Регион
Почина четиригодишното девојче што таткото го остави во презагреан автомобил
Четиригодишното девојче од Хрватска што нејзиниот татко го остави во автомобил без клима, на високи температури, почина во болницата во Риека, јавија хрватските медиуми.
Пред пет дена таткото го оставил девојчето за да не го буди, но не ја вклучил климата, а прозорците ги затворил за да не навлегува прашина од градилиштето.
Девојчето без свет по два часа го пронашле работниците кои повикале Брза помош.
Извори од истарската полицијата за хрватските медиуми вчера соопштија дека против 33-годишниот татко е поднесена кривична пријава.
„Не можеме во целост да ги соопштиме деталите за настанот, но можеме да потврдиме дека завршено е криминалистичкото истражување и дека до државното обвинителство ќе биде поднесена кривична пријавa против 33-годишен хрватски државјанин под сомнение дека сторил кривично дело повреда на правата на детето“, изјави портпаролката на истарската полиција, Наташа Витасовиќ.
Законот за такво кривично дело предвидува затворска казна од една до осум години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Два земјотреси во Грција: Првиот удар 4,6 степени, а вториот 4,9
Два силни земјотреси утрово ја погодија Грција. Првиот беше со јачина од 4,6 степени според Рихтеровата скала, а вториот 4,9. Како што соопшти Европскиот медитерански сеизмолошки институт (EMSC), епицентарот бил островот Крит.
Првиот земјотрес се случил на длабочина од 10 километри, додава EMSC, а епицентарот бил на 40 километри југоисточно од градот Сити, кој има околу 9.000 жители.
Засега нема информации за жртви и материјална штета.
Регион
„Заедно до крај“: Сопружници беа пронајдени прегрнати под урнатините во Јабланица
Босна и Херцеговина на 4 октомври беше погодена од катастрофални поплави, кои однесоа човечки животи.
Тешка е ситуацијата во неколку градови во БиХ, но убедливо најтешка е во Јабланица.
Во екот на разорните поплави што ја погодија БиХ, особено е потресна приказната за брачната двојка Ирмела и Јасмин Чилиќ, чии тела прегрнати ги пронашле спасувачите под урнатините во Јабланица.
Тие останале еден со друг до крај, но за жал не можеле да се извлечат. Биле познати во нивната заедница како топли и грижливи луѓе, а нивната љубов и поврзаност послужија како инспирација за многу луѓе.
Регион
Две лица загинаа во пожар во стан во Белград
Две лица загинаа во пожар во Белград, потврдија за РТС од итната помош.
Пожарот избувнал околу 05:30 часот во стан на вториот кат во Раковица.
Противпожарните екипи се уште се на терен.