Европа
Најперспективната туристичка дестинација во Европа: најекономична опција за летување
Иако традиционално е позната како дестинација за квалитетни и добри одмори, со безброј туристички атракции, Црна Гора сè уште е некако на маргините на европските и меѓународните патници.
Токму затоа познатиот американски магазин Travel off Path реши да го сврти вниманието кон оваа земја за која вели дека е една од најпотценетите летни дестинации во Европа.
Во својот извештај магазинот наведува дека Црна Гора е веројатно најперспективната туристичка дестинација во Европа. Наведува неколку причини зошто треба да се избере Црна Гора за одмор наместо веќе извиканите дестинации, како Грција.
Туристите со децении ја избираат Европа за својот одмор, а тоа стана тренд меѓу патниците. Со голем број луѓе што доаѓаат во Грција, Шпанија или Италија, помалку познатите дестинации станаа вистинско богатство. Меѓу нив убедливо на прво место е Црна Гора.
Travel off path наведува дека Црна Гора е една од најекономичните опции за одмор, каде што можете да престојувате во високорангирани хотели за релативно малку пари. Покрај тоа, постојат многубројни хостели, апартмани или куќи за гости, каде што патниците може да уживаат во многу прифатлива удобност.
Црна Гора нуди и содржини, многубројни туристички атракции, природни убавини и непроценливо културно богатство. Од морето и бреговите, планините и националните паркови, сè е многу достапно за туристите. Исто така, оваа земја е позната по разни настани, фестивали и музички спектакли. Еден од нив, кој е веќе етаблиран и добро познат, е Sea Dance Festival.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.