Регион
Потрагата по фармацевтот на Сува Планина сè уште трае: отишол без соодветна опрема за планинарење и ги оставил телефоните во автомобилот
![](https://makfax.com.mk/wp-content/uploads/2024/06/hhg.jpg)
Полицајци, пожарникари, членови на Планинарската спасувачка служба, семејството, роднините и пријателите сè уште трагаат по Милан Ѓорѓевиќ (41), кој исчезна во понеделникот попладне на падините на Сува Планина, во близина на излетничкото место Бојанини Води. На помош беа повикани шумарите, кои одлично го познаваат овој дел од теренот и патеките што водат до планинските врвови и до селото во подножјето на планината.
Потрагата по младиот фармацевт се врши и од воздух, со помош на најсовремен дрон, што Машинскиот факултет во Ниш им го обезбеди на пријателите на исчезнатиот.
Во понеделникот, по работа, Милан со својот автомобил „шкода“ се упатил до излетничкото место и го паркирал возилото на паркингот до затворениот планинарски дом. Еден од жителите на селото, кој ја косел ливадата, потврдил дека го видел околу 18.30 часот и од тогаш му се губи секаква трага.
Семејството и пријателите на младиот фармацевт веруваат дека тој отишол да шета на планината бидејќи сака природа и планинарење, но се загрижени што тој заминал сам и ги оставил и личниот и службениот телефон во автомобилот. Ги загрижува и тоа што на планина отишол без соодветна опрема за планинарење, со обични чевли, со кои лесно можел да се лизне, да падне и да се повреди, а не можел да повика помош бидејќи не носел телефон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Вучиќ: Курти не сака дијалог, сака де јуре признавање
![](https://makfax.com.mk/wp-content/uploads/2020/03/vucik.png)
Претседателот на Србија, Александар Вучиќ денеска изјави дека продолжувањето на дијалогот со Приштина во Брисел не се случило бидејќи косовскиот премиер Албин Курти „не сака дијалог“.
Вучиќ оцени дека вчерашното непродолжување на дијалогот во Брисел е последица на желбата на Приштина за „де јуре признавање“.
„Дијалог не се одржа бидејќи тие не сакаат дијалог. Сакаа де јуре, не де факто туку де јуре признавање. Ова е она што тие го бараа. Сакавме да разговараме за компромиси за решавање на проблемите, но знаев и претходно дека не се подготвени за тоа“, изјави Вучиќ.
Тој додаде дека не верува оти „сериозен дијалог“ може да продолжи „во блиска иднина“.
„Секогаш ќе треба да најдете начин да разговарате со некого. Подготвени сме да разговараме, но не гледам можност за сериозно продолжување на дијалогот во блиска иднина“, рече Вучиќ.
Регион
Невреме и обилни врнежи во Србија: пет воспитувачки евакуирани од градинка, во Суботица избувнал пожар по удар на гром
![](https://makfax.com.mk/wp-content/uploads/2024/06/Screenshot-2024-06-27-202530.jpg)
Припадници на Секторот за вонредни состојби при две интервенции евакуирале 10 лица поради невреме и обилни врнежи во Србија.
Како што е наведено во соопштението на српската полиција, пет воспитувачки биле евакуирани од градинка.
Во соопштението се наведува дека 57 пожарникари-спасувачи со 26 возила и 12 пумпи биле ангажирани во 11 операции за испумпување на вода во Врање, Лесковац и Мионица и во гаснење пожари по удар на гром во Суботица и Врање.
Пожарникарите-спасувачи им помагаат на граѓаните и во отстранувањето на паднатите дрвја во Заечар, Књажевац, Ужице, Чачак и Лесковац, како и отстранување на делови од лимени покривни конструкции пишуваат српските медиуми.
„Во моментов службените лица се ангажирани во Лесковац за отстранување на паднато дрво зад Центарот за култура, како и во Лазаревац за отстранување на паднатите дрвја и за испумпување на вода од домаќинствата во Лазаревац и Крушевац“, се наведува во соопштението.
Регион
Борисов: Во моментов никој не може да формира влада
![](https://makfax.com.mk/wp-content/uploads/2022/06/Borisov.jpg)
Лидерот на бугарската партија ГЕРБ и поранешен премиер на таа земја, Бојко Борисов денеска изјави дека ниту една партија во моментов не може да формира стабилна влада.
Тој за новинарите изјави дека актуелната ситуација го попречува напредокот на Бугарија кон влезот во еврозоната, цел за која верува дека може да се постигне доколку има стабилна влада предводена од ГЕРБ, пишува порталот Новините.
Тој ја критикуваше предизборната кампања на одредени партии, велејќи дека политичките партии повеќе се фокусирани на добивање изборна предност отколку на ефективно владеење.