Регион
Нов црн рекорд во Србија, 51 починат и повеќе од 7.500 заразени

Во текот на последните 24 часа во Србија се регистрирани 7.606 случаи на коронавирус, а починаа 51 лице, што е нов црн рекорд.
Тестирани се 21.569. Во болниците има 6.722 лица, а во моментот 243 пациенти се на апарати за дишење.
Вкупно 148.214 случаи на коронавирус се регистрирани во Србија од почетокот на епидемијата. Тестирани се 1.703.985 лица. Вкупно починале 1.366 лица.
Во вторникот беа воведени нови, построги мерки за борба против коронавирусот, беше одлучено учениците од повисоките одделенија на основните и сите средни училишта да се префрлат на онлајн-настава. Исто така, на факултетите им се препорачува онлајн-настава.
Членот на кризниот штаб, епидемиологот д-р Предраг Кон, изјави дека мерките се задоцнети.
Лекарите апелираат до сите граѓани да ги почитуваат мерките што се донесени со цел да имаат ефект.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.