Регион
Пожарот во Грција уништи површина поголема од Њујорк: изгореа 808 квадратни километри

Пожарот во Еврос на северот на Грција е најголемиот пожар во земјите на ЕУ во последните неколку децении и изгореа 808,7 квадратни километри, соопшти Европската агенција за вонредни состојби „Коперник“.
Пожарот во Еврос уништи најмалку 808,7 квадратни километри, што е површина поголема од Њујорк, кој зафаќа 778,2 квадратни километри и е најголемиот пожар во ЕУ од 2000 година, покажуваат податоците на „Коперник“.
Пожарот избувна во близина на градот Александрополис и бргу се прошири во областа Еврос, каде што минатата недела загинаа најмалку 20 лица, што го прави најсмртоносниот пожар во Европа ова лето, објави „Катимерини“.
Градоначалникот на Александрополи, Јоанис Забукис, за „Катимерини“ изјави дека сега противпожарната служба следи и интервенира онаму каде што има повторно палење, што се случува исклучиво во шумата во Дадија.
Забукис истакна дека пожарникарите од другите земји, кои дојдоа да помогнат, дадоа значаен придонес во гаснењето на пожарот.
Од 20 август ЕУ испрати во Грција 11 противпожарни авиони, еден хеликоптер, 407 пожарникари и 62 возила.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Големо невреме во Загреб, ветерот крши ролени, урива дрвја

Голема промена на времето пристигна во Хрватска. Бура го погоди Загреб околу 10 часот наутро. Како што известуваат хрватските медиуми, ветерот дува силно и ги кине ролетните на куќите. Грми, врне и дува силно во целиот град.
Портокалова тревога е во сила за регионите Славонија, Истра, Кварнер и во Далмација, а жолта тревога е во сила за остатокот од Хрватска.
Температурите во делови од земјата ќе паднат за повеќе од 10 степени во споредба со вчера.
Регион
Дел од натстрешник се урна во центарот на Белград

Во центарот на Белград, пред продавница за парфеми, се урна таванот на натстрешник, пишува „Н1 Србија“.
Ова, најверојатно, се случило во текот на ноќта, а жената што работи во продавницата за парфеми изјавила за „Н1“ дека сè било во ред во текот на денот.
Властите поставија црвена лента на која пишува „внимание, опасност“, така што на граѓаните сега им е забрането да минуваат во тој дел од улицата.
Делови од таванот се наоѓаат и на самото шеталиште, а дел од него сè уште виси.
Регион
Македонец меѓу загинатите во Бугарија кога автомобил управуван од 19-годишник се заби во ресторан

Деветнаесетгодишен возач со автомобилот се заби во ресторан во Разград, Бугарија, при што загинаа три лица, меѓу кои 58-годишник, државјанин на Македонија, соопшти бугарската полиција.
Несреќата се случила по полноќ на улицата Гранчарска во градот. Според првичните информации, младиот возач ја изгубил контролата врз автомобилот, што ја предизвикало тешката несреќа. Тестовите за алкохол и дрога на 19-годишниот возач биле негативни, јавуваат бугарските медиуми.
Починатите се лица на возраст од 62, 64 и 58 години, кои биле во објектот во моментот на несреќата.