Регион
Помеѓу 150 и 300 илјади луѓе ја напуштиле Босна и Херцеговина во последната деценија

Во текот на изминатата деценија голем број граѓани ја напуштија Босна и Херцеговина поради политичката ситуација и корупцијата во земјата, како и поради високата стапка на невработеност и лошата економска состојба, а според некои процени е меѓу 150 и 300 илјади луѓе.
Иако нема прецизни официјални податоци за бројот на граѓани на Босна и Херцеговина што ја напуштиле својата татковина и заминале да живеат и работат во други земји, некои истражувања на невладините организации покажуваат дека во текот на овој период имало неколку стотици илјади за десет години.
Амер Осмиќ, вонреден професор на Катедрата за социологија при Факултетот за политички науки во Сараево, за агенцијата „Анадолија“ изјави дека бројот на деца родени денес во БиХ е двојно помал отколку пред 30 години.
„Многу малку деца се раѓаат, многу жители умираат и премногу млади заминуваат, а никој не доаѓа. Значи, негативна слика кога станува збор за природниот прираст, механичко движење, кое многу негативно се одразува на сѐ што се однесува на населението“, рече Осмиќ.
„За сето ова има една главна причина. Населението е незадоволно, ѝ го сврте грбот на државата, а тоа е целиот општествен систем, почнувајќи од политиката, политичките настани, несигурниот општествен систем. Тоа е наталожено општо незадоволство од целиот општествен систем. Она што е можеби уште поважно од ова е немањето перспектива дека ќе биде подобро“, рече Осмиќ.
Зборувајќи за помалиот број раѓања и големиот број умрени, професорот вели дека демографски БиХ е веќе земја на стари луѓе.
„Моето и истражувањето на моите колеги укажува дека според пописот на населението од 2013 година, Босна и Херцеговина имала просечна возраст од речиси 39 години. Сите процени укажуваат дека со заминување на младите луѓе, перспективното и работоспособно население, и населението во плодна возраст, денес зборуваме за просечна возраст која е далеку над 44 години“, изјави Осмиќ и додаде дека ситуацијата е загрижувачка во последните 15 години, пренесува „Танјуг“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Црна Гора се бори со пожари

Седми ден по ред пожарите во Црна Гора не стивнуваат, а најкритично е во Подгорица, каде што и покрај тоа што ситуацијата е под контрола.
Началникот на Дирекцијата за цивилна заштита и намалување на ризици од катастрофи, Љубан Тмушиќ, соопшти дека најзагрозени области се Пипери и Кучки Корита. – Во овие подрачја се ангажирани сите расположливи ресурси – 12 возила и 42 пожарникари, рече Тмушиќ.
Посебна закана претставуваат и таканаречените „подземни пожари“ кои се активираат со пораст на температурите.
Во гаснењето се вклучени и армијата, како и помош од странство – Србија испрати хеликоптер, а вчера пристигна и швајцарски тим со 26 пожарникари и четири специјализирани возила. Поддршка дава и хеликоптер од Чешка.
Регион
Еди Рама вети бесплатни нови куќи за оние кои во пожарите ги загубија своите домови

По катастрофалните пожари кои деновиве зафатија делови од Албанија, уништувајќи домови и имоти, премиерот Еди Рама излезе со силно и директно ветување до сите настрадани граѓани. Во објава на социјалните мрежи, тој најави дека државата целосно ќе ги обесштети сите што претрпеле штета, вклучително и бесплатна обнова на секој уништен дом.
„Кој и да го изгубил својот дом, ќе го обновиме бесплатно, кој и да изгубил добиток, ќе го рефинансираме еден по еден“, напиша Рама на социјалните мрежи.
Оваа мерка, како што појасни министерот за одбрана Пиро Венгу, ќе се спроведува преку општините. Ќе се формираат посебни комисии за проценка на штетите на куќи, инфраструктура, бизниси и земјоделски култури, по што ќе следува обештетување од општинските фондови за цивилна заштита, поддржани од државниот буџет.
Регион
Шестмина припадници на полицијата се повредени за време на синоќешните протести во Србија

Министерот за внатрешни работи на Србија, Ивица Дачиќ изјави дека за време на синоќешните протести имало драстично нарушување на јавниот ред и мир и брутален напад врз полицијата, и дека, според досегашните податоци, повредени се шестмина припадници на полицијата.
„Шест полицајци се повредени, според информациите што ги имаме во моментов, а 38 лица се приведени. Секој можеше да види во преносот во живо дека имало брутален напад врз полицијата, дека демонстрантите дошле со намера да ги нападнат полицајците, да ги повредат“, рече Дачиќ.
Тој изјави дека вечерта немало поддржувачи на Српската напредна партија, што, како што рече, не ги спречило демонстрантите да ги нападнат просториите на таа партија низ цела Србија, и додаде дека на некои места биле нападнати и просториите на Социјалистичката партија на Србија.