Регион
На момче со церебрална парализа му ја одбиле пензијата од починатиот татко – Европскиот суд досуди оштета за случајот од Хрватска
Момче во Хрватска боледувал од церебрална парализа од четиригодишна возраст, а по смртта на неговиот татко, неговата мајка поднела барање до надлежната служба на Хрватскиот завод за пензиско осигурување (ХЗМО) во Осиек за признавање на правото на семејна пензија.
Според закон, детето има право на семејна пензија по смртта на родителот доколку тој родител го издржувал до неговата смрт и ако детето било целосно неспособно за каква било работа.
Но, барањето било одбиено бидејќи надлежните органи сметале дека тој нема т.н општа неспособност за работа. Уставниот суд на Република Хрватска ја отфрлил неговата уставна жалба.
Отштета од 4.650 евра му досуди Европскиот суд за човекови права (ЕСЧП) на хрватскиот апликант чие право на правично судење беше повредено од државата поради процедурални пропусти во постапката за признавање на правото на семејна пензија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Силен земјотрес во Грција
Земјотрес со јачина од 4,4 степени според Рихтеровата скала е регистриран ноќеска во близина на Кефалонија, јавува ЕМСЦ.
Според досегашните информации, земјотресот се случил околу 3 часот по полноќ на длабочина од 16 километри.
Засега нема информации за евентуална штета или повредени.
Регион
Во Србија пронајдени три деца киднапирани во Романија
Киднапирани деца од Романија, денеска биле пронајдени во српскиот град Ниш. Министерот за внатрешни работи Ивица Дачиќ денеска за ова ја информирал министерката за внатрешнира работи на Романија.
Случајот во последните денови ја брануваше романската јавност.
Имено, министерот Дачиќ ја информирал својата романска колешка дека припадниците на Министерството за внатрешни работи, Управата за криминалистичка полиција, Службата за сузбивање криминал и Техничката управа, во соработка со Полициската управа во Ниш, постапувајќи по пријава за кривично дело киднапирање извршено во Романија, уапсен е романски државјанин А.М.(1970) поради сомнение дека ги грабнал неговите три малолетни деца, исто така романски државјани на возраст од 11, 9 и 8 години.
Регион
Мајката на убиеното момче во „Рибникар“: Зошто го уби мојот син единец?; Коста: Се чувствував отфрлено
Во зградата на Специјалниот суд во Белград денеска продолжува судењето на Милјана и Владимир Кецмановиќ, родителите на момчето Коста, кое уби девет ученици и чуварот во основното училиште „Владислав Рибникар“. Момчето убиец и денеска продолжува да дава исказ во постапката. Со оглед на тоа дека за време на масакрот имал 13 години, нема да сноси кривична одговорност за своето дело.
Денеска му поставуваат прашања родителите на убиените деца. Судењето е затворено за јавноста, пренесуваат тамошните медиуми.
„Мајка ми секогаш бараше да бидам најдобар. Се лутеше и викаше кога не бев најдобар. Бидејќи секогаш бараше повеќе од мене, јас ѝ се лутев. Тоа нејзино однесување влијаеше да го направам тоа што го направив. Да го немав пиштолот на татко ми, немаше да го сторам ова“, изјави денеска пред судот Коста К., пренесуваат српските медиуми.
Кога Сузана Станковиќ-Чикиќ, мајката на убиениот Андрија Чикиќ, го прашала зошто ѝ го убил синот единец, тој одговорил: „Се чувствував отфрлено“. Во тој момент речиси сите во судницата плачеа, пишува „Телеграф“.
Огњен Божовиќ, адвокатот на семејствата на оштетените, зборуваше за постапката пред судењето.
„Денеска, треба да продолжи сослушувањето на малолетниот убиец, имаме можност да поставиме дополнителни прашања. Ќе се обидеме да разбереме како се случија настаните, да ги разгледаме темите, кои биле мотивите и што сакал да постигне. Се надевам дека дополнително ќе утврдиме одговорност и ќе разјасниме зошто тоа се случило, верувам дека одиме кон осуда, неговото сведочење не е пресудно во таа смисла, но мислам дека е значајно“, рече адвокатот и додаде:
„Се надевам дека денеска ќе добиеме повеќе дополнителен материјал, кој ќе го потврди нашиот став. Разбирам дека постои легитимен интерес на јавноста и уште од првиот ден ја застапував тезата дека судењето треба да биде отворено за јавноста, но со оглед на судската одлука за изземање, сметам дека секое истекување информации треба да се истражи и санкционира. Со тоа се создава амбиент во кој ние како адвокати не можеме да ги коментираме насловите во порталите и весниците, а во јавноста завршуваат разни детали. Ова ја отежнува нашата работа“, рече тој.