Регион
Петков ги повика граѓаните да ја донираат својата месечна плата за помош на Украина

Бугарскиот премиер Кирил Петков ги повика граѓаните да донираат месечна плата во фондот за набавка на оружје за воено разурната Украина, јавува агенцијата „Анадолија“ (AA).
„Го повикувам секој бугарски граѓанин, кој навистина сака да ѝ помогне на Украина, да донира плата како мене. Зборовите се лесни, а делата се тешки“, напиша Петков во објавата на својот фејсбук-профил.
Споделувајќи фотографија на „Фејсбук“ од банкарската потврда за неговата донација, Петков истакна дека е потребно политичко и општествено единство за испраќање воена помош во Украина.
„Има многу екстремни ставови за ова прашање во јавната сфера. Мислам дека е дојдено време оваа јавна енергија да се претвори во вистинска акција“, рече Петков.
Тој истакна дека Русија не им објавила војна на европските земји кои испраќале оружје во Украина.
Украинскиот министер за надворешни работи, Дмитро Кулеба, му се заблагодари на Петков за поведувањето јавна кампања за собирање средства за Украина.
„Овој потег ја покажува вистинската бугарска солидарност со Украина. Се чувствував добро кога бев примен од премиерот Петков во Софија минатата недела“, рече Кулеба на „Твитер“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Падна таван во гимназија во Србија

Дел од таван на училница во гимназијата во Бечеј падна денес за време на часот, пренесуваат локалните медиуми.
Настанот според написите го потврдил и директорот на тоа училиште, Миодраг Башариќ.
„Никој не е сериозно повреден“, изјави Башариќ за 021.rs.
Тој изјави дека училишниот тим за итни случаи моментално работи на инцидентот и дека се собираат информации за инцидентот, како и дека медиумите и јавноста ќе бидат навремено информирани за сè.
Полицијата и брзата помош беа на местото на настанот.
Општина Бечеј потврди дека на 22 мај, за време на часовите, гипс паднал од дел од таванот во Гимназијата, во кабинетот по јазик.
Во соопштението се наведува дека „редовни инспекции биле вршени до почетокот на ученичките блокади, и дека катот над споменатата училница е сè уште блокиран“.
Во изјавата на претседателот на општина Бечеј, Вук Радојевиќ, пишува дека четворица ученици добиле, како што е наведено, само гребнатини.
„Сепак, она што особено нè загрижува е фактот дека дел од училиштето е сè уште блокиран, поточно катот над училницата каде што се случи немилиот настан. Ве потсетуваме дека блокадата на гимназијата Бечеј започна на 21 февруари, а заврши на 6 април, кога наставата беше повторно воспоставена на приземјето на училиштето. Сепак, горниот кат остана блокиран од мал број ученици“, се наведува во соопштението, како што пишуваат медиумите во регионот.
Се наведува дека ќе бидат преземени сите мерки за испитување на сите околности што доведоа до овој немил настан.
„Особено апелирам до родителите и учениците кои блокираат дел од училиштето да престанат да го прават тоа, за да можат стручните служби и надлежните инспекции целосно да ја утврдат состојбата на училиштето по неколкумесечна блокада, а сè за безбедноста на нашите деца“, вели претседателот на општина Бечеј.
Членот на Собранието на Бечеј, Милан Бокун, чие дете оди во ова училиште, за Н1 изјави дека „ова е предупредување дека очигледно не се посветува доволно внимание на сите работи за кои треба да се води грижа“.
„По падот, имавме инспекција со наредба од претседателот на државата. Таа инспекција изготви извештај во кој се наведува дека има пукнатини на таваните и ѕидовите, и очигледно ништо не е преземено во врска со тоа. Зошто? Го оставаме тоа на претседателот на општината, кој вели дека издвојува огромни средства за образование, како што самиот рече кога го отворија тој кабинет“, истакнува тој.
Тој наведува дека кабинетот каде што се урна дел од таванот бил отворен пред нешто повеќе од една година.
„Дури имаше и помошник-министер за образование за да го отвори. Кабинетот беше реновиран, реконструиран. Очигледно е дека плаќаме само за скапа шминка, а тоа е многу лошо“, вели тој.
Регион
(Видео) Први снимки од силниот земјотрес на Крит: автомобилите се тресат, сè паѓа на подот во маркетите, оштетени згради

Жителите на Крит се загрижени откога силен земјотрес со јачина од 6,1 степени според Рихтеровата скала го погоди островот рано утрово и беше почувствуван во цела Атика.
Според локалните медиуми, жителите скокнале од креветите со сведоштва дека сеизмичкиот потрес бил проследен со силен татнеж, а многумина ги напуштиле своите домови заради безбедност.
According to information, as a result of the earthquake, small landslides have been recorded on the provincial road network and in Heraklion, minor structural damages have been reported. The services of both the region of Crete and the municipalities are on heightened alert. pic.twitter.com/TWgD94hSDV
— RenderNature (@RenderNature) May 22, 2025
Пристигнаа првите снимки од земјотресот. На една се гледа како автомобилите и каблите на улицата се тресат, а може да се слушне и татнеж.
Во супермаркетите производите паѓаа од полиците предизвикувајќи штета, пишува „Прототема“.
По земјотресот со јачина од 6,1 степени по Рихтер, во областа беа регистрирани уште девет последователни потреси, при што најмалиот беше со јачина од 2,5 степена според Рихтеровата скала, а најголемиот со јачина од 3,5 степени според Рихтеровата скала.
Регион
Силен земјотрес во Грција: жителите да бидат внимателни, службите за итни случаи во готовност

Земјотрес со интензитет од 6,1 степени според Рихтеровата скала го погоди јужниот брег на Крит во Грција, соопштија сеизмолошките служби. Земјотресот предизвика процена на ризикот од цунами за целиот регион.
Американскиот геолошки завод (USGS) објави дека земјотресот е регистриран на длабочина од 68,9 километри, со епицентар во морето, 58 километри североисточно од Елунда, популарна туристичка дестинација.
Иако засега нема извештаи за повредени или поголема материјална штета, грчките власти и експертите остануваат во состојба на зголемена готовност.
Во исто време Европско-медитеранскиот сеизмолошки центар (EMSC) потврди дека е во тек процена на можноста од цунами.
Грчките служби за итни случаи се ставени во состојба на готовност, а цивилната заштита продолжува да ја следи ситуацијата на терен. Жителите на крајбрежните области се повикуваат да останат внимателни и да ги следат понатамошните упатства од властите.
Крит, најголемиот грчки остров, се наоѓа во сеизмички активна зона и во последните години доживеа неколку силни земјотреси.