по живот.
За новите околности бил информиран надлежниот обвинител, кој утврдил дека овој случај содржи елементи на кривично дело – тешко убиство. С.Г. бил уапсен по наредба на обвинителот.
Обвинителот наредил и обдукција на телото на починатата, која ќе се изврши во текот на денот.
Регион
Ученик од седмо одделение приведен во Србија: донел нож и список за отстрел во училиште

Ученик од основното училиште „Јован Стерија Поповиќ“ во Нов Белград е однесен во полиција на разговор, објави српски Блиц.
Се сомнева дека вчера во училиштето донел список за убивање и нож.
Момчето е испрашувано од полицијата по наредба на Вишото јавно обвинителство во Белград, а се вели дека станува збор за ученик во седмо одделение.
Сите околности на инцидентот сè уште се утврдуваат, а деталите не се познати.