Регион
Почина познатата актерка од серијата „Жикина династија“ Даринка Дара Чалениќ

По долго и тешеко боледување на 87-годишна возраст почина Даринка Дара Чалениќ, познатата актерка од култната серија „Жикина династија“. Таа ја играше улогата на Дара, сопругата на Жика.
Дара Чалениќ родена е на 18 јули 1934 година во Нови Сад, каде што завршила основно образование, гимназија и средна актерска школа во Српскиот народен театар.
Првиот настап го имала во 1949 година во Народниот театар во Краљево, а во 1954 година станува членка на Српскиот народен театар во Нови Сад.
Во 1960 година таа преминала во Современиот театар во Белград, а во 1964 во Југословенско драмски театар. Во 1974 година станува слободен уметник, а се пензионира во 1988 година.
На сцената одиграла повеќе од 40 главни улоги, а на телевизија учествувала во многу драмски емисии, разни серии, забавни и детски програми.
Погребот ќе се одржи во Нови Сад во кругот на најблиските роднини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.