Регион
Сакала да го убие сопругот, му ставила 10 „апаурини“ во кафето

Жена (43) од хрватскиот град Метковиќ е во притвор откако, како што се сомнева, му ставила лек во кафето на својот 20 години постар сопруг, со намера да го убие.
Како што јави „24часа“, осомничената во шолја кафе му ставила на 64-годишниот сопруг 10 таблети од лекот „апурин“ од 10 милиграми.
Не знаејќи што има во шолјата, човекот го испил пијалокот, по што поради дејството на лекот му се слошило и побарал лекарска помош.
Според информациите, тој почувствувал слабост и побарал прва помош, по што итно бил пренесен во Општата болница во Дубровник, каде му бил испумпан стомакот.
По укажаната лекарска помош е пуштен на домашно лекување.
Со кривичната истрага е утврдено дека 43-годишната жена сторила кривично дело убиство во обид.
Жената во понеделникот вечерта со кривична пријава била предадена на притворскиот надзорник, а денеска била спроведена кај истражен судија, по што и е одредена мерка притвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Силен земјотрес во близина на Крит: ги вознемири жителите на островот

Силен земјотрес денес го погоди подрачјето во близина на брегот на Крит.
Епицентарот на земјотресот се наоѓа 31 километар источно-североисточно од Закрос на овој остров, објавува грчкиот „Прототема“.
Земјотресот се случил во 20:46 часот по грчко време, а сеизмичкиот потрес имал јачина од 5 степени според Рихтеровата скала, според Геодинамичкиот институт.
Длабочината на која се наоѓал епицентарот на земјотресот била 7,8 километри, објавуваат медиумите.
Регион
(Видео) Невреме во Србија: превртен камион, откорнати дрвја, поплавени улици

Силно невреме, проследено со јак ветер и дожд, денес зафати делови од Србија.
Само во Белград, ветерот собори дрвја и гранки на повеќе од 50 локации.
На социјалните мрежи беа објавени бројни видеа од паднати дрвја и скршени гранки.
Силниот ветер што дуваше во Нови Сад собори дрво.
Силен ветер дуваше и во Белград, а повремено имаше врнежи проследени со грмотевици.
Силна бура го погоди и Зрењанин.
Ветрот кршеше гранки од дрвјата, а поради дождот, водата остана на патиштата.
Налети на ветер превртеа камион кај Зрењанин, според написите во медиумите од регионот.
Регион
(Видео) Големо невреме во Загреб, ветерот крши ролетни, урива дрвја

Голема промена на времето пристигна во Хрватска. Бура го погоди Загреб околу 10 часот наутро. Како што известуваат хрватските медиуми, ветерот дува силно и ги кине ролетните на куќите. Грми, врне и дува силно во целиот град.
Портокалова тревога е во сила за регионите Славонија, Истра, Кварнер и во Далмација, а жолта тревога е во сила за остатокот од Хрватска.
Температурите во делови од земјата ќе паднат за повеќе од 10 степени во споредба со вчера.