Регион
Регионалната медиумска платформа го осудува нападот врз новинар и камерман во Србија
Регионалната платформа на Западен Балкан за застапување на слободата на медиумите и безбедноста на новинарите, која застапува повеќе од 8.000 членови, остро го осудува физичкиот напад врз камерманот Владета Урошевиќ и новинарот Данило Машојевиќ од ТВ Прва во Србија. Воедно, ја поздравува и брзата реакција на српската полиција која го уапси осомничениот брзо откако се случил нападот.
Машојевиќ и Урошевиќ планирале да снимат интервју со градоначалникот на Лесковац. Сепак, во моментот кога пристигнувале на договореното место за снимање непознат човек почнал да вика и да ги навредува од кафе-барот што се наоѓал во близина. Човекот го употребил и својот автомобил за да го блокира возилото на ТВ Прва. Во моментот кога новинарската екипа почнала да ја вади опремата од автомобилот, насилникот го нападнал камерманот Урошевиќ, предизвикувајќи му повреди во пределот на главата. Инцидентот бил пријавен во полиција, а само неколку часа подоцна осомничениот бил приведен.
Регистарот на напади на незaвисното новинарското здружение од Србија покажува дека ова е втор напад врз новинари во 2018 година, додека бројот на вербални напади кон новинарите е значително поголем и тој изнесува 29. „И покрај брзата реакција на полицијата во овој случај, повторно предупредуваме дека големиот број напади и закани кон новинарите се резултат на политиката на неказнивост“, истакна претседателот на Независното здружението на новинарите на Србија, Славиша Лекиќ, и додаде: „Власта и нејзините претставници не испраќаат јасна порака до јавноста дека секаков вид напади врз новинарите кој се случува поради нивната работа е целосно неприфатлив“.
Регионалната платформа го поддржува Независното здружение на новинари на Србија во неговите напори да ги заштити новинарите и слободата на говорот и ги повикува меѓународните институции да извршат дополнителен притисок врз властите во Србија да покажат целосна заложба за ставање крај на неказнивоста во оваа земја, да ја осигураат безбедноста на новинарите и да ја почитуваат слободата на изразување и медиумите. Секој напад врз новинарите претставува напад на јавниот интерес, демократијата и правата на сите граѓани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.