Регион
Педофилот од Србија открил како го грабнал девојчето и признал дека ја малтретирал
Српската полиција минатата недела, по долга потрага, го уапси српскиот педофил и киднапер, Нинослав Јовановиќ, познат во јавноста со прекарот малчански бербер.
Јовановиќ беше баран од полицијата 17 дена по киднапирањето на 12-годишната Моника Каримановиќ на 20 декември. Девојчето беше пронајдено на 29 декември, но манијакот, кој ја грабна, тогаш успеа да ѝ избега на полицијата. Непосредно по лоцирањето во една куќа во селото Малча, во близина на Ниш, тој беше уапсен во неделата.
Злосторникот во меѓувреме бил сослушан во полиција и им открил на инспекторите како ја грабнал и со што ја заплашувал Моника за време на киднапирањето.
Малчанскиот бербер дванаесетгодишното девојче го качил во автомобил додека таа одела на часови лажно претставувајќи се како нов електричар во училиштето. Кога девојчето сфатило дека мажот ја носи на некое друго место, тој ѝ рекол дека татко ѝ украл некои вредни предмети и дека ќе ја држи како заложник додека не ги добие назад, пишува „Блиц“, а пренесе „Индекс“.
Монструмот на сослушувањето признал дека девојчето го стрижел и малтретирал во повеќе наврати, а кога се обидела да му избега, тој се заканил дека ќе го убие татко ѝ.
Според пишувањето на „Блиц“, за каков монструм станува збор, говори и тоа што за малтретирањето на детето зборувал како да не е силување.
Според неофицијалните информации, малчанскиот бербер објаснил дека од крајот на јуни, кога го напуштил домот поради несогласувања со родителите, живеел во шумата и се хранел со плодови од околните полиња.
Наводно, немал намера да украде автомобил, но на тоа се одлучил кога забележал „фиат пунто“ додека барал храна на имот на роднина бидејќи знаел каде се клучевите за возилото.
Со украдениот автомобил Јовановиќ пристигнал во близина на малчанската јама, каде што, како што потврдил, првпат го истрижал и злоупотребил девојчето. Тие ја минале ноќта во импровизиран шатор, во вреќа за спиење.
„Тој сакал да продолжи со автомобилот, но удрил во дрво, па морал да го остави. Потоа заедно со киднапираното девојче оделе по пругата, која била затворена поради реконструкција, а на која на 21 декември ги видел човек, но не со посомневал во ништо бидејќи тогаш јавноста уште не знаела за киднапирањето. По пругата дошле до селото Миjковац, каде што ноќта јa минале во прзна куќа“, изјавил извор од истрагата за „Блиц“.
Потоа, Јовановиќ ја одвел Моника во селото Орешац затоа што знаел дека негов подалечен роднина таму има куќа во која никој не живее. Девојчето се обидело да избега од таа куќа, но не успеало во тоа.
„Излегла сама на улицата, но Јовановиќ ја стигнал и ја вратил. Исплашеното девојче плачело и го молело да ја пушти, но тој се заканувал дека ако не се смири, ќе го убие татко ѝ“, додал изворот, а пренесува „Индекс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Речиси 9.000 Турци ја напуштиле Црна Гора по инцидентот со избодениот Црногорец и воведените визи
Од крајот на октомври, кога владата на Црна Гора привремено воведе визи за државјаните на Турција, земјата ја напуштиле 8.935 Турци, соопшти Министерството за внатрешни работи за „Вјести“. Во истиот период биле поднесени 320 барања за виза, од кои 194 одобрени, 29 одбиени, а 97 се во постапка, според Министерството за надворешни работи.
Одлуката за повторно воведување визи следува по инцидентот во подгоричко Забјело кога беше ранет 25-годишен маж. Иако полицијата првично посочи турски државјанин како осомничен, подоцна се покажа дека напаѓачи биле двајца Азербејџанци.
Воведувањето визи предизвика критики и страв од економски последици бидејќи Турците се меѓу најголемите инвеститори во Црна Гора, а турскиот капитал е присутен во речиси 20 отсто од регистрираните фирми во земјата
Министерот за надворешни работи Ервин Ибрахимовиќ изјави дека визите би можеле да бидат укинати за 10 до 15 дена, но конкретен датум не е наведен.
