Регион
Седница на Совет за безбедност на Србија за ситуацијата на Косово

На Косово ноќта помина тензично, но мирно по распоредувањето на специјалните единици „Росу“ низ северот на провинцијата.
Српскиот претседател, Александар Вучиќ, за денеска во 10 часот најави одржување итна седница на Советот за национална безбедност, на која главна тема ќе бидат настаните во Косово и Метохија.
По Јариње, транспаренти со натпис „Добре дојдовте во Заедницата на српски општини“ се појавија синоќа во северниот дел на Косовска Митровица, пренесува „Косово онлајн“. Како што се наведува, плакатите биле поставени на влезот во градот, како и во самиот град.
Претходно, граѓаните кои протестираа во Јариње поради „мерките за реципроцитет“ воведени од Приштина, изработија транспарент на кој пишуваше „Добре дојдовте во Унијата на српски општини“.
Новинарот на Танјуг, исто така, забележува дека вчера над оваа област летале хеликоптери на силите на КФОР, кои оцениле дека ситуацијата на терен е стабилна.
На административните премини, Јариње, Брњак и Мердаре ги одземаат регистарските таблички од северот на Косово, а возилата со знаци од централна Србија мора да земат тест таблички и да платат такса, која чини пет евра и важи два месеци.
Синоќа во Јариње имаше само неколку автомобили од правец кон централна Србија. Преминот, како и на Брњак, може да се помине само пеш, пишува РТС.
Косовската полиција употреби солзавец во близина на контролниот пункт Брњак, но насобраните Срби не се оддалечија од местото каде што протестираат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.