Регион
Повеќето земји од регионот со над 200 новозаразени со коронавирус
Регионот и денеска се соочува со високи бројки на новозаразени од коронавирус.
Грција – 267 новозаразени
Во Грција регистрирани се 267 нови случаи на Ковид-19 и уште седум починати лица.
Со тоа, вкупниот број на заболени лица во земјата се зголеми на 19.613. Досега починале 405 лица.
БиХ – 263 новозаразени
Во изминатите 24 часа во Босна и Херцеговина се регистрирани вкупно 263 новозаразени лица.
Досега се тестирани вкупно 161.621 лица, а коронавирусит е потврден кај 18.371 лице.
Во Федерацијата БиХ од денес се излекувани 14.626 пациенти, а во изминатите 24 часа е забележано опоравување кај 225 пациенти. Во моментов има 3.203 активни случаи на зараза со коронавирус.
Во изминатите 24 часа беа пријавени шест нови смртни случаи, а вкупно 542 лица починале од почетокот на епидемијата.
Црна Гора – 244 новозаразени
Во последните 24 часа, 244 нови случаи на коронавирус се потврдени во Црна Гора, а две лица починаа, објави Институтот за јавно здравје.
Од последниот пресек, тестирани се 838 примероци.
Во моментов, активни се 3.957 случаи. Вкупниот број на смртни случаи од почетокот на јуни е 167.
Хрватска -241 новозаразени
Во последните 24 часа, во Хрватска се евидентирани 241 новозаразени со коронавирус, а две лица починаа, објави Националниот штаб за цивилна заштита.
Бројот на активни случаи во моментов е 1.447. Од нив, 289 пациенти се во болница, а 23 се на апарати за дишење.
Од почетокот на епидемијата, коронавирусот е потврден кај 16.621 лице, а починале 277 лица.
Бугарија -240 новозаразени
Во Бугарија се потврдени 240 нови случаи на коронавирус, со направени 4.820 тестови.
Шест лица починаа во последните 24 часа.
Словенија – 227 новозаразени
Во Словенија, потврдени се уште 227 случаи на коронавирус од 2.893 тестирани примероци.
Вкупниот број на потврдени случаи на коронавирус од почетокот на пандемијата изнесува 6.330, а досега починале 155 лица.
Србија – 107 новозаразени
Според официјалните податоци, во последните 24 часа две лица починале како резултат на коронавирусот во Србија, со што вкупниот број на жртви се искачи на 753, објави Министерството за здравство.
Во изминатото деноноќие, 4.751 лице е тестирано за коронавирус, а регистрирани се 107 нови случаи на зараза.
Од почетокот на епидемијата во Србија се потврдени 33.842 случаи на зараза. Вкупно 276 лица се хоспитализирани.
Косово – 53 новозаразени
Во последните 24 часа, во Косово беа потврдени 53 нови случаи со коронавирус врз основа на 544 тестови, а тројца пациенти починаа.
Како што е објавено, најмногу позитивни има во Приштина – 11.
Од почетокот на пандемијата на Косово, регистрирани се 15.758 случаи на коронавирус, а тестирани се 69.652 лица.
Досега починале 630 пациенти, а вкупно излечени се 13.787. Во моментов има 1.341 активен случај на коронавирус.
Во Македонија денеска беа регистрирани рекордни 243 нови случаи на коронавирус, а починаа 4 лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик: Не доаѓам на изрекување на пресудата
Претседателот на Република Српска Милорад Додик потврди дека нема да се појави на пресудата во среда по обвинението со кое се товари за непочитување на одлуките на високиот претставник на меѓународната заедница.
Претходно се појавија шпекулации дека Додик нема да присуствува на пресудата бидејќи неговиот адвокат ја остави таа опција отворена. Сепак, сега пристигна официјална потврда. „Донесов одлука. Нема да одам и не морам. Никој не бара од мене“, рече Додик, пренесува „Кликс“.
Тој, исто така, ги повика своите поддржувачи, кои редовно доаѓаа пред Судот на БиХ за време на судењето, да не одат во Сараево во среда. Наместо тоа, тој ги покани во Бања Лука на дводневен митинг што го организира по повод овој судски случај.
Регион
(Видео) Црногорските студенти испратија барања до премиерот на јапонски јазик
Црногорските студенти, кои бараат разрешување на највисоките безбедносни функционери по смртта на тринаесет лица во масовното пукање во Цетиње, ги испратија своите барања до премиерот на јапонски, иронично надевајќи се дека тој ќе ги разбере подобро отколку на својот мајчин јазик.
Студентите бараат разрешување на црногорскиот министер за внатрешни работи Данило Шарановиќ и вицепремиерот за одбрана и безбедност Алекса Бечиќ, кои ги сметаат за политички одговорни за крвопролевањето на Нова година на 1 јануари. На протест во Подгорица претставници на неформалната студентска група „Камо сутра?“ преку разглас ги емитуваа барањата на јапонски за да ги слушне премиерот Милојко Спајиќ.
„Бидејќи нашиот премиер очигледно не ги разбрал добро барањата на црногорски, српски, хрватски и босански јазик, вечерва ќе ги повториме на неговиот мајчин јазик – јапонски“, рече Итана Драгојевиќ, една од членовите на студентската организација.
Премиерот Спајиќ зборува јапонски, бидејќи живеел и работел во Јапонија. Студентите организираа неколку протести и блокади на патиштата во Подгорица.
Регион
(Видео) Судири меѓу полицијата и демонстрантите во Бугарија, десничарите против воведувањето на еврото
Приврзаниците на крајната десница денеска се судрија со полицијата за време на протестот за поддршка на бугарската валута лев и против воведувањето на еврото, јавува Анадолија.
Протестот се одржа пред Бугарската народна банка (БНБ) и пред претставништвото на Европската комисија во Софија.