Експертите предупредуваат дека Црна Гора, за да го усогласи визниот режим со Европската Унија, мора да изработи јасен план и да обезбеди дека либерализацијата нема да доведе до злоупотреби или проблеми со миграциите бидејќи ЕУ бара строги гаранции за заштита на своите надворешни граници.
По воведувањето визи, следуваше серија ксенофобични инциденти во земјата: напади врз турски локали, пожар во објекти, обиди за насилство и организирање народни патроли, кои бараа Турци по населбите. Полицијата уапси повеќе лица за насилство, потпалувања и ширење омраза.
Регион
Нема да биде екстрадиран: Ацо Боцевски, 28 години по убиството, живее во Грција и издава соби
Солунскиот жалбен совет одлучи да не го екстрадира во Македонија 60-годишниот Ацо Боцевски, познат под прекарот Циганот, осуден на повеќегодишна затворска казна за убиство што го извршил пред 28 години во земјата по што побегнал во Грција, јавуваат грчките медиуми.
Тој беше притворен и уапсен во Катерини во мај по европска потерница. Судските власти од Македонија бараа негова екстрадиција за да издржи 15-годишна затворска казна за убиство од ноември 1997 година врз 37-годишниот Сеат Ибраими.
Злосторството било извршено среде бел ден во центарот на Скопје. На убиството му претходела кратка автомобилска брканица на скопските улици по што Ибраими, возејќи „мерцедес“, излетал од патот во близина на зградата на осигурителната компанија „Кјуби“ на улицата 11 Октомври. Боцевски застанал зад него, излегол од возилото и го застрелал Ибраими со повеќе истрели.
„Тој самиот, преку своите адвокати, изјави дека во тоа време служел во личната гарда на тогашниот претседател на земјата, Киро Глигоров, и тврдеше дека бил цел на напад од политички причини“, пишува „Ин.гр“.
Според неговите тврдења, тој бил затворен 90 дена, а потоа ослободен, по што побегнал со пасош и се населил трајно во Грција.
„Водам бизнис со соби за издавање во Пиерија“, рекол тој, меѓу другото, кога бил повикан да се појави пред Одборот за жалби за време на расправата.
Оценувајќи дека казната застарила поради истекот на 20 години, според грчкото кривично право, судиите на Советот го отфрлиле барањето за негова екстрадиција во Македонија.
Регион
(Видео) Детали за страшната несреќа во Србија: 4 лица загинаа на местото на настанот, во возилото имало 8 луѓе
Во сообраќајна несреќа што се случи утрово на патот Ириг-Рума, според неофицијални информации, загинаа 4 лица, а како што дознава „Блиц“, четири лица се тешко повредени.
Несреќата се случила околу 6:30 часот наутро, а сите служби за итни случаи и екипи за итни случаи се на местото на настанот.
Според првичните информации, сообраќајната несреќа се случила кога комбе удрило во работна машина, поточно валјак.
Двајца пациенти биле примени во Универзитетскиот клинички центар на Војводина (УКЦВ). Биле донесени со возила на Итната медицинска помош со тешки повреди.
По приемот во Клиниката за реанимација на УКЦВ, двајцата пациенти првично биле лекувани во Ургентниот центар на UKCV, каде што била извршена комплетна дијагностика, укажана е потребна медицинска помош и е извршен примарен третман на рани. Пациентите моментално се во стабилна состојба и се лекуваат на Клиниката за анестезија, интензивна нега и терапија на болка на УКЦВ – соопшти УКЦ Војводина.
Според неофицијални информации, едно повредено лице е префрлено во болницата во Сремска Митровица, додека друго е однесено во Здравствениот дом во Ириг.
фото: принтскрин – Инстаграм
Поради превенција од свлечиште на Водно надлежните на итна координација
Поради превенција за активирање на свлечиштето на падините на Водно, во близина на улиците „Белградска“ и „Партенија Зографски“, и реалната...
Ѓорѓиевски: Состојбата во градот ставена под контрола, ќе работиме дисциплинирано
По повеќе од три години застој, денес во просториите на Град Скопје се одржа првата седница на Координативното тело на...
Филков до СДСМ: Груевски има политички азил, се занимавате со циркус, а не со реална работа
Министерот за правда Игор Филков одговарајќи на пратеничко прашање од Миле Талески од СДСМ, зошто не се бара екстрадиција на...
