Регион
Под истрага и мајката на Коста, се истражува дали го малтретирала синот

Основното јавно обвинителство во Белград по службена должност оформи предмет поврзан со настанот во основното училиште „Владимир Рибникар“ на 3 мај годинава кога 13-годишниот Коста К. ги одзеде животите на десет лица.
Целта на истрагата, како што велат од тамошното обвинителство е да се утврди дали со дејствијата, М.К – мајката на убиецот, направила кривичното дело. – запуштање и злоупотреба на малолетно лице.
Обвинителството испратило барање до полициското одделение за град Белград за прибирање на потребните сознанија, со што наложено утврдување на фактичката состојба на осомничената М.К., пренесе „Блиц“.
Исто така, на Градскиот центар за социјална работа му е наложено да изврши дијагностичка проценка на функционирањето на семејството на момчето убиец и да поднесе пријава до обвинителството, како и да утврди дали семејството претходно било во евиденцијата на тој орган.
„По доставените извештаи на Полициската управа за град Белград и Градскиот центар за социјална работа до обвинителството, јавноста без одлагање ќе биде информирана за натамошниот тек на постапките и донесените решенија“, соопштија од обвинителството во Белград.
Седмоодделенецот на 3 мај влезе во училиштето со пиштолот на својот татко. Кобниот ден пукал во правец на училишниот чувар Драган Влаховиќ, а потоа уби две дежурни ученички. 13-годишното момче потоа влезе во кабинетот по историја каде уби шест соученици, а исто така рани шест ученици и еден наставник.
Набргу по злосторството, таткото на момчето, Владимир К. беше приведен за тешко кривично дело против општа опасност.
Според адвокатот Никола Ристовиќ, максималната казна за ова дело е 12 години затвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Судири меѓу полицијата и демонстрантите во Бугарија, десничарите против воведувањето на еврото

Приврзаниците на крајната десница денеска се судрија со полицијата за време на протестот за поддршка на бугарската валута лев и против воведувањето на еврото, јавува Анадолија.
Протестот се одржа пред Бугарската народна банка (БНБ) и пред претставништвото на Европската комисија во Софија.
Демонстрантите се обидоа да упаднат во зградата на претставништвото на Европската унија, користејќи црвена боја, петарди и молотови коктели. Околу 10 полицајци се повредени, а шест лица се уапсени.
Демонстрантите потоа ја запалија вратата од зградата на претставништвото на Европската комисија во Бугарија, јави репортерот на БГНЕС.
Бугарските парламентарци минатата година усвоија нацрт-закон за преминување на еврото како национална валута од почетокот на 2025 година. Сепак, влезот во еврозоната беше одложен поради високата инфлација и други економски фактори.
Предлог-законот ги регулира принципите, рамката и процедурите за воведување на еврото во Бугарија и ги утврдува правилата и преоден период за да им се даде време на граѓаните да се прилагодат на новата валута.
Регион
Возач во БиХ наполнил гориво и побегнал без да плати

На бензинска пумпа во БИХ, непознато лице наполнило гориво и си заминало без да плати.
Покрената е истрага за кражба на гориво, веднаш реагирала полицијата, пишуваат тамошните медиуми.
Инцидентот го пријавил во полиција, вработен на бензинската пумпа.
По пријавата патролата веднаш излегла на терен и започнала истрага.
Регион
Вучиќ: Србија e една од најбезбедните земји во Европа

Претседателот Александар Вучиќ изјави дека Белград и Србија се меѓу најбезбедните градови или земји во Европа.
„Значи, државата и државните институции, и покрај валканата пропаганда на секојдневно ширење на несигурност, страв и се, си ја вршат својата работа на најчист можен начин и се погрижија денес и Белград како град и Србија како држава да бидат една од најбезбедните земји во Европа. Една од трите или четирите најбезбедни земји во Европа“, рече Вучиќ.
Тој наведе дека во 2001 година имало 3.140 разбојништва, а лани 496, дека во 2001 година имало 215 убиства, а во 2024 година 50 убиства и дека бројот на силувања е 3,4 пати помал од тогаш. Вучиќ додаде дека бројот на убиства постојано се намалува.
„Тоа значи дека воспоставивме добра соработка меѓу разузнавачко-безбедносниот сектор во целина и обезбедивме дa сме една од најбезбедните земји во Европа. Ова се добри резултати“, изјави Вучиќ.