Демонстрантите се обидоа да упаднат во зградата на претставништвото на Европската унија, користејќи црвена боја, петарди и молотови коктели. Околу 10 полицајци се повредени, а шест лица се уапсени.
Демонстрантите потоа ја запалија вратата од зградата на претставништвото на Европската комисија во Бугарија, јави репортерот на БГНЕС.
Бугарските парламентарци минатата година усвоија нацрт-закон за преминување на еврото како национална валута од почетокот на 2025 година. Сепак, влезот во еврозоната беше одложен поради високата инфлација и други економски фактори.
Предлог-законот ги регулира принципите, рамката и процедурите за воведување на еврото во Бугарија и ги утврдува правилата и преоден период за да им се даде време на граѓаните да се прилагодат на новата валута.
Мицкоски со честитка до ЦДУ: Европа бара промени
Премиерот Христијан Мицкоски ја честиташе победата на ЦДУ на изборите во Германија преку социјалните мрежи. „Овој успех е потврда за...
Трамп ги коментираше изборите во Германија: Ова е одличен ден
Американскиот претседател Доналд Трамп ги коментираше резултатите од изборите во Германија. „Се чини дека конзервативната партија во Германија победи на...
Мерц: Победивме
Христијанско-демократската унија ЦДУ/ЦСУ е победник на предвремените парламентарни избори во Германија, а десничарската популистичка Алтернатива за Германија (АфД) е втора...
Почина 21-годишен осуденик: бил донесен во Клиничката болница Штип со знаци на труење
Вчера во 11.31 часот во СВР Штип, од Клиничка болница Штип било пријавено дека кај нив од Казнено – поправната...
(Видео) „На повидок е корупциски скандал во Владата, дали Меџити барал мито“, прашува Илиевски
„На повидок е голем, робусен корупциски скандал во Владата! Бараме премиерот Христијан Мицкоски да излезе и да одговори: дали е...
„Воведувањето кривична одговорност за судиите е неопходна, тие не смеат да бидат недопирливи“, Левица бара власта да го поддржи нивниот предлог
„Покрај Предлог-законот за заштита на потрошувачите со кој Левица предлага да се укинат двојазичните декларации на производите, на утрешната собраниска...
(Видео) „Скандалозната најава од Меџити отвора сериозни сомнежи за постоење веќе подготвени списоци со имиња на ‘подобните’ партиски кадри“, вели Кузеска
„Изет Меџити подготвува робусна акција-најголеми партиски напад врз институциите досега со 3.000 нови партиски вработувања во државната администрација. Скандалозната најава...
Истрага против дилер на марихуана во Тетово
Основното јавно обвинителство Тетово донесе Наредба за спроведување истражна постапка против едно лице за кривично дело- Неовластено производство и пуштање...
„Завршува ерата на неточни броила“: Министерството за енергетика бара опремата за проверка на струјомерите веднаш да биде на располагање на граѓаните
Министерството за енергетика, рударство и минерални суровини активно работи на воведување системски решенија кои ќе ја зголемат заштитата на граѓаните...
„Пратениците да го поддржат предлог – законот за укинување на двојазичните декларации“, бара Левица
„Левица го повикува владејачкото мнозинство, на седницата во понеделник, да го поддржи Предлог-законот за измена на Законот за потрошувачи, со...
(Видео) Трамп зборуваше за Украина, „глупавиот“ Бајден, „патриотот“ Маск, царините…
Доналд Трамп одржа говор на Конференцијата за политичко дејствување (CPAC). Тој често ја користи оваа конференција за да постави политички...
Утрово најстудено во Берово, најмногу снег на Попова Шапка
Утрово најстудено било во Берово каде што се измерени -7 степени, -5 било во Крива Паланка, -4 во Крушево, -3...
Полскиот претседател и Трамп се сретнаа, Белата куќа: Трамп ја пофали Варшава
Присуството на САД во Полска и Централна Европа треба да се зајакне, му порача полскиот претседател Анджеј Дуда на американскиот...
Објавени сведоштвата на израелските заложници: „Изгубив 30 килограми“
Четворицата заложници, Тал Шохам, Омер Шем Тов, Омар Венкерт и Ели-Хе Коен, кои денеска се вратија во Израел, биле подложени...
Полска ја демантира веста за одземањето на „Старлинк“ од Украина: „Ние им го купивме“
Полска ќе продолжи да плаќа за „Старлинк“ за Украинците, изјави министерот за дигитални прашања Кшиштоф Гавковски по извештаите во медиумите...
Зеленски: На светот му треба гаранција дека Русија повеќе не може никому да донесе смрт
На светот му е потребна гаранција дека Русија повеќе нема да може да им носи уништување на другите народи, изјави...
„Њујорк тајмс“: Новиот предлог на Трамп за минералите е речиси ист како и одбиениот, дури е уште построг
Украина денес сериозно го разгледува ревидираниот предлог на САД за нејзините богати природни ресурси, кој ги содржи речиси истите услови...
(Видео) Судири меѓу полицијата и демонстрантите во Бугарија, десничарите против воведувањето на еврото
Приврзаниците на крајната десница денеска се судрија со полицијата за време на протестот за поддршка на бугарската валута лев и...
Нападната и силувана девојка од Скопје, уапсен 37-годишник
Денеска во 01.20 часот во Скопје, полициски службеници од СВР Скопје го лишиле од слобода 37-годишниот Б.Б. од Скопје, постапувајќи...
Додека управувал возило му се слошило и починал: автомобилот излетал од патот во Радовиш, удрил во столб па во паркиран „форд“
Вчера во 10.52 часот во Полициската станица Радовиш било пријавено дека на улицата „8 Септември“ во Радовиш, додека управувал патничко...
