Регион
РИК ги отфрли сите приговори за изборите во Србија, некои европарламентарци бараат независна истрага за сите нерегуларности

Републичката изборна комисија на вчерашната седница ги отфрли сите приговори поднесени до тоа тело во врска со спроведувањето на изборите во Србија на ниво на република на 17 декември.
Приговори поднесоа гласачите: Мирослав Паровиќ, Далибор Јеж, Иван Петковски, Вања Божовиќ, Веселинка Краљ, Данко Паскаљевиќ, Бојан Стефановиќ, Љиљана (Бела) Антониќ и Снежана Шошкиќ.
Според претседателот на РИК, Владимир Димитријевиќ, сите претставки се идентични, а се однесуваат на непостапување на РИК во многубројни процеси, што, како што наведуваат подносителите на приговорите, придонело за загрозување на изборниот процес и го направило нелегитимен. Во приговорите се наведува и дека РИК постапила спротивно на уставното писмо, во кое се вели дека Косово е составен дел на Србија.
Констатирано е и дека РИК не го санкционирала однесувањето на претседателот на Републиката и не направила ништо во однос на појавата на фантомски гласачи и купување гласови. Подносителите на претставката побараа изборниот процес да се поништи во целост бидејќи сметаат дека во спротивно новото свикување на Собранието ќе биде нелегитимно.
Димитријевиќ објасни дека приговорите се отфрлени бидејќи биле поднесени од неовластени лица.
Европратеници: Повикуваме на независна истрага за сите пријавени изборни нерегуларности, целосна поддршка за граѓаните на Србија
Членовите на Социјалдемократскиот клуб во Парламентот на ЕУ повикуваат на независна истрага за сите пријавени нерегуларности на изборите на 17 декември и истовремено изразуваат целосна поддршка за народот на Србија, кој бара правда, демократија и европска иднина, се вели во нивното соопштение.
Социјалдемократите, втората по големина група во Парламентот на Европската Унија, изјавија дека изборите му донесоа нова победа на претседателот Вучиќ и на неговата СНС, но дека веродостојните извештаи за изборна измама и наводите за невидено насилство предизвикуваат сериозна загриженост.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Хрватска урива стотина дивоградби покрај брегот

Во наредните три недели на плажата Зрќе во Новалија ќе бидат урнати 124 бесправно изградени објекти, соопшти Државниот инспекторат на Хрватска, пренесе „Јутарњи“. Од нив, 119 се наоѓаат во камп, а пет се угостителски објекти изградени без дозвола надвор од градежната зона.
Инспекторатот соопшти дека отстранувањето ќе се врши на трошок на сопствениците и е проценето на околу 720 илјади евра. Акции за уривање на нелегални градби ќе има и во други делови oд Хрватска.
Од 2019 година досега во таа земја се отстранети повеќе од 2300 нелегални градби, спроведени се повеќе од 42 илјади инспекциски надзори, поднесени се 334 кривични пријави, а изречените парични казни достигнуваат 16,5 милиони евра, соопшти Инспекторатот.
Регион
Бугарија може да му дозволи на Путин да прелета над земјата за да се сретне со Трамп во Будимпешта

Авионот што го превезува рускиот претседател Владимир Путин би можел да добие права за прелет над Бугарија, за да може рускиот лидер да присуствува на состанок со американскиот претседател Доналд Трамп во Будимпешта, според министерот за надворешни работи Георгиев, објави државното радио.
„Доколку има напори за постигнување мир, ако тоа е услов за одржување на состанок, тогаш најлогично е да се овозможи состанок од ваков тип на изводлив начин“, рече Георгиев, според извештајот.
Георгиев зборуваше на маргините од состанокот на министрите за надворешни работи на ЕУ во Луксембург. Една можна воздушна рута од Москва до Будимпешта ги опфаќа Црното Море, Бугарија и Србија, но бугарскиот воздушен простор е затворен за руски авиони од инвазијата на Украина во февруари 2022 година.
Други рути се протегаат на север, низ Белорусија и Полска или преку Балтичкото Море, Германија и Чешка. Рускиот министер за надворешни работи Сергеј Лавров и американскиот државен секретар Марко Рубио, кои се задолжени за подготовка на самитот Путин-Трамп, разговараа во понеделник, објави руското Министерство за надворешни работи.
Меѓународниот кривичен суд (МКС) издаде потерница по Путин, а Унгарија е во процес на повлекување од таа меѓународна институција.
Москва го отфрла обвинението на МКС и ја прогласува потерницата по Путин за доказ за непријателството на Западот кон Русија.
Регион
(Фото) Тело на новороденче пронајдено во Нови Сад, мајката веднаш уапсена

Утрово, во Нови Сад, е пронајдено безживотно тело на новороденче, а кратко потоа е уапсена жена за која се сомнева дека е мајката на детето, пренесува „Нова.рс3.
Жената е затекната само на 50 метри од местото на кое е пронајдено телото, во влез од зграда, по што полицијата веднаш ја привела.
View this post on Instagram
Полицијата го блокирала просторот каде што е пронајдено детето. Во тек е истрага за утврдување на сите околности на овој трагичен случај.
Повеќе детали ќе бидат познати по завршувањето на истрагата.
фото: принтскрин