Регион
Одговорноста за нападот во Истанбул ја презема IS

Ултрарадикалната сунитска организација Исламска држава (IS) ја презема во понеделникот одговорноста за нападот во ноќниот клуб во Истанбул на новогодишната ноќ во кој беа убиени 39 луѓе.
„Во продолжението на операциите коишто Исламската држава го спроведува против Турција, херојски војник на калифатот го нападна еден од најпознатите ноќни клубови во кој христијаните го слават нивниот богохулен празник“, се наведува во соопштението на Исламската држава кое го цитира Reuters.
Засега уште непознат напаѓач отвори оган во ноќниот клуб „Reina“ ноќта кон неделата, и во хаосот кој настана успеа да побегне и по него интензивно се трага.
Турскиот министер за внатрешни работи Сулејман Сојлу потврди дек уште трае потрагата по напаѓачот. „Полицијата покрена операции. Се надеваме дека напаѓачот наскоро ќе биде фатен“, рече.
Турските власти оценуваат дека напаѓачот може да се наоѓа во централна Азија, и оти најверојатно потекнува од Киргистан или Узбекистан, пишува дневниот весник Hurriyet.
Иследниците оценуваат оти е можно тој да бил поврзан со ќелијата којашто го изврши тројниот самоубиствен напад на аеродромот во Истанбул во јуни 2016-та кога беа убиени 47 луѓе.
Повеќе од половината од убиените во нападот кој траел седум минути биле странци. Меѓу нив се државјани на Германија, Франција, Тунис, Русија, Израел, Индија, Либан, Белгија, Либија, Мароко, Јордан и Саудиска Арабија. Канадскиот премиер Џастин Трудо во понеделникот потврди дека и еден државјанин на Канада загинал во нападот.
Според агенцијата Anadolu, идентификувани се 38 од 39-те жртви, а 11 од нив се државјани на Турција и седум од Саудиска Арабија. Во нападот, исто така, загинале по тројца државјани на Либан и на Ирак, по двајца од Тунис, Индија, Мароко и Јордан, и по еден од Кувајт, Канада, Израел, Сирија и Русија.
Клубот „Reina“ кој се наоѓа на брегот на Босфор, е едно од најпосетените места за ноќна забава во Истанбул, многу популарен меѓу странските туристи.
Според последните информации, најмалку 69 лица се хоспитализирани по нападот, од кои три се во критична состојба./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ оди во Русија на прославата на Денот на победата, ќе се сретне со Путин

Српскиот претседател Александар Вучиќ потврди дека на 9 мај ќе отпатува за Москва, каде ќе присуствува на парадата за Денот на победата и ќе се сретне со рускиот претседател Владимир Путин, јавува Анадолија.
При гостувањето на ТВ Пинк, Вучиќ изјави дека „со гордост ќе ја претставува Србија“ на обележувањето на 80-годишнината од крајот на Втората светска војна.
„Пред осум месеци реков дека ќе одам во Москва. Ќе одам во Москва“, рече Вучиќ.
Тој додаде дека најверојатно сам ќе отпатува во руската престолнина и дека поради тоа „ќе ги прими сите удари на светот, и однадвор и од внатре“.
„Не сакам владата на Ѓуро Мацут да ја плати цената. Сакам тој да има можност правилно да соработува со Европската унија и никој да не го обвинува за ништо. Тешко дека армијата ќе оди, бидејќи би била изложена на притисоци и санкции“, рече Вучиќ.
Тој најави дека со рускиот претседател ќе разговара за новиот гасен аранжман, како и за иднината на Нафтената индустрија на Србија (НИС), која е загрозена од американските санкции поради рускиот сопственички удел.
„Мораме да го потпишеме договорот за гас до 30 мај. Мора да го решиме прашањето за нафтената компанија. Мора да разговараме и за сите други теми“, рече Вучиќ.
Тој ја најави и посетата на еврокомесарката за проширување Марта Кос на Белград на крајот на април и изрази надеж дека ќе има можност да разговара со претставници на Републиканската партија и американското раководство пред да замине за Москва.
Регион
Се запали градинка во Загреб – пожaрот избил од клима уредот

Пожар изби попладнево во градинка во Загреб.
Според информациите на хрватските медиуми, причина за избувнување на пожарот е палење на клима уредот.
Првата личност која се обидела да се справи со огнот била жена која го гаснела со ПП апарат. Во меѓувреме сите деца навреме го напуштиле објектот и биле испратени на безбедно.
Пожарот се проширил низ една од просториите, а неговото натамошно ширење го спречиле загрепските пожарникари, кои дојавата за пожарот ја добиле околу 16:55 часот.
Допрва ќе се утврдуваат околностите под кои избил пожарот во градинката.
Регион
Пленковиќ: Моето семејство е длабоко трогнато од фактот што се сретнавме со папата во неговите последни часови

Хрватскиот премиер Андреј Пленковиќ упати сочувство по повод смртта на светиот отец Франциско до кардиналот Кевин Фарел, Камерленго на Светата Римска црква.
„Во името на Владата на Република Хрватска и во мое лично име, изразувам длабоко и искрено сочувство за смртта на Светиот Отец Франциско, чиј животен и духовен пат оставија неизбришлива трага во современиот свет.
Хрватскиот народ, кој чувствува блискост и длабока почит кон папата Франциско од самиот почеток на неговиот понтификат, денес жали за загубата на човекот со вера, едноставност, понизност и сила.
Тој остави длабока трага не само на Католичката црква, туку и на меѓународната заедница. Неговиот постојан повик за солидарност, милост и блискост со исклучените, заборавените, сиромашните и болните инспирираше и поттикна милиони луѓе ширум светот на акција.
Имав особена чест да се сретнам лично со Светиот Отец вчера на Велигден, во Неговите последни часови, заедно со мојата сопруга и нашите три деца. Тоа беше краток, но длабоко трогателен момент – средба исполнета со добрина, насмевки и благослови кои ќе останат трајно врежани во сеќавањето на целото мое семејство како скапоцен подарок во моментот на збогување.
Република Хрватска и хрватските верници остануваат благодарни за сè што беше и направи папата Франциско – за Црквата, за светот и за секој од нас“, напиша Пленковиќ.