Регион
Приштина ја осуди изјавата на Дачиќ за наводните напади од страна на албанската дијаспора

Министерството за надворешни работи на Косово во вторникот остро ги осуди изјавите на шефот на српската дипломатија Ивица Дачиќ за можните „наводи напади од страна на албанската дијаспора на дипломатските мисии на Србија“, пренесуваат српските медиуми.
Косовското МНР порачало дека смета дека овие изјави се тенденциозни и имаат за цел да ја задржат тензијата ворегионот, се наведува во соопштението од министерството. Според косовските власти, се работи се „јазик на 90-тите години и предизвикување на страв, кога Србија сама ги оркестрирала нападите и им ги припишувала на другите“.
„За косовското МНР изјавите на Дачиќ се неприфатливи и како такви се неодржливи. Тие се разгорувачки, тенденциозни и придонесуваат за нестабилноста и рушењето на процесот на нормализацијата на односите“, се наведува во соопштението.
„Во такви околности, таквите акти на насилство би можеле да бидат оркестрирани од самата српска држава, и потоа да им се припишат на албанската дијаспора“, се истакнува во реакцијата на косовското министерство.
Дачиќ во понеденикот изјави дека српските влати располагаат со информации за „плановите на албанската дијаспора за заземање на едно од српските дипломатски претставништва во САД или во Европа со цел да се принуди Србија да се откаже да му суди на Харадинај“.
Шефот на српската дипломатија во писмената изјава исто така истакна дека „тоа покажува на што сé се подготвени албанските политичари, па дури и на тероризам“.
Претходно, пак, Дачиќ укажа дека изјавата на албанскиот премиер Дитмир Бушати за преиспитување на дијалогот меѓу Приштина и Белград, покажува дека „суштината на албанската политика е дека злосторствата против Србите се дозволени и оти дијалогот е само цел за натамошно афирмирање на косовската независност“./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Србин ликвидиран во вила на Бали, неговата сопруга била сведок на убиството

Австралискиот државјанин со српско потекло Живан Радмановиќ (32) е убиен во вила на Бали, додека неговиот пријател е тешко повреден. Индонезиската полиција верува дека станува збор за пресметка помеѓу криминални банди.
Австралиските медиуми објавија дека индонезиската полиција верува дека ги идентификувала маскираните напаѓачи одговорни за смртта на Радмановиќ, австралиски државјанин кој дошол на Бали од Мелбурн.
Радмановиќ бил убиен во бањата, додека неговата сопруга се криела од напаѓачите под прекривките на креветот во спалната соба, пренесе Н1.
Пријателот на Радмановиќ, Санар Ганим, бил претепан и застрелан со неколку куршуми во нападот, но успеал да преживее.
Индонезиската полиција соопшти дека сопругата на Радмановиќ среде ноќ ја разбудиле врисоците на нејзиниот сопруг. Како што рекла, се сокрила под покривката, а додека ја покривала главата здогледала маж во светло портокалова јакна со темен шлем на главата.
Таа на полицијата и кажала дека додека ѕиркала, видела како маж пука во нејзиниот сопруг во бањата пред да побегне. Набргу потоа слушнала друга жртва, Ганим, како вреска и истрели од неговата соба.
Истрчала од спалната соба и го затекнала пријателот на нејзиниот сопруг како крвари, а нејзиниот сопруг лежел на подот во бањата.
Австралиските медиуми јавуваат дека Радмановиќ и неговиот пријател во последните неколку месеци живееле на Бали, а веќе и биле познати на полицијата во Викторија.
Вилата во која се случило злосторството имала три соби и вкупно пет гости во моментот на нападот. Покрај жртвите, биле и нивните сопруги и уште еден непознат.
Полицијата нападот го третира како нарачано убиство, а се претпоставува дека напаѓачите се од Австралија. Се сомневаат дека избегале од Бали, но дека се уште се во Индонезија каде доколку бидат уапсени и осудени им се заканува смртна казна.
Регион
Двојно убиство во гаража во Загреб, соседите слушнале десетина истрели

Полицијата во Загреб вчера спроведе истрага на улицата Црна вода, каде што во гаражата на станбена зграда се пронајдени тела на маж и жена со прострелни рани.
Како што потврди Полициската управа во Загреб, во 19:08 часот е примена пријава за истрели, по што полицајците веднаш излегле на местото на настанот. Тела со видливи прострелни рани се пронајдени во автомобил паркиран во гаражата на зградата.
Полицијата се сомнева во убиецот и дека потрагата по него е во тек. Исто така истражителите се сомневаат во мотоцикл и Кеди што ги виделе на снимките од видео надзорот.
Соседите велат дека слушнале околу десетина истрели во времето на пукањето. Според нив, жената живеела во станот со нов партнер по разводот. Тие биле станари.
Исто така, соседите велат дека жената требало да го земе своето дете од училиште денес, но не се појавила. Според нив, нејзиниот поранешен сопруг, загрижен за ова, ја контактирал полицијата. Безживотните тела на жената и нејзиниот нов партнер набрзо беа пронајдени во автомобил во гаража во Црна Вода.
Поради сомневање за двојно убиство, на местото на настанот се спроведува истрага на лице место и кривична истрага. Засега нема официјални информации за идентитетот на жртвите или евентуалниот сторител.
Повеќе информации се очекуваат по завршувањето на истрагата на лице место, која ја води заменик-окружниот државен обвинител во Загреб.
Регион
ГЕРБ: Властите во Скопјe треба да ја запрат репресијата врз Бугарите во РСМ

Пратеничката група на ГЕРБ изрази несогласување со пресудата на Основниот суд во Битола против Љубчо Георгиевски. Од собраниската говорница утрово, беше прочитана декларација на оваа тема, објави БГНЕС.
„Овој случај не е изолиран, туку еден од многуте што го потврдуваат прогонот на Бугарите во РСМ.
Од пратеничката група на ГЕРБ-СДС, изјавуваме дека оваа пресуда е целосно неприфатлива и ги повикуваме властите во Скопјe да ја запрат репресијата врз бугарската заедница и врз секој што го брани своето неотуѓиво право да се самоидентификува како Бугарин, изјави Јорданка Фандакова.
Оваа пресуда, според неа, е политички мотивирана, тоа е чин на репресија врз Бугарите во РСМ, чии права се систематски кршени.
„Време е властите во оваа земја-кандидат за членство во Европската Унија да престанат да го негираат постоењето на омраза, како и да престанат со сите дејствија што систематски ја поттикнуваат, особено против Бугарија и Бугарите во РСМ.
Бугарија не може и нема да остане рамнодушна кога нејзините граѓани и сонародници се изложени на неправда поради нивниот идентитет. Љубчо Георгиевски не е сам, целата бугарска држава и народ стојат зад него“, рече Фандакова.
БГНЕС во својот напис потсетува дека Основниот суд во Битола го осуди Љубчо Ѓоргиевски, претседателот на бугарскиот клуб „Ванчо Михајлов“, на затворска казна од една година, со услов од две години да не го повтори кривичното дело, предизвикување национална и расна омраза и нетрпеливост, како и ширење расизам и ксенофобија преку компјутерски систем.
Како што пренесува медиумот, бугарското Министерство за надворешни работи, вчера ја оцени казната како апсолутно неприфатлива.