Регион
Опасни закани од Сарево: Изетбеговиќ повикува на војна, ЕУ и НАТО молчат
![](https://makfax.com.mk/wp-content/uploads/2022/05/profimedia-0384475008.jpg)
Бакир Изетбеговиќ, лидерот на СДА и заменик-претседател на Домот на народите на Парламентот на БиХ, отворено повика на рушење на Дејтон, нова војна и укинување на Република Српска, пренесува „Србија денес“.
Изетбеговиќ, како што пренесува медиумот, изјавил дека во БиХ живеат 60 проценти од Бошњаците, кои имаат право да управуваат со својата земја и кои не можат да бидат „сведени на третина од владата“.
Според анализата во објавениот напис, Бакир на тој начин директно повикал на рушење на Дејтонскиот договор и нови крвави конфликти. „Но, никој од претставниците на ЕУ и НАТО не реагираше на овие сериозни закани! Сите тие молчат, сите што воведоа санкции за Милорад Додик и го зголемија военото присуство во БиХ поради „опасната реторика“ на раководството на Република Српска, а таа „реторика“ е заложба за зачувување на Дејтон“, пишува медиумот.
Изетбеговиќ, стои во анализата, ја испратил последната закана до Србите, но и до Хрватите во БиХ, коментирајќи ги преговорите за промена на Изборниот закон.
„Партијата на Милорад Додик и Хрватска демократска заедница немаат право да сведат 60 отсто од пробосанските сили на една третина од власта! Ќе има избори и ќе победат силите кои сакаат добро и мир во оваа држава. Ги повикувам нашите соседи да бидат заедно со нас во изградбата на земја од која нема да мора да си заминат младите“, било наведено во изјавата на Изетбеговиќ, цитира медиумот, со што, како што е истакнато во новинарскиот извештај, јасно се алудирало на тоа дека повеќе не го прифаќа Дејтонскиот договор, според кој БиХ е федерација на два ентитета и три конститутивни народи, во кои е забранет реизбор на кој било народ.
Сепак, се констатира во текстот, сите на Запад молчат за оваа директна закана од војна и повикот за соборување на Дејтонскиот ред во БиХ. Никој нема збор да каже против Изетбеговиќ, а српскиот лидер Милорад Додик се најде на црната листа и на САД и на Британија и тоа само затоа што инсистира на правата на Република Српска, правата што ги гарантира Дејтон, пренесува медиумот во соседството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Вучиќ го посети повредениот полицаец, му честиташе за неговата смиреност и храброст
![](https://makfax.com.mk/wp-content/uploads/2024/06/Vucic.jpg)
Претседателот на Србија, Александар Вучиќ денеска го посети повредениот припадник на Жандармеријата Милош Јевремовиќ (34), кој откако беше ранет од самострел, беше опериран и е во стабилна состојба.
„Пресреќен сум што Јевремовиќ Милош се чувствува добро по операцијата. Му честитав на Милош за неговата извонредна храброст, неговата смиреност и успешно завршената задача во борбата со терористот. Србија нема да има милост кон терористите“, напиша Вучиќ на фотографијата со ранетиот полицаец.
„Им честитам на командирите и на сите во полициските сили за исклучителното однесување на Милош Јевремовиќ, ќе му се оддаде почест штом ќе ја напушти болницата. Важно е што нашиот херој Милош е жив и здрав, покажа како треба да се реагира во таков момент“, изјави претседателот на Србија.
Непознато лице денес со самострел тешко го рани припадникот на жандармеријата кој бил на должност да ја обезбедува израелската амбасада.
Припадникот на жандармеријата употребил оружје во самоодбрана и го победил напаѓачот, кој од здобиените повреди починал.
Министерот за внатрешни работи на Србија Ивица Дачиќ изјави дека во Белград е уапсено уште едно лице под сомнение за терористичко здружување.
„Во Белград е уапсено уште едно лице осомничено за терористичко здружување. Станува збор за лице од Белград, родено 1999 година, кое веќе беше уапсено пред две години бидејќи бил администратор на неколку милитантни групи на Интернет кои повикувале на џихад“, соопшти Дачиќ.
Тој објасни дека случајот против него и понатаму се води, а тој е пуштен од притвор.
Регион
Голем шумски пожар на планина во северниот дел на областа Атика
![](https://makfax.com.mk/wp-content/uploads/2020/07/Screen-Shot-2020-07-16-at-6.49.52-PM.png)
Голем шумски пожар избувна на планината Парнита во северниот дел на областа Атика, поширокиот регион на Атина. Интервенираат противпожарни сили од копно и воздух, а силниот ветер дополнително го отежнува гаснењето, додека пак, иако пожарот е во планински дел, сепак од бројот 112 за итни случаи е испратена порака до жителите на околните населени места да бидат во состојба на готовност за евентуална евакуација.
Во гаснењето помагаат волонтери, цистерни и камиони од периферијата Атика и војската.
Планината Парнита беше зафатена од големи пожари лани во август, како и во текот на летото во 2021 година.
Регион
Непознато лице тешко рани припадник на жандармеријата пред израелската амбасада во Белград
![](https://makfax.com.mk/wp-content/uploads/2023/07/policija-belgrad.jpg)
Непознато лице, чиј идентитет се утврдува, со самострел тешко ранил припадник на жандармеријата кој бил на должност да ја обезбедува израелската амбасада.
Вицепремиерот на Србија и министер за внатрешни работи Ивица Дачиќ го посети повреден припадник на Жандармеријата. Дачиќ претходно изјави дека неидентификувано лице, чиј идентитет се утврдува, денеска околу 11 часот пукал со самострел во припадник на жандармеријата и го ранил во вратот.
Припадникот на жандармеријата М.Ј. (1990) употребил оружје во самоодбрана и го победил напаѓачот, кој од здобиените повреди починал.
„Специјалното обвинителство го презеде случајот, иако идентитетот на лицето не е утврден, но нема сомнеж дека се работи за терористички акт насочен и против државата Србија и против припадниците на Жандармеријата. Дали поединец делувал сам или групно ќе дознаеме наскоро… Превентивно уапсивме други лица кои беа во близина на полицискиот објекти. Некои сомнежи се веќе присутни и има индиции дека се работи за луѓе кои се познати на безбедносните служби и се работи за вахабистичко движење, но тоа не е потврдена информација. Ги зајакнавме сите безбедносни мерки во градот. Напаѓачот имал и нож. Заклучокот е дека станува збор за терористички напад во кој се вклучени лица кои имаат врски со вахабистичкото движење“, рече министерот Дачиќ.