Регион
Обраќање на Голоб по победата: Ова е јасен мандат за жителите на Словенија кои очекуваат брзи потези

Роберт Голоб и се обрати на јавноста по победата на парламентарните избори.
– Би сакал да ја изразам мојата поддршка за граѓанското општество, бидејќи без вас овој резултат немаше да се случи, вие бевте наша инспирација со вашата борба за слобода и правда. Ја изразуваме нашата длабока благодарност за вашата работа и борба. Верувајте, ќе ги имате моите уши и ушите на сите нас по изборите. Верувам дека нашата коалиција со вас ќе раскине со досегашната политичка практика – изјави новиот премиер на Словенија Роберт Голоб.
На прашањето дали има доволно мандати за измените што ги најави, тој одговори дека имаат доволно мандати за брзо дејствување.
– Ужасно ми е жал што не успеаја сите партии да влезат во парламентот бидејќи мислам дека различноста збогатува. Во оваа ситуација гледам дека можеме брзо да формираме влада. Ситуацијата е премногу захтевна за да може да ни дозволи да чекаме два, три месеци со првите потези. Ова не е победа, ова е јасен мандат за словенците кои очекуваат брзи потези. Бројот на освоени мандати е таков што можеме брзо да носиме одлуки, а на крајот да ја дополниме владата – рече Голоб.
Тој додаде дека очекува утре или задутре да се сретнат и да го договорат датумот на формирање влада. Тој не гледа потреба од формирање на широка влада, но ќе биде отворен за секој што сака да се приклучи на коалицијата, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.