Регион
ОБСЕ, Амбасадата на САД и ОХР ја осудуваат циничната употреба на извештајот на Комисијата за Сребреница за политички цели
Мисијата на ОБСЕ во Босна и Херцеговина, на Амбасадата на САД и на Канцеларијата на високиот претставник (ОХР) „најостро го осудуваат циничниот начин на употреба на Извештајот на Европската комисија за настаните во и околу Сребреница во 2004 година, за политички цели за време на предизборниот период.
„Политизацијата на Извештајот не придонесуваат за правда и помирување, го поткопува владеењето на правото, не ги претставува европските вредности и во крајна линија, претставува закана за процесот на остварување на правда за сите жртви на воените злосторства, без оглед на етничката припадност. Извештајот помога заедниците во Босна и Херцеговина да се продолжат напред. Многу од резултатите во извештајот се верифицирани и потврдени од страна на одлуки на меѓународни, домашни и странски судови. Фактот дека во Сребреница во 1995 година е извршен геноцид е потврден од страна на две меѓународни судови. За да биде јасно, никој не ја демонизира Република Српска, ниту пак зборува за колективната одговорност на Република Српска или на српскиот народ, како што тврдеше претседателот на Република Српска и други. Жртви има од сите страни, вклучувајќи го и српскиот народ. По усвојувањето, Извештајот беше важен чекор напред во напорите за постигнување на правдата. Овие напори продолжуваат и денес. Мисијата на ОБСЕ во БиХ во неколку наврати истакна дека обвинителите и судовите на ниво на Федерацијата на БиХ, Република Српска, како и на Обвинителството на БиХ и Судот на БиХ, досега ја завршиле работата на скоро 500 случаи поврзани со воени злосторства. Судските институции на Босна и Херцеговина покажаа силна посветеност на утврдувањето на вистината и обезбедување ефикасно испитување на сите воени злосторства, без оглед на етничкото потекло на сторителот или жртвата. Бараме продолжување на поддршката на овие институции, со цел да им се овозможи да го завршат овој процес и да обезбедат правда за жртвите“, се вели во соопштението на ОБСЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.