Регион
Ново пукање во БиХ: нападнат чувар во Градачац, кој пукал во неговите напаѓачи

Едно лице е рането во синоќешната престрелка која се случила во Градачац, во Тузла, додека уште едно лице се здобило со други видови повреди, дознава порталот „Аваза“.
„Имаше употреба на огнено оружје. Синоќа 14.06. околу 22:35 часот лицето З.Б. (1960) од Градачац пријавил дека бил физички нападнат од лица познати А.Ш. (1987) и М.К. (1988) и дека употребил огнено оружје кон лицето А.Ш. кого во таа прилика го повредил. Веднаш по пријавата на местото на настанот се упатени полициски службеници, а повредениот бил пренесен во Универзитетскиот медицински центар Тузла, каде му била укажана лекарска помош на хируршката клиника и му била констатирана тешка физичка повреда, а дополнително е упатен на клиниката за ортопедија“, изјави за порталот „Аваза“ Аднана Спречиќ, портпарол на МВР.
Исто така, лицето со иницијали З.Б. бил упатен во УКЦ Тузла бидејќи се здобил со повреди.
„Тој одби лекување во УКЦ Тузла и не отиде во болница“, додава Спречиќ.
За настанот бил известен обвинителот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.
Регион
Србинка извлечена мртва од морето во Грција, наредена обдукција: детали за ужасот на Халкидик

Седумдесет и тригодишна жена од Србија била извлечена во несвест од морето на полуостровот Касандра во Грција и однесена во болница, каде што била прогласена за мртва, објавија грчките медиуми.
Сè се случило во градот Сивири на Халкидик, популарно одморалиште кај туристите од регионот.
Таа беше извлечена од морето во средата попладне.
Веднаш беше известена Пристанишната управа на Неа Мудања, а 73-годишната жена беше пренесена со амбулантно возило на ЕКАБ во Здравствениот центар во Касандра, каде што беше констатирана смрт.
Вториот оддел на пристаништето Неа Мудања, при Централната пристанишна управа на Солун, која ја спроведува прелиминарната истрага, нареди обдукција во Службата за судска медицина во Солун.
Регион
Тело на Србинка извлечено од морето во Грција

Седумдесет и тригодишна Србинка е пронајдена мртва во морето крај брегот на Касандра, Грција, пренесе српски Телеграф.
Таа е пронајдена во несвест во морето крај брегот на Касандра на Халкидики во среда околу пладне и со брза помош е пренесена во Здравствениот центар во Касандра, каде што е констатирана смрт.
Според информациите, истрагата е во тек, а ќе биде извршена и обдукција, јавува грчката агенција АНА.