Регион
Познат идентитетот на дел од убиените во Црна Гора, меѓу нив деца на возраст од 10 и 13 години

Ацо Мартиновиќ во масакрот во Цетиње уби 12 лица, меѓу кои и две деца на возраст од 10 и 13 години.
„По вербална расправија со луѓето со кои го поминал цел ден, Мартиновиќ влегол во конфликт со друго лице. Потоа отишол дома, земал оружје, се вратил и го извршил делото. После тоа се оддалечил, а познато е дека убиствата ги извршил на три различни локации“, изјави директорот на црногорската полиција.
Тој додаде и дека ова е втора трагедија што го погодува Цетиње во последните три години. Потврди дека меѓу загинатите има и две деца, додека четири лица се повредени.
Меѓу жртвите кои масовниот убиец, Ацо Мартиновиќ, ги убил во масакрот во Цетиње се и браќата близнаци Милош и Марко Мартиновиќ.
Меѓу убиените е и Марија, сопругата на Марко, објави порталот Радиотелевизија на Црна Гора.
Ацо Мартиновиќ уби најмалку 10 луѓе. Масакрот започнал во кафулето Велестово во Цетиње каде го убил и сопственикот Марко Вулетиќ и неговите две деца на возраст од 10 и 13 години.
„По вербална расправија со луѓето со кои го поминал цел ден, Мартиновиќ влегол во конфликт со друго лице. Потоа отишол дома, земал оружје, се вратил и го извршил делото. После тоа се оддалечил, а до сега се знае дека убиствата ги извршил на три различни локации“, изјави директорот на црногорската полиција.
Полицијата потврди дека меѓу убиените има и членови на семејството на убиецот.
Тој побегнал и по повеќечасовна потрага бил пронајден во населбата Хумци во Цетиње, недалеку од неговата куќа. Тој си пукал во главата и починал од повредите на пат кон болница.
„Полицијата го опколи и направи обрач. Тој беше во безизлезна ситуација, опколен од сите страни. Откако му наредиле да го спушти оружјето, тој си пукал во главата. Откако се здобил со повреди, бил направен обид за транспорт во болница, но им подлегнал на повредите“, рече Шќепановиќ.
Покрај убиените, четири лица се тешко ранети и оперирани во Клиничкиот центар на Црна Гора.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Русин и Германец снимале голи деца со мобилни телефони во камп на Истра

Полицијата на Истра во саботата уапси двајца мажи, еден Русин и еден Германец, кои тајно снимале голи деца во туристички камп. Двајцата беа однесени во полициската единица за притвор под сомнение за кривично дело експлоатација на деца за порнографија и беа обвинети за кривично дело.
Како што соопшти полицијата денес, во саботата, околу 12.45 часот, обезбедувач во туристички објект во областа Ровињ пронашол 56-годишен руски државјанин како тајно снима голи деца со својот мобилен телефон и го притворил додека не пристигнала полицијата.
Истиот ден околу 14.40 часот обезбедувач во истиот камп пронашол и 52-годишен германски државјанин како тајно снима голи деца со својот мобилен телефон и исто така го притворил додека не пристигнала полицијата.
Врз основа на налог од надлежниот суд полицијата ги претресе сместувачките единици, мобилните телефони со придружните мемориски картички што ги користеле осомничените и пронајде инкриминирачки материјал. Осомничените беа предадени на полициската единица за притвор во Истра вчера попладне со кривични пријави.
Регион
Вучиќ: Србија нема да воведе санкции против Русија

Претседателот на Србија, Александар Вучиќ, изјави дека Србија нема да воведува санкции кон Русија и дека ќе се држи до својата сегашна политика, и покрај различните најави од владата.
Вучиќ рече дека граѓаните на Србија поддржуваат таков правец бидејќи тоа е „политика на независна и суверена држава“.
„Ќе продолжиме со нашата политика, која беше принципиелна и која досега се покажа како точна, која никому не му се допаѓаше, ниту на оние на Запад ниту на оние на Исток“, нагласи Вучиќ.
Реакцијата на Вучиќ следи по интервјуто на министерот за европски интеграции Немања Старовиќ за австриската агенција АПА. Старовиќ навести дека Србија може да размисли за усогласување со санкциите на ЕУ против Русија откако нејзиното членство во Унијата ќе стане неизбежно.
Тој објасни дека одбивањето да се воведат санкции произлегува од економска неопходност, а не од политичка лојалност кон Москва.
„Русија воопшто нема да биде погодена, но српската економија ќе биде погодена во огромна мера“, рече Старовиќ.
Сепак, претседателот Вучиќ ги отфрли тие изјави, нарекувајќи ги „невнимателни“.
„Жал ми е што некои од нашите пријатели во руските медиуми едвај чекаат да најдат нешто за кое ќе ја критикуваат Србија. Исто така, жал ми е што имаме многу луѓе на нашата домашна политичка сцена кои би сакале да ги бранат Русите отколку Србија. Морам да ги разочарам, Србија нема да воведе санкции врз Русија“, рече Вучиќ.
Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.