Регион
САД бараат кривично гонење на одговорните за прославата на неуставниот ден на Република Српска

САД очекуваат истрага и казнување на сите оние што ги прекршуваат законите на Босна и Херцеговина, вклучително и пресудите на Уставниот суд на Босна и Херцеговина, кој прославувањето на 9 јануари за ден на Република Српска го прогласи за неуставно, соопшти американската амбасада во Сараево.
„Уставниот суд на Босна и Херцеговина во повеќекратните пресуди јасно укажа дека одбележувањето на Денот на РС на 9 јануари е противуставно. Не станува збор за славење празник, туку за одлука тоа да се направи на 9 јануари. Поврзувањето на прославата со православен верски празник прекршува неколку одредби од Уставот на БиХ, кои забрануваат дискриминација. Ова е прашање на право, а не на мислење“, се вели во реакцијата на Амбасадата на социјалната мрежа „Икс“.
Американската амбасада потсети дека почитувањето на одлуките на властите на ниво на БиХ, вклучително и на Уставниот суд, е обврска на двата ентитета, што произлегува од Дејтонскиот договор. Испрати покана до судските власти во БиХ да постапат врз основа на одредбите од Кривичниот законик, кој непослушноста на одлуките на Уставниот суд ја дефинира како кривично дело за што е пропишана затворска казна и предупреди дека САД ќе реагираат кога ќе сметаат дека е потребно.
„САД дејствуваа за да се справат со ваквите антидејтонски акции во минатото и нема да се двоумат да го сторат тоа повторно“, се вели во соопштението објавено еден ден откако американските борбени авиони „Ф16“ извршија воена вежба над воздушниот простор на БиХ и ja прелетаа Бања Лука додека таму траеше академијата на Додик.
Во декември и високиот претставник за Би, Кристијан Шмит, го повика Обвинителството на БиХ да реагира и да ги гони сите функционери што покажуваат дека не ги почитуваат пресудите на Уставниот суд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Фото) Аеродромот во Загреб затворен за сообраќај – мал авион слета надвор од пистата

Аеродромот „Фрањо Туѓман“ во Загреб денеска попладне беше затворен за сообраќај поради инцидент со приватен авион кој се излизгал од пистата, пишува Индекс.
Инцидентот се случил околу 15:21 часот, при слетување на приватен авион од типот Cessna 525.
Леталото проклизнало и завршило на тревната површина покрај пистата.
Според информации од авиокомпанијата, авионот бил празен и во инцидентот нема повредени.
Во моментот се преземаат мерки за отстранување на леталото од пистата, а аеродромот останува затворен до понатамошно известување.
Од Аеродромот „Фрањо Туѓман“ се извинија на патниците за доцнењата на пристигнувачките и поаѓачките летови и најавија дека јавноста ќе биде навремено информирана кога сообраќајот повторно ќе биде воспоставен.
Регион
Локални избори во Заечар и Косјериќ

Денеска во Заечар и Косјериќ се одржуваат редовни локални избори, на кои се избираат советници во општинските совети на овие две локални самоуправи. Гласачките места се отворија утрово во 7:00 часот, а се затворија во 20:00 часот.
Осум изборни листи учествуваат на изборите во Заечар и три во Косјериќ. Изборниот молк ќе трае до затворањето на гласачките места.
Министерот за внатрешни работи на Србија, Ивица Дачиќ, изјави дека нарушувањето на изборите е кривично дело и дека полицијата ќе реагира.
– Полицијата мора да си ја врши својата работа. Во кривичниот законик постои кривично дело попречување на избори. Доколку некој крши гласачки кутии или им попречува на луѓето да гласаат, тоа нема да биде дозволено – рече Дачиќ.
Општина Косјериќ има околу 10.000 жители, а право на глас имаат 8.897 гласачи.
Според податоците на Градската изборна комисија, вкупниот број на гласачи на територијата на Заечар е 47.357.
Прелиминарните резултати се очекуваат вечерва.
Регион
(Фото) Поскапо отколку на Ибица: лежалка на Јадранското море чини 1.300 евра на ден

Цените во хрватските туристички центри се зголемуваат од година во година, а се чини дека оваа сезона трката за профит започна порано од кога било. Од кафе кое чини пет евра, лежалки кои се изнајмуваат поскапо од ноќевање во соба, до порции риба кои достигнуваат цени како и во луксузните ресторани во европските метрополи – сето ова веќе ги загрижува и домашните и странските гости на Јадранското Море, пишува Блиц.
Едно е сигурно – сезоната сè уште не е ни започната, а за цените се зборува како да сме веќе во средината на август. Ова го потврдува и последната објава на Reddit, каде што еден корисник објави фотографија од ценовник од кафуле на плажа во Сплит.
„Можеби ценовникот е поставен на 100 метри од барот на плажата, но барот е во сенка (Жњан, Сплит)“, напиша тој во објавата со фотографијата и додаде: „Добредојдовте на Ибица“, алудирајќи на високите цени.
Цената за изнајмување лежалки се движи од 35 до 1.300 евра!
Možda je cjenik stavljen 100m dalje od beach bara, ali je bar u ladovini (Žnjan, Split)
byu/MantisTobogan_dr incroatia
Во коментарите, корисник ги спореди цените во популарно одморалиште во Шпанија, Ибица и Сплит. Според податоците од веб-страницата Numbeo, Сплит е поскап, барем кога станува збор за туристичките објекти. Авторот на објавата одговори на тоа:
„О, ужас! Сè уште му се потсмевам, а дури е поскап од Ибица“.
Многумина се прашуваат каков туристички бран нè очекува кога, веќе во предсезоната, цените на сместувањето, кафето или порциите лигњи достигнаа нивоа што до вчера беа резервирани за најскапите европски дестинации.