Регион
Пoчина поранешниот член на Претседателството на БиХ, Бериз Белкиќ
Политичарот од Босна и Херцеговина и поранешен член на Претседателството, Бериз Белкиќ почина денеска на 77-годишна возраст.
Белкиќ пред неколку дена имал мозочен удар, пишува „Ал Џезира“.
Бериз Белкиќ е роден во Сараево на 8 септември 1946 година.
Дипломирал во 1989 година на Економскиот факултет. Во Партијата за Босна и Херцеговина се приклучи во 1996 година, четири години подоцна стана потпретседател, а од 2012 година претседател на Политичкиот совет.
Во текот на својата кариера бил на повеќе раководни позиции. Од 1996 година, Белкиќ беше министер за труд, социјална политика, раселени лица и бегалци, а потоа од 1998 година, премиер на кантонот Сараево. Осум месеци во 2002 година, тој беше и член на Претседателството на БиХ.
На општите избори во 2000 година е избран за пратеник во Претставничкиот дом на Парламентарното собрание на БиХ, а мандатот во ова тело го продолжува и по изборите во 2006 и 2010 година.
Пред многу години се повлече од политиката.
Ги остави сопругата Азра и синот Адмир.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Мажот кој со сопругата загина во Хрватска, пред несреќата се снимал во живо додека вози „бмв“ 200 на час
Еди Здјелар (24) и неговата сопруга загинаа вчера во тешка сообраќајна несреќа кај Новска во Хрватска, а нивното двегодишно дете е тешко повредено.
Здјелар управувал „бмв“ со кое со голема брзина удрил во камион на автопат, а со нив во автомобилот имало и дете. До несреќата дошло кога тој удрил во задниот дел на камионот со босански национални ознаки што се движел пред него во истиот правец.
Кусо пред несреќата, 24-годишникот на својот Фејсбук профил објави видео на кое се гледа како вози на автопат, каде може да се забележи дека возел повеќе од 200 километри на час. На видеото во позадина гласно се слуша музика, а надвор врне.
Здјелар во еден дел од видеото ги поздравува пријателите и ги известува дека оди на крштевка. Видеото е снимено во периодот од 14:30 до 14:45 часот, што одговара на времето на несреќата кое е пријавено во 15:00 часот.
Порталот „24сата“ пишува дека во 2019 година Здјелар предизвикал уште една сообраќајна несреќа со смртни последици. Како возач на комбе изгубил контрола над возилото и неконтролирано преминал на другата страна на патот и удрил во бетонски мост. Тогаш загинале маж и неговата бремена сопруга.
„Јутарњи лист“ пишува дека девојчето моментално e надвор од животна опасност.
Регион
Драма во Хрватска: мал авион ја промаши пистата и удри во луѓе, има повредени
Во несреќата што се случи на Хвар, Хрватска, кога помал авион ја промаши пистата, три лица се полесно повредени, јави ХРТ.
Несреќата се случила во Староградско поле, кога авионот ја промашил пистата при слетување и удрил во двајца велосипедисти.
Повредените со хеликоптер се пренесени во сплитската клиничка болница.
Регион
Тепачка пред средно училиште во Сараево: повредено едно лице
Денеска во 11 часот и 40 минути пред Средното машинско-техничко училиште во Сараево дошло до физичка пресметка меѓу две лица во која едно лице е повредено, пренесува порталот „Radiosarajevo.ba“.
Според забележаното од порталот „Radiosarajevo.ba“ пред Средното машинско-техничко училиште, биле припадници на КС МУП и вршеле истрага.
„Пред училиштето се е оградено со жолти ленти, а полицијата е на терен“, пренесува порталот.
Според последните информации, непознат маж бил повреден од камен и во моментов се наоѓа во здравствена установа за да му биде укажана соодветна лекарска помош.