По вчерашното труење со храна во „Димо Хаџи-Димов“, вонредна инспекција во кујните на девет основни училишта во Карпош
Инспекциски тимови од Агенцијата за храна и ветеринарство (АХВ) денес спроведуваат вонредни инспекциски контроли во кујните на 9 основни училишта...
Мицкоски: Главен фокус в година ќе бидат капиталните инвестиции, целта е да дојдеме до раст на БДП над 4 отсто проценти
Премиерот Христијан Мицкоски на денешната седница во Собранието за пратенички прашања истакна дека в година главен фокус на Владата ќе...
Нема да биде екстрадиран: Ацо Боцевски, 28 години по убиството, живее во Грција и издава соби
Солунскиот жалбен совет одлучи да не го екстрадира во Македонија 60-годишниот Ацо Боцевски, познат под прекарот Циганот, осуден на повеќегодишна...
(Видео) Тешка сообраќајна несреќа во Србија: четири лица загинаа во судир на комбе и работна машина – валјак
Во тешка сообраќајна несреќа што се случи рано утрово, околу 6:20 часот, на патот помеѓу Ириг и Рума во Србија,...
(Видео) Сообраќајна несреќа во центарот на Скопје: пешак удрен од автомобил пред гимназијата „Јосип Броз-Тито“
Во текот на вчерашниот ден на улицата „Димитрие Чуповски“ пред гимназијата „Јосип Броз Тито“ во центарот на Скопје се случи...
Суспендирана миграцијата од Авганистан во САД откога Авганистанец застрела припадници на Националната гарда во близина на Белата куќа
Двајца припадници на Националната гарда на Западна Вирџинија се во критична состојба откако вооружен човек отвори оган врз нив во...
(Видео) Нови податоци: најмалку 55 лица загинаа во пожарот во облакодер во Хонг Конг
Бројот на жртви од катастрофалниот пожар што зафати станбен облакодер во Хонг Конг се искачи на најмалку 55, потврди противпожарната...
Двајца гардисти застрелани во близина на Белата куќа; Трамп: Животното што го изврши злосторството ќе ја плати највисоката цена
Двајцата војници на американската Национална гарда кои беа застрелани во близина на Белата куќа во среда се во критична состојба,...
Девојка убиена, млад маж повреден во напад на ајкула во Австралија
Една жена загина, а еден маж е сериозно повреден во напад од ајкула во близина на популарно место за сурфање...
Хамас побара евакуација на своите борци што останаа заробени во тунелите
Палестинската екстремистичка група Хамас ги повика земјите-посредници да извршат притисок врз Израел да им дозволи на десетици нејзини борци да...
Муцунски во Стразбур: Македонскиот јазик, идентитетот и достоинството на граѓаните не може да бидат предмет на преговарање
Министерот за надворешни работи и надворешна трговија, Тимчо Муцунски, попладнево учествуваше и се обрати на 24-тиот состанок на Мешовитиот парламентарен...
ДСЗИ нареди вонредно чистење и здравствени прегледи на вработените во училиштето „Димо Хаџи Димов“
Државниот санитарен и здравствен инспекторат освен затворање на кујната во училиштето „Димо Хаџи Димов“ во Влае како потенцијален извор на...
Гаши: Ниедно билатерално прашање не смее да стане пречка на нашиот европски пат
Ниедно билатерално прашање не смее да стане пречка на нашиот европски пат. Ние остануваме подготвени за принципиелен дијалог со сите...
Мицкоски: Нема да има нови ресори, еден човек ќе биде и вицепремиер и министер
Нема да има нови ресори, еден човек ќе биде и вицепремиер и министер за нешто, изјави денеска премиерот Христијан Мицкоски...
Во развиените држави ги среќавам моите најдобри студенти, а на Клинички ме фаќа страв каква услуга ќе добијам, рече Беќаровски
Партизацијата тотално го деградира квалитетот на јавното здравство и затоа итно се потребни системски промени за кои мора посилно да...
Повеќе од 900 жени годинава жртви на семејно насилство: „Оваа бројка е повик за итна акција“
Сега е време да се обединиме и да ја промениме приказната, да ставиме крај на насилството врз жените и девојките....
Словенија ги призна возачките дозволи oд Македонија
Словенија усвои измени на Законот за возачите, со кои им се овозможува на носителите на возачки дозволи издадени во Македонија,...
