Регион
Руската амбасада во Сараево: САД подготвуваат „украинско сценарио“ за БиХ
Руската амбасада во Босна и Херцеговина на својот официјален профил на „Фејсбук“ порача дека нема инвазија во Украина, обвинувајќи ги САД за дестабилизација на БиХ и за подготвување на сценарио, како што се вели, слично на украинското.
Како што пишува хрватски „Индекс“ повод за реакцијата била пораката што во саботата била објавена на „Инстаграм“ од страна на американската амбасада. Во американската објава се цитирани руски официјални лица кои пред нападот на Украина велеле дека нема да има инвазија односно дека Западот шири лажна пропаганда.
„Тие излажаа“, се заклучува во пораката, во која се посочуваат изјави од луѓе како рускиот министер за надворешни работи Сергеј Лавров, портпаролот на Путин, Дмитриј Песков и Анатолиј Антонов, рускиот амбасадор во Вашингтон.
Објавувањето на таа порака многу ги налути руските дипломати во Сараево, па тие повторно одговорија со демантирање дека е во тек инвазија на Украина.
„Како и обично, Американците лажат. Затоа што нема инвазија. Наместо тоа, има специјална воена операција за демилитаризација и денацификација на украинскиот режим“, ја повторија од амбасадата пораката од говорот на Путин.
Руската амбасада во БиХ во своето соопштение индиректно сугерира дека САД всушност подготвуваат сценарио слично на Украина за БиХ и дека всушност ја поткопуваат ЕУ како стратешки ривал.
„Токму Вашингтон е тој што всушност се меша во дијалогот во БиХ, ги поставува конститутивните народи еден против друг и се спротивставува на укинувањето на анахрониот странски протекторат претставен од Канцеларијата на високиот претставник. Во исто време, тој ‘внимателно’ ја турка таквата Босна и Херцеговина во Европската унија за да ја користи, како Косово, како ‘фитил’ против неговиот геополитички противник односно ЕУ. Ова е точно, иако во светлината на моменталната имагинарна солидарност меѓу Америка и Европа ‘за украинскиот случај’, таквата изјава може да изгледа претерано. Но, ќе дојде моментот на вистината“, се вели во пораката од руската амбасада.
СAД не се докажан пријател, туку искусен предатор, кој без двоумење ќе го остави својот сојузник на судбината доколку му се заглави опашката, се вели во соопштението на руската амбасада во БиХ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.