Регион
Претседателот на Србија ѝ ги предаде вакцините на БиХ

Претседателот на Србија, Александар Вучиќ, денеска, во Сараево, предаде контингент од 5.000 вакцини од компанијата „Астра зенека“, што Србија ѝ ги донира на Босна и Херцеговина.
На сараевскиот аеродром „Бутмир“, претседателот на Србија беше пречекан од претседателот на Претседателството на БиХ, Милорад Додик, и од бошњачкиот член на Претседателството, Шефик Џаферовиќ.
Беше најавено дека Вучиќ ќе биде пречекан на аеродромот од комплетното претседателство на БиХ, но присуството на хрватскиот член Жељко Комшиќ изостана.
Во пресрет на заминувањето Вучиќ за сараевските медиуми изјави дека е многу среќен што може да дојде во Сараево и да ги донесе првите дози вакцини.
Тоа, вели тој, не е помош, туку нешто што им припаѓа еднакво на сите, а Србија, како што додава, ја имаше таа среќа да обезбеди повеќе вакцини.
„Тоа се вкупно 10.000 дози. Утре 5.000 дози, а за неколку дена уште 5.000. Мислам дека тоа е особено важно за здравствените работници што работат во зоната на црвената коска во БиХ. Мојата порака е дека мора да се свртиме едни кон други, да не сметаме дека сите други ни се поважни и дека е важно колку лошо ќе кажеме за оние што се најблиску до нас“, истакна претседателот на Србија.
Тој претходно зборуваше за балканските народи, кои, според него, имаат голема сила и моќ кога се обединети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Трет ден блокада на зградата на РТС во Белград

Студенти и граѓани во Белград трет ден по ред ги блокираат зградите на Радио Телевизија Србија (РТС) во улицата Таковска и на Кошутњак. Како што објавија студентите на социјалните мрежи, полицијата успеала да ги донесе вработените во зградата на јавниот сервис ова утро. Медиумите објавија и фотографии и видеа од судир односно буткање на насобраните граѓани и полицијата која ја обезбедува зградата.
Студентите кои го блокираат РТС тврдат дека јавните радиодифузери не известуваат искрено за протестите на студентите. Тие, исто така, изјавија дека протестот ќе трае додека не се објави нов конкурс за РЕМ – Регулаторно тело за медиуми или додека РТС не се затвори.
Радио Телевизија на Србија побара од студентите да стават крај на блокадата на објектите на јавните услуги, истакнувајќи дека блокирањето на објектите и спречувањето на вработените во јавниот сервис да ја вршат работата за која тие се законски одговорни е неприфатлив притисок.
Европа
Голема временска прогноза за регионот и Европа: каде ќе врне пороен дожд, а каде ќе има летни температури за Велигден

