Во утринскиот напад во центарот на главниот град на Бугарија, две лица се избодени и пренесени во болници, соопштија од Итната медицинска помош.

Нема трета жртва која побарала болничко лекување, појаснуваат оттаму, откако првичните информации говорат дека е повредено уште едно лице, објави БНР.

За нападот е уапсена 22-годишна жена. Според првичните информации таа имала психичка болест.

Двајцата со исечени рани се пренесени во Воената болница и во Пирогов во Софија.

Првиот сигнал на 112 бил примен во 08:25 часот, на што веднаш реагирала лекарска екипа.

Избодениот маж има 21 година со расечена рана на грбот. Повредениот е пренесен во ВМА. Мажот е комуникативен и се вршат потребните прегледи, соопштија од медицинската установа, пренесе БНР.

Во 08:34 часот е примен втор итен повик – за инцидент што се случил во близина на првиот. Вториот тим медицински лица му помогнале на 51-годишен маж кој бил прободен со нож во градите.

Жртвата била пренесена во Пирогов. Мажот не е бугарски државјанин, бил примен со расечена рана на грбот, соопштија од болницата.

На 60-годишна возраст почина Теофил Панчиќ, еден од најистакнатите новинари и писатели од поранешна Југославија. Во текот на неговата богата кариера беше препознаен како остар коментатор на општествени и политички настани, долгогодишен колумнист на неделникот Време, политички коментатор на Радио Слободна Европа и соработник на бројни регионални и меѓународни медиуми.

Роден во 1965 година во Скопје, Панчиќ својата младост ја поминал во неколку градови на поранешна Југославија, меѓу кои и Загреб, каде што се школувал и ја започнал својата новинарска кариера. Подоцна се населил во Србија, прво во Белград, а потоа во Нови Сад и Земун, каде што живеел до крајот на животот. Неговите текстови се занимаваа со анализа на општеството, културата и политиката, често со изразена критичка острина. Како колумнист и есеист, Панчиќ се здоби со репутација на остар, прецизен и бескомпромисен аналитичар и голем интелектуалец, чии зборови имаа силна резонанца во јавноста.

Покрај новинарството, значаен придонес има и во литературата. Има објавено неколку книги. Неговите есеи, критики и новинарски текстови сведочеа за промените во општеството, а неговите аналитички вештини и стил го направија еден од најпочитуваните интелектуалци во регионот.

Панчиќ во текот на кариерата доживеал и физички напади поради своите ставови, но тоа не го спречило да продолжи да пишува и отворено да ги кажува своите мислења. Како член на Независното здружение на новинари од Војводина, тој остана доследен на своите убедувања, новинарски принципи и професионалниот интегритет.

Неговото заминување остава празнина во регионалното новинарство и литература, но и во поширокиот интелектуален простор. Преку своето пишување, Панчиќ неуморно се залагаше за рационално размислување, слобода на изразување и критички однос кон општествените настани, честопати спротивставени на националистичките наративи и популизмот. Неговата способност да ги анализира и контекстуализира општествените промени беше препознаена надвор од регионот, а текстовите што останаа зад него се неизбришлива трага од неговиот придонес во општеството.

Утрово четири земјотреси се регистрирани во морското подрачје југозападно од Санторини, од кои најсилниот бил со јачина од 4,9 степени според Рихтеровата скала.

Според податоците на Геодинамичкиот институт на Националната опсерваторија во Атина, земјотресите се случиле меѓу три и пет часот наутро, а сите четири сеизмички активности биле окарактеризирани како „слаби“, јавуваат грчките медиуми.

Во последните три дена во регионот помеѓу Санторини, Аморгос и Иос се забележани 550 земјотреси, од кои сите биле посилни од три степени според Рихтеровата скала, а најсилниот бил со јачина од 4,9 степени.

Стравувањата од нови земјотреси предизвикаа паника кај жителите на Санторини, Аморгос и околните острови.

Многумина одлучија да ги напуштат островите, што доведе до голем метеж на пристаништата, а планирани се и дополнителни фериботи и воздушни линии за оние кои сакаат да ги напуштат.

Од безбедносни причини, училиштата на Санторини, Анафи, Иос и Аморгос ќе бидат затворени до петок.

Исто така, за денеска е предвидена средба во Министерството за климатски кризи и цивилна заштита.

На состанокот ќе присуствуваат претставници на локалните власти, Противпожарната бригада, крајбрежната стража, вооружените сили и други надлежни органи.

Официјални лица процениле дека интензивната сеизмичност во регионот може да трае уште неколку дена, па дури и недели, а Манолис Скордилис, професор по сеизмологија на Универзитетот Аристотел во Солун, оцени дека ситуацијата на Санторини е исклучително сериозна и дека се можни земјотреси со јачина над шест степени.

Пристаништето на островот беше во состојба на хаос во мугрите, бидејќи многу семејства чекаа да се качат на траектот за Пиреја. Фериботите Кисамос и Блу Стар Парос сообраќаа на специјални линии.

Според последните податоци, над 9.000 луѓе (жители и туристи) го напуштиле островот, додека во зори сликата од пристаништето Санторини била неверојатна, бидејќи десетици семејства се подготвувале да се качат на бродот.