Регион
(Видео) Почна евакуација на Крф и на Евија, жителите и туристите добиле итна наредба да се упатат кон чамците поради пожари

Евакуацијата на туристите и на локалните жители почна и на грчкиот остров Крф поради пожарот што беснее од вчера.
Ноќта меѓу неделата и понеделникот Крф издаде наредба за евакуација поради страшните пожари што го зафаќаат островот.
На луѓето во областите Санта, Мегула, Порто, Пали, Перитија и Синија на островот им беше кажано да се евакуираат. До нив биле испратени чамци за евакуација, но засега е невозможно да се процени колку туристи има во овие области.
Исто така, почната е евакуација во делови од островот Евија.
#corfu pic.twitter.com/VcjFddqjZ9
— pete (@petemedical) July 23, 2023
На жителите од четири области – Ливади, Потами, Пернараки и Платанисто – им било кажано да се евакуираат како мерка на претпазливост и да се движат кон областа Каристос.
Вчера, според одредени процени, беше наредена евакуација на речиси 30.000 луѓе од островот Родос, кој беше најтешко погоден од пожарите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.