Регион
Познати клучните прашања на кои ќе одговара момчето убиец од Белград
![](https://makfax.com.mk/wp-content/uploads/2023/05/Untitled-7.jpg)
К. К. (14), момчето осомничено за масакрот во ОУ „Владислав Рибникар“, во моментот е на распит по наредба на Вишото јавно обвинителство, а сведочи во постапката против својот татко Владимир Кецмановиќ, кој се товари за тешко кривично дело против општата безбедност.
Како што дознава српски „Телеграф“, петте прашања на кои треба да одговори се:
1. Дали татко му го малтретирал?
2. Каков бил односот во семејството помеѓу мајката, таткото и сестрата?
3. Дали татко му го носел на стрелиште?
4. Дали го учел да пука?
5. Дали му ја дал шифрата на сефот со пиштолот?
Се сомнева дека Владимир Кецмановиќ го чувал оружјето нерегистрирано, како и дека го обучувал својот син како да го користи.
Вишиот суд му го конфискува имотот на таткото на момчето осомничено дека го изврши масакрот во „Рибникар“.
На Владимир Кецмановиќ, таткото на момчето К. К., кое е осомничено за масовното убиство во ОУ „Владислав Рибникар“, Вишиот суд во Белград привремено го одзеде за да не може да го продаде тоа што го има, што е направено по предлог на оштетениот. Одземени ствари се:
– стан во Белград;
– одредени делови од деловен простор во Белград;
– патничко моторно возило.
Привремените мерки може да траат до конечното завршување на кривичната постапка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.
Регион
13-годишно девојче загина од гром на плажа на Халкидики
![](https://makfax.com.mk/wp-content/uploads/2020/07/Grcija-1.jpg)
Трагичен настан се случи денеска на Халкидики кога 13-годишно девојче го загуби животот откако го удри гром.
Трагичниот инцидент се случил околу 16:30 часот кога девојчето било на плажата Посеиди, на песокот, а според првите информации полесно е повредена и нејзината мајка.
Времето на Халкидики денеска е лошо со обилни врнежи од дожд, пренесуваат локални медиуми.
Полициската управа Касандра води прелиминарна истрага за инцидентот, пишуваат грчките медиуми.
Регион
Додик: Има ли некој што може да ги тргне бошњачките политичари од погрешен воз
![](https://makfax.com.mk/wp-content/uploads/2024/04/dodik-1.jpg)
Претседателот на Република Српска, Милорад Додик денеска изјави дека кога ќе се качите во погрешен воз сите постојки се погрешни и праша дали има кој да ги извади бошњачките политичари од тој воз.
„Има ли некој што може да им објасни дека Боно Вокс и „U2“ никогаш повеќе нема да свират бесплатно во Сараево, а CNN ќе го емитува концертот? Дека веста за резолуцијата за Сребреница не е објавена во ниту еден светски медиум. Дека Босна и Херцеговина никому не му е важна, освен луѓето што живеат во неа“, напиша Додик на социјалната мрежа Икс.
Дваесет години, посочува, се обидува да им објасни, а тоа ќе го покаже на претстојната средба во Мостар.