Регион
Рација во стриптиз-клуб во Бања Лука: Три девојки признале проституција и ја откриле цената на услугите
Сопственикот на стриптиз-клубот „Карибик денс“, Лари Живковиќ, кој беше уапсен во акцијата „Долар“, е пуштен на слобода, како и две девојки, додека четворица Словенци и четири српски државјанки се предадени на полициската канцеларија за странци во БиХ, потврди полициското одделение во Бања Лука, а пренесува „Дневни аваз“.
Полицијата ќе поднесе пријава против Живковиќ до јавното обвинителство во Бања Лука под сомнение дека сторил кривични дела наведување на проституција и непочитување на здравствените прописи за време на епидемијата, бидејќи клубот работел по 22 часот.
„Против правното лице, односно стриптиз-клубот поднесена е пријава од комуналната полиција, а подоцна ќе се одлучи дали клубот ќе биде привремено затворен“, наведуваат од полицијата.
Извор близок до истрагата вели дека три од шест притворени девојки за време на истрагата признале дека се занимавале со проституција, додека другите го негирале тоа, тврдејќи дека тие работеле само како танчерки. Проституција признале српските државјанки Звездана Д. и Нина К. односно Адна М. од Бања Лука, кои поради тоа се казнети, а тие исто така откриле по која цена ги наплаќаат ваквите услуги.
„Тие признаа дека за сексуални услуги наплаќале 400 марки“, изјавил изворoт од истрагата. Патем, сликите на девојките се објавени на фејсбук-страницата на стриптиз-клубот. Четиристотини босанско-херцеговски конвертибилни марки се околу 200 евра.
Како што дознава „Дневни аваз“, сите четири српски државјанки ќе бидат протерани од БиХ. Во акцијата беа уапсени и словенечките државјани Бернард Ќосиќ, кај кого била пронајдена мала количина дрога, и Ален Дурановиќ, Мирослав Савановиќ и Мирхад Ферхативиќ, кои биле позитивно тестирани на кокаин.
Двајца од четворицата ќе бидат протерани од земјата, додека Ќосиќ ќе биде обвинет за поседување дрога, а Савановиќ поради попречување на работата на полициските службеници.
Управата на хотелот „Четојевиќ“ издаде соопштение во кое се наведува дека хотелот нема никаква врска со акцијата „Долар“, а рацијата е извршена во стриптиз-клубот „Карибик денс“, кој го користи изнајмениот простор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.