Април е месец кој се карактеризира со повеќе од променливо време, па како што може да ги прикаже летните временски услови, може да покаже и вистински зимски временски услови. Сепак, синоптичката ситуација ќе биде таква што се очекува време кое наликува на вистинска пролет.
За претстојниот празник Велигден, времето низ Европа ќе биде многу пријатно и пролетно. Силен циклон ќе има над западна Европа, а подрачје со висок притисок на истокот од континентот. Ваквата синоптичка ситуација ќе предизвика преовладување на јужни висински струи, па од Медитеранот ќе пристигне топла воздушна маса. Поради претстојните празници, многумина ќе патуваат во различни делови од регионот и Европа, па сите погледи се вперени во временската прогноза.
Словенија, Хрватска, Црна Гора
Првиот ден од викендот низ регионот ќе биде сончев и топол. Самиот Велигден ќе донесе влијание на циклон од запад и многу влажност, па врнежи од дожд се очекуваат во целиот регион, а долж Јадранското море од словенечкото крајбрежје на север преку хрватското крајбрежје, па се до црногорското и албанското крајбрежје, ќе има врнежи од дожд и грмежи. Максималната температура ќе има претежно од 20 до 24°С. Самиот почеток на следната недела ќе донесе почести врнежи и малку посвежо време.
Грција
Во цела Грција за Велигден се очекува сончево и топло време. Небото над Грција од петок до викендот ќе биде претежно ведро, а температурите во северна Грција и поширокото подрачје на Солун ќе се движат од 20 до 25 степени, а во областите на југот до летните 27 степени.
Истанбул
Во поширокото подрачје на Истанбул ќе биде претежно суво и пријатно топло со наизменични сончеви и облачни периоди. Максималната температура ќе се движи претежно околу многу пријатни 20 степени.
Виена, Будимпешта
За празничниот викенд ќе биде топло, со променливи сончеви и облачни интервали. Максималната температура ќе биде претежно од 20 до 22. Утрините ќе бидат нешто посвежи, со минимална температура околу 7 степени. Сепак, почетокот на неделата ќе донесе облачност со повремени врнежи од дожд, како и малку пониски температури. Циклонска активност од запад ќе донесе облачност и локални врнежи од дожд и грмежи во понеделник, како и малку посвежо време.
Италија
Во текот на викендот и Велигден од северна Италија и Алпите до јужниот дел на земјата и Сицилија ќе предизвика променливо облачно време, со повремени врнежи и грмежи. Нестабилно ќе биде и на поширокото подрачје на Трст и Венеција, но со повремени сончеви периоди. Најмногу врнежи ќе има во подножјето на Алпите. Максималната температура ќе биде претежно од 16 до 20 степени долж јадранското крајбрежје, а во внатрешноста и на Сицилија од 20 до 24 степени.
Шпанија
Во крајбрежниот дел на источна и јужна Шпанија Велигден ќе донесе сончево и топло време, со максимални температури околу 20 степени, кои на почетокот на следната недела ќе се искачат до летни 25 степени, а локално и до 27 степени.
Кипар
Кипар за Велигден го очекува вистинско летно време. Максималната температура во крајбрежјето ќе биде од 25 до 27 степени, а во внатрешноста на Кипар и во Никозија околу 30 степени.
Малта
Суво, но нешто попријатно време од Кипар, а максималната температура ќе има вредност меѓу 20 и 24°С.
Кога станува збор за температурата на морската површина на Средоземното Море, медитеранските води се се уште студени и неповолни за капење и престој во море, со оглед на тоа што температурите главно ќе се движат од 15 до 18 степени.
Регион
Српските студенти со велосипеди стигнаа во Стразбур

Околу 80 студенти и членови на академската заедница од Србија денеска со велосипед пристигнаа во Стразбур, откако за 13 дена поминаа повеќе од 1.400 километри низ неколку европски земји.
Акцијата наречена „Тур де Стразбур“ беше организирана со цел директно да им се пренесе на европските институции загриженоста за состојбата со човековите права и недостатокот на реакција од надлежните органи во Србија по трагичните настани од ноември минатата година.
Студентите тргнаа на 3 април од Нови Сад, а рутата ги однесе преку Суботица, Будимпешта, Братислава, Виена, Линц, Минхен, Аугсбург, Улм и Штутгарт, со емотивен пречек од српската дијаспора и поддршка од граѓаните во секој град.
Тие предвреме пристигнаа во Стразбур, каде беа пречекани од мноштво граѓани, претставници на српската заедница од Франција, како и поддржувачи од други европски земји.
Причина за оваа акција беше трагедијата на железничката станица во Нови Сад на 1 ноември 2024 година, кога поради уривање на настрешницата загинаа 16 млади лица. Настанот предизвика бран протести и блокади на повеќе од 60 факултети во Србија, при што студентите истакнаа четири клучни барања, вклучително и утврдување одговорност за трагедијата и разоткривање на корупцијата во јавните работи.
Целта на велосипедската тура беше да се достават извештаи и писма до институциите на Советот на Европа и Европската унија, вклучително и Парламентарното собрание на Советот на Европа, Комесарот за човекови права, Европскиот парламент и Европската комисија, со цел да се алармира меѓународната заедница за, како што тврдат, сериозни прекршувања на човековите и уставните права во Србија.
Студентите порачаа дека со овој зафат сакаат да покажат истрајност и посветеност во борбата за поправедно општество и дека ниту далечината ниту пречките нема да им го спречат гласот. „Сакаме нашиот глас да се слушне низ целиот свет и да покажеме единство во залагањето за нашите права“, нагласија организаторите.