Регион
(Видео) Прва парада на гордоста во Сараево
Во Сараево се одржува првата Парада на гордоста, а истовремено се одржува и контрасобир на оние кои се противат на оваа манифестација.
Happy #Pride #Sarajevo #imaizać pic.twitter.com/Y1ABIsumPj
— Mona Eltahawy (@monaeltahawy) September 8, 2019
Бранко Чулбрик и Селма Кешетовиќ од организацискиот одбор на БиХ Парадата на гордоста велат дека подготовките траеле две години. Тие истакнуваат дека ЛГБТ-заедницата во БиХ секојдневно живее во страв поради потенцијално насилство над нив поради сексуалната ориентација, дополнувајќи дека не се создава атмосфера за општеството да ги прифати различностите. Сепак, тие веруваат дека институциите се способни да се справат со потенцијалното насилство, мотивирано од хомофобијата.
Организаторите велат дека добиваат поддршка од многумина во земјата. Освен амбасадорите и претставници на власта, Парадата на гордоста е поддржана и од учесници од земјите од регионот, но и пошироко.
Busy, happy crowds forming here in Sarajevo for @BHpovorkaponosa! The Parade starts in 30 minutes. #bhpovorkaponosa #imaizac pic.twitter.com/wWwtqdEDxY
— EuroPride • EPOA (@EuroPride) September 8, 2019
Здружението на млади муслимани собирот го нарекоа „парада на срамот“ и тврдат дека зад парадата се кријат други цели, а не заштита и унапредување на човековите права.
На Парада на гордоста се проценува дека маршираат околу 1000 луѓе. Собирот е предвидено да заврши во 14 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Ураганот Кирк денеска ќе зафати дел од Балканот: направи хаос во Шпанија и Португалија
Дел од Балканот, поточно Бугарија, денеска ќе биде зафатен од ураганот Кирк, кој вчера предизвика хаос во Европа.
Ураганот Кирк вчера погоди делови од Португалија, Шпанија и Франција, при што загина едно лице.
Во Португалија вчера беа забележани удари на ветер од 225 километри на час, а во некои делови беше толку силен што дури и преврте чамци.
Бугарскиот климатолог Симеон Матев изјави дека опашката на овој ураган подоцна денеска ќе зафати делови од земјата.
Paris faces widespread flooding as the remnants of Hurricane Kirk, now a storm, strike western Europe.
The Seine-et-Marne department issued a red alert for flood risks.
In Pommeuse waters rose to 3.74m, surpassing the 2016 record of 3.42m.
Hundreds of homes were evacuated and… pic.twitter.com/rkYGtnnNzV
— Viory Video (@vioryvideo) October 11, 2024
Нема да предизвика големи штети, но се очекува да има врнежи кои попладне ќе зафатат делови од земјава. Со оглед на тоа дека се работи за опашката на ураганот, која значително ослабна откако погоди делови од Шведска, не се очекува да предизвика големи штети.
Матев вели дека ураганот Кирк е со помал интензитет од Милтон кој ја погоди Флорида и дека зафаќа помала површина и испушта помалку енергија.
„Кога се во прашање ураганите, факторот изненадување е секогаш присутен, тие никогаш не ги следат предвидените патеки“, објасни климатологот.
Регион
Објавени имињата на загинатите кои со автомобил влетаа во река во Босна и Херцеговина
Познат идентитетот на младите кои вчера загинаа во тешка сообраќајна несреќа во градот Добриње во БиХ. Несреќата се случила во ноќта од среда кон четврток. Во несреќата загинаа Бранка Дуспер и Армин Пушчуловиќ од Кисељак и Амина Кардаш и Сара Савиќ од Високо, пишува Аваз.
Имено, тие се движеле по регионалниот пат меѓу Какањ и Високо кога изгубиле контрола над мерцедесот кој завршил во реката Босна.
Во возилото имало уште едно лице кое успеало да се спаси, а се претпоставува дека испаднал од возилото пред да заврши во реката.
Регион
(Видео) Во Тирана отворена најголемата џамија на Балканот, ја финансираа Турците, а пристигна и Ердоган
Турскиот претседател вчера пристигна во главниот град на Албанија за официјално да ја отвори џамијата со минариња високи 50 метри. Новата џамија во Тирана е најголемата на Балканот, пишува Анадолија.
Реџеп Таип Ердоган се сретна со албанскиот претседател Бајрам Бегај, а подоцна и со премиерот Еди Рама. По средбата на највисоките претставници на двете земји беа потпишани договори за зајакнување на соработката во земјоделството и образованието.
Турција е стратешки партнер на Албанија и еден од нејзините најголеми инвеститори што придонесува во инфраструктурата и другите сектори. Ердоган рече дека двете земји треба да имаат за цел да ја удвојат својата годишна трговска размена на две милијарди евра.
Тој исто така најави дека неговата земја ќе обезбеди неодреден број беспилотни летала за зајакнување на воениот капацитет во Албанија. На брифингот по средбите, Рама рече дека најавата на Турција за испраќање воени беспилотни летала испраќа „многу јасна порака“ дека „Албанија не може да биде нападната“.
Изградбата на новата џамија започна во 2015 година, а околу 30 милиони евра обезбеди турската државна муслиманска организација Дијанет. Џамијата беше завршена пред повеќе од една година, но отворањето беше одложено поради загриженоста на Ердоган дека групата која Турција ја нарекува Терористичка организација Фетулах, или ФЕТО, ќе има влијание врз џамијата.
Според договорите постигнати со локалната албанска муслиманска заедница, турската организација Дијанет ќе има свој претставник во управниот одбор на џамијата. Турција вели дека ФЕТО и нејзиниот лидер со седиште во САД, Фетула Ѓулен, го организирале неуспешниот пуч во Турција на 15 јули 2016 година, во кој загинаа 251 лице, а речиси 2.200 беа ранети. Ѓулен негираше каква било вмешаност.
Покрај четирите минариња, новата џамија има централна купола од 30 метри и капацитет за 8.000 луѓе. Се наоѓа на парцела од 10.000 метри квадратни во близина на албанскиот парламент, а на првиот кат има културен центар.
Местото се наоѓа во близина на познати католички и православни катедрали. Различни религиозни групи живеат заедно во мир без тензии.