Францускиот претседател Франсоа Оланд ги пофали војниците кои во петокот го онеспособија напаѓачот во парискиот музеј Лувр и со тоа спречија можен терористички напад.

„Оваа операција бездруго спречила напад за чиј терористички карактер нема сомневања. Сега правосудството треба да ја спроведе неопходната истрага“, изјави францускиот претседател Франсоа Оланд по средбата со челниците на земјите членки на Европската унија на Малта.

Во Париз е објавено дека е покрената истрага по нападот во Лувр, најпосетениот музеј во светот. Француската министерка за култура Одреи Азулеи, најави дек апо евакуацијата на посетителите, Лувр повторно со редовното работно време ќе биде отворен во саботата.

„Музејот остана затворен попладнето поради безбедноста, и ќе биде отворен утре“, рече министерката на прес-конференцијата во Париз.

Според началникот на полицијата, напаѓачот бил вооружен со мачета „ги нападна полицајците и војниците“ во Карусел ду Лувр, трговски центар близу музејот, се заканувал и извикувал „Алахѕ Акбар“.Војни истрелал пет куршуми и го погодил напаѓачот во стомакот.

Околу 250 посетители кои биле во музејот во моментот на нападот биле задржани на дистанца и засолнати во „осигурениот“ дел од музејот, додал.

Франција е под специјален режим на вонредна состојба по нападот од 13-ти ноември 2015 година во Париз, што вклучува секојдневни патроли на силно вооружени војници по улиците на главниот гради туристичките знаменитости./крај/мф/сн