Романската социјалдемократска влада го преживеа во средата гласањето за доверба, којашто го бараше опозицијата од десниот центар.

Романските социјалдемократи повторно дојдоа на власт на изборите во декември 2016 година, цела година откако демонстрантите ги соборија од власт во гневните протести поради смртоносниот пожар во еден ноќен клуб во Букурешт во кој загинаа неколку десетици млади луѓе, за што многумина ја обвинуваа корупцијата и практиката на неказнивост. Владата упорно истакнува дека има намера да оди натаму со оваа реформа на кривичниот законик.

Пратениците од владејачката коалиција на Социјалдемократска партија (PSD) и нивните долгогодишни сојузници ALDE и партијата на унгарското малцинство UDMR, кои имаат 61 отсто од местата во романскиот парламент, се воздржаа од гласањето. За гласање на недоверба на владата, инаку, потребни се 233 гласови или 50 отсто од пратениците.

Романската влада во неделата го повлече контроверзниот указ за декриминализација на одредени дела во врска со корупцијата на политичките и државните функционери, поради што речиси цела седмица низ државата се одвиваа масовни демонстрации, најголеми од оние од 1989 година кога се уриваше комунистичкиот режим.

Романскиот премиер Сорин Гриндеану, чиишто социјалдемократи со сојузниците имаат неприкосновено мнозинство во парламентот, веди дека владата повеќе нема да разгледува слични одлуки „со коишто може да се предизвикаат силни емоции во општеството без вистинска и широка расправа“.

Во текстот за изгласување на недоверба на владата кој го потпишаа 123 членови на опозициските партии се наведува меѓу другото и дека „Романското општество е измамено, а граѓаните се излажани од оние на коишто им ги довериле своите гласови на изборите“.

Ралуца Турчан, челник на Национално либералната партија на десниот центар во текот на парламентарната расправа рече дека „Единственото решение е вашата итна оставка. Морате да платите со своето вработување“.

Извори од Социјалдемократската партија за Reuters изјавиле, под услов да останат анонимни, дека се очекува министерот за правда Флорин Јордаче, кој беше посочен како еден од главните виновници за спорната уредба, подоцна во среда ќе си поднесе оставка.

Романскиот парламент уште треба да га прифати одлуката на владата за повлекување на уредбата за митото, Тоа гласање се очекува кон крајот на седмицава./крај/мф/сн