Регион
Ортопед ги користел коските на жртвите од војната во БиХ за плански операции и ги закопал во дворот

Во дворот на ортопедот Небојша Мраовиќ се пронајдени посмртните останки на жртва на војната во Босна и Херцеговина, а тој признал дека ги закопал коските и дека претходно ги користел за планирање операции, пренесе Радио Слободна Европа.
Мраовиќ со години имал приватна ортопедска клиника во Брчко.
Ексхумацијата на коските е извршена на 21 септември под надзор на Обвинителството на Босна и Херцеговина по наредба на Судот на Босна и Херцеговина, а сведокот што ја откри локацијата на закопаните тврди дека тоа била жртва на геноцидот во Сребреница од 1995 година и дека коските биле донесени во Брчко две години по војната.
Во кус телефонски разговор за РСЕ, Мраовиќ рекол дека не гледа ништо спорно во целиот случај наведувајќи дека коските биле користени за „плански операции“.
„Ги користев во болница, ги користев за планирање операции, беа корисни за стотици луѓе“, изјавил Мраовиќ ,без да објасни како ги користел.
Од Институтот за исчезнати лица на Босна и Херцеговина потврдија дека се работи за нецелосни останки на едно лице и прв регистриран случај на намерно криење на останките на жртва во сопствениот двор.
Портпаролката на Институтот „Емза Фазлиќ“ изјавила дека посмртните останки наводно биле донесени во Брчко во 1997 година, Мраовиќ ги закопал во својот двор во 2012 година, а потоа ги преселиле.
Таа посочила дека доколку немало сведоци што ја посочиле точната локација на посмртните останки, тие веројатно никогаш немало да бидат пронајдени.
„Посмртните останки веднаш се пренесени во Комеморативниот центар во Тузла, каде што ќе се изврши обдукција, односно судско-медицинска, криминалистичка обработка, а примероци од коски ќе бидат извадени и испратени на ДНК-анализа“, објасни Фазлиќ.
Поранешниот член на управниот одбор на Институтот за исчезнати лица на Босна и Херцеговина, Амар Машовиќ, вели дека е згрозен од ова откритие и дека за 30 години потрага по исчезнатите, никогаш не наишол на таков случај.
„Претпоставката е дека станува збор за жртва на геноцид, но како и да е, дека воопшто не е жртва на војна, ме ужасува фактот што човек кој положил Хипократова заклетва се однесува со човечко суштество на таков начин, без разлика на фактот дека тоа битие веќе не е живо“, истакна Машовиќ.
Според информациите на Институтот, Мраовиќ не е во Босна и Херцеговина.
Во Босна и Херцеговина моментно се трага по 7.597 исчезнати лица, од кои 1.200 се само во Сребреница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Бугарија може да му дозволи на Путин да прелета над земјата за да се сретне со Трамп во Будимпешта

Авионот што го превезува рускиот претседател Владимир Путин би можел да добие права за прелет над Бугарија, за да може рускиот лидер да присуствува на состанок со американскиот претседател Доналд Трамп во Будимпешта, според министерот за надворешни работи Георгиев, објави државното радио.
„Доколку има напори за постигнување мир, ако тоа е услов за одржување на состанок, тогаш најлогично е да се овозможи состанок од ваков тип на изводлив начин“, рече Георгиев, според извештајот.
Георгиев зборуваше на маргините од состанокот на министрите за надворешни работи на ЕУ во Луксембург. Една можна воздушна рута од Москва до Будимпешта ги опфаќа Црното Море, Бугарија и Србија, но бугарскиот воздушен простор е затворен за руски авиони од инвазијата на Украина во февруари 2022 година.
Други рути се протегаат на север, низ Белорусија и Полска или преку Балтичкото Море, Германија и Чешка. Рускиот министер за надворешни работи Сергеј Лавров и американскиот државен секретар Марко Рубио, кои се задолжени за подготовка на самитот Путин-Трамп, разговараа во понеделник, објави руското Министерство за надворешни работи.
Меѓународниот кривичен суд (МКС) издаде потерница по Путин, а Унгарија е во процес на повлекување од таа меѓународна институција.
Москва го отфрла обвинението на МКС и ја прогласува потерницата по Путин за доказ за непријателството на Западот кон Русија.
Регион
(Фото) Тело на новороденче пронајдено во Нови Сад, мајката веднаш уапсена

Утрово, во Нови Сад, е пронајдено безживотно тело на новороденче, а кратко потоа е уапсена жена за која се сомнева дека е мајката на детето, пренесува „Нова.рс3.
Жената е затекната само на 50 метри од местото на кое е пронајдено телото, во влез од зграда, по што полицијата веднаш ја привела.
View this post on Instagram
Полицијата го блокирала просторот каде што е пронајдено детето. Во тек е истрага за утврдување на сите околности на овој трагичен случај.
Повеќе детали ќе бидат познати по завршувањето на истрагата.
фото: принтскрин
Регион
(Видео) Грозоморната сцена покажува колку била ужасна несреќата: автобус излета од патот во близина на Чачак, има загинати

Рано утрово, околу 6:40 часот, на државниот пат I Б, на делницата помеѓу Чачак и Краљево, во близина на местото Бресница, се случила тешка сообраќајна несреќа во која загинал еден маж, додека две лица се тешко повредени, известуваат српските медиуми.
Според првичните информации, во несреќата учествувале автобус и патничко возило. Според неофицијални информации, несреќата се случила кога автобусот, откако се судрил со автомобил, излетал од патот и удрил во столб од далновод.
Едно лице почина на местото на настанот, додека две лица беа тешко повредени и префрлени во Општата болница во Чачак. Лекарите моментално вршат дијагностика, а еден од повредените е на скенер, објави српски Телеграф.
Снимките од местото на настанот покажуваат дека несреќата била ужасна.
фото: принтскрин