Регион
Рама: Балканот e во опасност од руското влијание

Албанскиот премиер Еди Рама изјави дека Балканот е во опасност од руското влијание. Рама во интервју за „Фајненшл тајмс“ нагласи дека доколку се знае оти Балканот е значаен регион, тогаш не може да се очекува Москва да тргне рака од нејзиното влијание во овој регион.
Албанскиот премиер истакна дека, токму поради ова влијание, Европската Унија треба да започне преговори со Албанија .
„Албанија заслужува тие преговори да започнат“, истакна Рама.
Инаку албанските медиуми нагласен акцент даваат на најновите информации од Брисел дека Албанија ќе добие старт на преговорите без некои од условувањата. Во Албанија во последно време, како преставници на институциите така и претставници на невладиниот сектор и партиите, упатуваат остри критики на адреса на Москва, за која сметаат дека го зголемува влијанието во Албанија.
Антируското влијание во земјата е големо, а рускиот амбасадор во Тирана Карпушин на неколку пати упати јавни деманти нагласувајки дека нема вистина во тоа што се пласира во Албанија. Тој предупреди дека антируското расположение е опасно размислување.
К.М.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.
Регион
Уапсена е мајката која го оставила бебето во Белград: било заврзано во кеса

По наредба на Вишото јавно обвинителство во Белград, полицијата ја уапси А.С. (2006), мајка за која постои сомнение дека го оставила своето седумдневно бебе покрај контејнер во Земун, пренесува „Блиц“.
Жената според медиумот е обвинета за обид за тешко убиство.
Бебето го пронашол случаен минувач околу 8:20 часот утрово. Било завиткано во крпи и врзано во кеса.
Според Маја Миладиновиќ, жената што го пронашла бебето, новороденчето тивко плачело, дека нејзиниот крик звучел како „мјаукање“.
– Го шетав кучето како секое утро по улицата Дунавска во Земун кога забележав дека нешто се движи зад контејнерот. Мислев дека лази, но кога се приближив видов дека е бебе. Бебето едвај дишеше и беше сино – вели таа.
Според неа, бебето било завиткано во пешкир.
Како што објави „Блиц“, детето било оставено зад контејнерот, меѓу грмушки и на куп ѓубре.
Екипата за итни случаи го транспортирала бебето во породилиштето во Земун, пишува Танјуг.
Фото: принтскрин
Регион
Министерството за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на владата на Република Србија е пронајден плик адресиран до вицепремиерот и министер за внатрешни работи, Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање пошта. Истрагата утврдила дека пликот бил предаден два дена претходно во филијалата на поштата на Србија во Пожаревац.
Полицијата го идентификувала и го пронашла лицето што го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејства со цел да се заштити безбедноста на граѓаните и на институциите.
Фото: принтскрин