Регион
САД ја поддржаа Грција за протераните руски дипломати

Американскиот Стејт департмент ја изрази својата поддршка кон Грција по одлуката во средата да протера двајца руски дипломати кои се обвинети за мешање во внатрешните работи на земјата и обиди да се поттикне опозицијата во однос на договорот за името Македонија, пишува електронското издание на грчкиот весник „Катимерини“.
„Ние ја поддржуваме Грција, која го брани својот суверенитет. Русија треба да прекине со своето дестабилизирачко однесување“, изјави портпаролката на Стејт департментот, Хедер Ноерт.
Говорејќи за „Ројтерс“ во четвртокот, заменик-министерот за надворешни работи на Грција, Јоргос Катругалос, појасни дека Русија е пријателска земја со која Грција имала многу добри историски односи, но додаде дека Атина би требало да реагира на она што се смета за „прекин на обврските според меѓународното право за дипломатска активност во нашата земја“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двокатен автобус oд Косово се заглави под подвозник во Загреб

Автобус од Косово се заглави пред најпознатиот подвозник во Загреб на улицата Мирамарска.
Возачот на автобусот се обидел да помине под подвозникот висок 3,65 метри.
Инцидентот предизвикал голем метеж во градското подрачје, пренесе „Индекс“.
Регион
Парламентарни избори во Албанија, Рама се бори за четврти мандат, а Бешира за враќање на власт по 12 години

Албанците денес гласаат на 11, парламентарни избори по падот на комунистичкиот режим. Право на глас имаат 3.721.116.
Лидерот на Социјалистичката партија Еди Рама, кој е премиер од 2013 година се бори за четврти мандат, а Сали Бериша, поранешен премиер и лидер на Демократската партија, се надева на враќање на власт по 12 години.
На овие избори, првпат, ќе гласа и албанската дијаспора. Прифатени се апликации на 245.93 лица надвор од земјата.
Во 12 изборни единици, на 5.225 избирачки места Албанците гласаат за 140 нови пратеници.
Регион
Српски бизнисмен брутално претепан во Загреб, крвав лежел пред хотел

Саша Мирковиќ, српски претприемач, музички продуцент и сопственик на „Хајп телевизија“, бил претепан пред хотел во центарот на Загреб, објавија српските медиуми.
Според нивните наводи, Мирковиќ и уште еден маж се сретнале на влезот во хотелот, по што дошло до вербален конфликт кој прераснал во физичка пресметка. Српски Телеграф објави снимки на кои се гледа како крвавиот Мирковиќ лежи на тротоарот, веднаш по тепачката.
Набрзо пристигнала брза помош и го однела во болница.