Регион
Пари, пиштол и кондом до креветот – објавени нови фотографии за кои се тврди дека се од собата на Борисов
Нови фотографии оваа недела беа испратени до локалните медиуми, а кои наводно го прикажуваат поранешниот бугарски премиер, Бојко Борисов, како спие во државна резиденција со значителна сума евра во фиока и пиштол оставен покрај креветот.
На едната фотографија се гледа пиштол на ноќна маса и кондом.
Нови снимки . Този път е използвал презерватив за да не се размножава . Похвално си е това . Следваща новина – брифинг на Тома Биков . @BoykoBorissov pic.twitter.com/s17NjmIePW
— BorisTheBlade (@Boris93242932) November 9, 2021
Фотографиите се испратени од анонимен испраќач до ток-шоуто „Евро Дикоф“ преку е-маил во кој се наведува дека потегот е предизвикан од неактивноста на обвинителството откако беше објавен првиот сет фотографии во гангстерски стил во јуни 2020 година, кога Борисов уште беше на чело на земјата, пишува Интелњуз.
Обвинителството ги проверува новите фотографии.
#Bułgaria ??: Na 4 dni przed (już 3. w tym roku) wyborami parlam. wyciekają kolejne zdjęcia z rządowej rezydencji, które mają przedstawiać ex-premiera @BoykoBorissov śpiącego obok pistoletu i banknotów 500 EUR. Jego partia @PPGERB prowadzi w sondażach z 7-8 procentową przewagą. pic.twitter.com/ZsWU7aEQiM
— Jakub Bielamowicz (@KubaBielamowicz) November 10, 2021
Се верува дека новите фотографии се направени во исто време кога биле сликани и првите, објавени минатата година.
Бугарскиот сајт Dir.bg наведува дека настанала аферата „Мата Хари“ и дека се трага по мистериозна жена за која се верува дека ги фотографирала собата и премиерот, најверојатно откако имале сексуален однос.
Во јуни 2020 година, веб-страницата Афера ја објави првата серија фотографии од спалната соба. На фотографиите се гледаа златни плочки и снопови евра во истата просторија во резиденцијата на тогашниот премиер.
Во тоа време, локалните медиуми добија анонимни фотографии од Борисов како спие во својата спална соба покрај пиштол Глок калибар 9 милиметри и фиока полна со банкноти од 500 евра и златни плочки. Поранешниот премиер ја потврди нивната автентичност, велејќи дека фотографиите се направени во резиденцијата што ја користел како премиер.
Оттогаш, привремената влада на Бугарија започна бројни истраги за корупција во поранешната администрација на Борисов. Привремената влада иницираше обемна реконструкција на државната администрација и институциите, но тоа ја доведе во отворен судир со обвинителството на чело со Иван Гешев, кој беше именуван по контроверзна постапка додека партијата ГЕРБ беше на власт.
It is a hard job… pic.twitter.com/qgCCtdUGQN
— M Stoyanov (@MStoyanov2) November 11, 2021
„Повеќе од една година чекаме да видиме дали некој во обвинителството ќе провери како и зошто бугарскиот премиер организирал грабежи во сите економски сектори, оргии во владината резиденција, криел злато во неговата спална соба (исто така запленети од изградба на автопат) и спие со пиштол покрај себе – резултатот е нула, како што знаат сите, па затоа денеска организираме „Ден на размислување пред ден на размислување“ – затоа што ако во недела не му покажеме дека местото му е надвор од власт и во затвор, можеби нема да има следна шанса“, напиша испраќачот на фотографиите во своето писмо до „Евро Дикоф“.
Анализата спроведена од истражувачкиот порталот Bird.bg покажа дека фотографиите се направени во средината на јули 2018 година, 8 мај 2020 година и 11 јуни 2017 година. Две фотографии немаат метаподатоци кои би дале информации за датумот кога се направени, објави порталот на Фејсбук.
Во 2020 година, беа објавени фотографии на Борисов како спие покрај пари и пиштол кога во Бугарија имаше масовни антивладини протести. Тие потоа сериозно го потресоа Борисов и неговата влада, но премиерот одби да поднесе оставка. Протестите беа одбележани со полициско насилство и апсење на десетици луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Тинејџер загина во Будва, со „ситроен“ излетал од патот со двајца патници
Тинејџерот Лазар Ф. (15) загина во неделата во тешка сообраќајна несреќа што се случила во Будва кога автомобилот што го управувал излетал од патот.
Во незгодата се повредени две лица, од кои едното е полнолетно – Ј. М., а другиот е малолетник – М.М.
Повредените веднаш биле префрлени во болницата во Котор.
Во полициското соопштение се наведува дека несреќата се случила во близина на стадионот, кај плажата Јаз, и се додава дека возилото удрило во дрво.
Тинејџерот управувал автомобил „ситроен“ со будвански регистарски таблички.
Регион
Неписмени гангстери: реакција на Милановиќ по одлуката на Уставниот суд
Хрватскиот претседател Зоран Милановиќ денеска ја коментираше одлуката на Уставниот суд за неговата кандидатура.
Медиумите во регионот потсетуваат на одлуката на Уставниот суд во која е заклучокот дека хрватскиот претседател Зоран Милановиќ не може да учествува во политичките активности на ниту една политичка партија додека ја извршува својата функција. Претседателот на Уставниот суд,Мирослав Шепаровиќ му забранил да биде на избирачкиот список и на кој било начин да учествува во изборната кампања додека е претседател.
„Тоа го направија на гангстерски начин. Тие не ми можат ништо, но јас им можам. Тоа се сељаци, неписмени. Писмен човек, барем тој што завршил автошкола, има проблем со тоа“, рече тој.
Зоран Милановиќ потоа на насобраните во Вела Лука им ја прочитал одлуката на Уставниот суд.
„Најверојатно хрватскиот го научиле во автомеханичарска работилница. Според овие неписмени гангстери, тоа е забрането, но не е“, рече тој.
„Ова мора да се реши на избори. На крајот ќе бидам премиер, но нема да и кажувам на таа банда како. Ќе бидам кандидат на изборите, како што можев да бидам и на европските избори. Јас нема да си дадам мандат. Што е тука спорот, неписмени гангстери“, праша тој.
Собирот на ХДЗ во Лисински го нарече бал на вампирите. Тој рече дека во првите редови имало двајца ректори на државните универзитети.
„Со гангстерите ќе се справиме по изборите“ рече тој.
Регион
Уставниот суд на Хрватска одлучи, Милановиќ не може да се кандидира за функцијата
Хрватскиот Уставен суд одлучи Зоран Милановиќ дека не може да биде на списокот за парламентарните избори.
Актуелниот претседател не може да биде кандидат за премиер.
Во членот 96 од Уставот е предвидено дека претседателот на Републиката не може да врши други јавни или професионални должности. Претседателот на Републиката е непартиско лице и при вршењето на оваа должност не смее да учествува во политичките активности на ниту една политичка партија, што исклучува секаква можност претседателот на Републиката, во контекст на распишаните парламентарни избори, да биде кандидат на листата за избор на претставници или предложен за кандидат за функцијата претседател на Владата на Република Хрватска и во тоа својство да учествува во политичката изборна кампања.